Lucas 17:30 - O Novo Testamento na língua Kaingáng

³⁰ Ge ti nĩnh mũ gé, ẽprã ke fi kósin tỹ vẽnh ven mãn ke kurã ẽn kã. To jykrén ke tũ ag tóg nĩ gé, ti to há tũ ag.

Lucas 17:30 Iomraidhean Croise

Mateus 16:27

“Tỹ sóg ẽprã ke fi kósin nĩ. Kãtĩg mãn jé sóg ke mũ, kanhkã tá, isỹ jẽgnẽ jafã ag mré, inh jóg tỹ isỹ ũn mág han kỹ. Kỹ sóg vẽnh kar mỹ ag tỹ nén han ja ẽn kajãm ke mũ.

Mateus 24:3

Kar kỹ tóg krĩ tỹ Oliveiras ra tĩ mũ sir. Ti tỹ tá nĩ kỹ ti mré mũ tĩ ag tóg ti mỹ: “ẽg tỹ ne ve kỹ ẽg ki kanhró nỹtĩnh mũ, ã kãtĩg mãn ke kurã ẽn ti, nén kar tũg ke kurã ẽn ti?“ he mũ.

Mateus 24:37

Inh kãtĩg mãn ke kurã vỹ Noé tỹ ga mĩ tĩg ja ẽn ri ke nĩnh mũ.

Mateus 24:39

Hã ra tóg ag mỹ tỹ nén ũ tũ tĩ, ti tỹ canoa kã ra rã ẽn ti. Kejẽn ta tóg kutẽ mũ, kỹ goj tóg var mũ sir. Kỹ ag tóg vãhã, kãgter kãn mũ sir. Ge ti nĩnh mũ, ẽprã ke fi kósin kãtĩg mãn kỹ mỹr.

Mateus 26:64

Kỹ Jesus tóg: “ki hã ã tóg tó mũ,” he mũ. “Kỹ sóg ãjag mỹ tag tó mũ gé, ha mẽ. Ẽprã ke fi kósin vỹ tỹ inh nĩ,” he tóg. “Kỹ ãjag tóg ũ tỹ nén ũ kar han mũ ẽn pẽgja tá inh venh ke mũ. Kanhkã góg kã mĩ sóg kãtérenh ke mũ gé,” he tóg.

Marcos 13:26

Kỹ vãhã vẽnh kar vỹ ẽprã ke fi kósin kãtére venh ke mũ sir, kanhkã góg kãmĩ, inh jykre tar pẽ nĩn kỹ. Inh ve vỹ kókov pẽ nĩnh mũ gé.

Lucas 17:24

Inh kãtĩg mãn ke vỹ tỹ ta tỹ kóm kóm ke ri ke nĩnh mũ. Vẽnh kar vỹ inh ve kãn ke mũ. Tỹ sóg ẽprã ke fi kósin nĩ,” he tóg.

Lucas 17:29

Ẽn kã Ló tóg kejẽn ẽmã tỹ Sodoma tá kãkutẽ ja nĩ, kỹ pĩ tóg kanhkã tá kãtére ja nĩ, ẽmã ẽn kri, pó tỹ enxofre nĩja ke gé. Kỹ ẽn tóg ag kãgtén kãn ja nĩ. Topẽ tỹ ag vóg kónãn ke to jykrén ja tũ ag tóg nĩgtĩ.

Lucas 21:22

Topẽ tỹ ag vóg kónãn ke kurã vẽ sir, ag jykre kórég to, hã kỹ tóg vãsỹ rán kỹ nĩ. Vẽnh rá ẽn ve jé ãjag tóg ke mũ, kurã ẽn kã.

Lucas 21:27

Kỹ vãhã vẽnh kar vỹ inh kãtĩg venh ke mũ. Kanhkã góg kã mĩ sóg kãtĩg ke mũ. Kỹ sóg tar nĩnh mũ, inh ve vỹ kókov nĩnh mũ. Ãjag tỹ tag ve kỹ ãjag tóg isỹ tỹ ẽpra ke fi kósin nĩ ẽn ki kanhró nỹtĩnh mũ,” he tóg, Jesus ti.

1 Corinto 1:7

Hã kỹ Topẽ kuprĩg tỹ ẽg mỹ nén nĩm tĩ ẽn vỹ tũ' he vãnh nĩgtĩ, ãjag mỹ. Ẽg Senhor tỹ Jesus Cristo vẽnh ven mãn ke ẽn jãvãnh ãjag tóg mũgtĩ gé, ti kãtĩg ke ti.

1 Corinto 1:8

Ti hã vỹ ãjag tar han mũ', ãjag tỹ ti tovãnh tũ nĩ jé, ãjag tỹ kygnẽg tũ nĩ jé. Kỹ ẽg Senhor tỹ Jesus Cristo tóg ti kãtĩg mãn kỹ ãjag tỹ kygnẽ ja tũ ẽn venh ke mũ sir.

Colossos 3:4

Kejẽn tóg vẽnh ven ke mũ, Cristo ti, ẽg rĩnrĩr han mũ ti. Kỹ vẽnh kar tóg venh ke mũ, ẽg tỹ ti mré rĩnrĩr nỹtĩ ti, ẽg tỹ tỹ ũn mág nỹtĩ ti.

2 Tessalônica 1:7

Ag jãvo tóg ãjag tar han mũ sir, ãjag jagtar mũ hã ra. Kỹ tóg sir ãjag jagtar tỹ tũ' he mũ gé sir, ẽg kar mỹ, ẽg Senhor tỹ Jesus tỹ kanhkã tá kãtĩg kỹ. Kanhkã tãn ag mré tóg kãtĩg ke mũ. Kỹ ẽg tóg ti venh mũ sir.

1 Pedro 1:13

Hã kỹ Topẽ tỹ ẽg mỹ nén tó mũ hã han sórm nĩ. Vẽnh ki ẽmẽm nĩ. Ti tỹ ẽg mỹ nén nĩm ke mũ ẽn hã mĩ ẽkrén nĩ. Jesus tỹ vẽnh ven ke kurã ẽn kã ẽg tóg venh ke mũ sir, ti tỹ ẽg mỹ nén nĩm ke mũ ẽn ti.

1 Pedro 4:13

Mỹ sér nỹtĩm nĩ. Ãjag jagtar kỹ ãjag tóg Cristo tỹ ẽg jagfy jagtar mũ ẽn ri ke vég tĩ. Ãjag tỹ ti jagtar ri ke han kỹ ãjag tóg ti mré tỹ ũn mág nỹtĩnh ke mũ gé, ti tỹ tỹ ũn mág nĩnh ke kurã ẽn kã. Ẽn kã tóg ãjag mỹ sér pẽ tĩnh mũ, ha vem nĩ.

1 João 2:28

Inh krẽ', ti ki ge kỹ nỹtĩm nĩ. Kỹ tóg há tĩ. Kãnhmar ti kãtĩg ke mũ. Kãnhmar ti vẽnh ven ke mũ. Kỹ ẽg tóg mỹ'ãg ke tũ nĩ, ti kãtĩg kỹ, ẽg tỹ ti ki ge kỹ nỹtĩn kỹ. Ẽg mỹ'ãg kỹ ẽg tóg ti kãtĩg kỹ vẽnh pigju sór ke mũ. Hã kỹ ke tũg nĩ.

1 João 3:2

Ãjag to inh há tãvĩ nĩ. Ũri ẽg tóg tỹ Topẽ krẽ nỹtĩ. Kãnhmar ẽg tóg ti mré nỹtĩnh mũnh mũ. Kỹ ẽg hỹn hẽ ri ke nỹtĩnh mũ, kanhkã tá? Ha'. Kar kỹ ẽg venh ke mũ, ti kãtĩg kar kỹ. Ẽn kã ẽg tóg tỹ ti hã nỹtĩnh mũ, ẽg tỹ ẽg kanẽ tỹ ti ve kỹ. Ti ve jé ẽg tóg ke mũ, kurã ẽn kã.

Nén Venh Ke 1:7

Ha vé, kãtĩg mãn jé tóg ke mũ, kanhkã góg kã mĩ. Vẽnh kar vỹ ti venh ke mũ, ẽn kã, ũ tỹ ti kusón mũ ag mré hã. Kỹ povo kar vỹ ti tugrĩn jagtar kãn ke mũ. Vẽsỹrénh jé ag tóg ke mũ, ha vem nĩ. Hã vẽ.