Lucas 17:3 - O Novo Testamento na língua Kaingáng

³ To jykrén, vẽnh ki rĩr kỹ. Kejẽn ã régre vỹ Topẽ vĩ mranh mũ. Kỹ ti mỹ tóm nĩ, ti tỹ kygnẽ ti. Ti tỹ tovãnh sór kỹ ti mỹ vẽnh pãte fón nĩ.

Lucas 17:3 Iomraidhean Croise

Mateus 18:21

Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.

Lucas 21:34

“Vẽnh ki ẽmẽ, ãjag tỹ fénhta tãvĩ to vẽnh kutãn tũ nĩ je, vẽnh kanhir e to ke gé. Kỹ vẽjẽn to krĩ kufy han tũg nĩ gé, kur to, tag ki nén ũ kar to. Ke tũ nĩ mũ ra inh kãtĩg mãn ke kurã ẽn vỹ ãjag vatánh tá jun ke mũ.

Éfeso 5:15

Ãjag tỹ nén han mũ to jykrén nĩ. Krĩ tũ nĩ sór tũg nĩ. Vẽjykre há ki vẽnh kanhrãn kỹ mũm nĩ.

Hebreu 12:15

Vẽnh ki rĩr há han nĩ, ãjag kã mĩ ũ tỹ Topẽ tỹ ẽg jagãgtãn mũ tag to é he tũ nĩ jé. Ãjag kã mĩ ũn pir tỹ vẽjykre kórég to tar nĩn kỹ tóg ẽg mỹ, ti tỹ ũn e ag krĩn kónãn ha mẽ tĩ, ag tỹ ti jykre kórég ẽn ri ke nỹtĩ jé. Kỹ tóg ẽg jakré kã mĩ vãnh jagy ri ke nĩ. Ẽg jakré kókég ti tĩ, vẽjykre kórég tỹ ẽg kókén ri ke.

Tiago 5:19

Inh kanhkã', kejẽn ẽg mré ke ũ tóg prãnh ke tĩ, vẽnh vĩ há tovãnh kỹ. Kỹ ti jyvẽn nĩ, ti tỹ kygnẽ mãn tũ nĩ jé.

2 João 1:8

Vẽnh ki rĩrm nĩ, ãjag tỹ ag vĩ kri fig tũ nĩ jé, ãjag rãnhrãj tỹ ãjag mỹ tũ' he tũ nĩ jé. Vãsãn nĩ, ãjag tỹ tá ti kaja ve jé, Topẽ tỹ ẽg mỹ nén nĩm sór mũ ti.