Lucas 17:25 - O Novo Testamento na língua Kaingáng

²⁵ “Inh kãtĩg mãn ke to hã sóg hã ra vẽsỹrénh mág han ke mũ ver. Ũri ke ag vỹ iso é henh ke mũ ver,” he tóg.

Lucas 17:25 Iomraidhean Croise

Mateus 16:21

Kỹ tóg komẽr hã ti mré mũ tĩ ag mỹ ti jagtar ke kãmén mũ. “Kãnhmar sóg Jerusalém ra tĩg mũ ha,” he tóg. “Tá sóg hã ra jagtar ke mũ. Kófa ag vỹ iso kórég nỹtĩnh mũ, ha vem nĩ, Topẽ tũ to pã'i ag, Topẽ vĩ to ẽg kanhrãn tĩ ag ke gé. Ag tỹ isén ke vẽ, hã ra sóg kurã tãgtũ ki rĩr mãn ke mũ,” he tóg, Jesus ti.

Mateus 21:42

Kỹ tóg ag mỹ: “hỹ,” he mũ. “Kỹ Topẽ vĩ rá tag to jykrén nĩ gé, ha mẽ: “pó tỹ ĩn han jafã fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg hã tỹ ĩn nũna han mũ. Ẽg Senhor mág tỹ há vẽ mỹr, hã kỹ tóg ẽg mỹ e tĩ,” he ja tóg nĩ, Topẽ vĩ rá ki,” he tóg, Jesus ti.

Marcos 10:33

“Ha vé, Jerusalém ra ẽg tóg mũ mũ,” he tóg. “Ẽprã ke fi kósin ẽn vỹ jagtar ke mũ. Inh hã vẽ. Ón kỹ Topẽ tũ to pã'i ag tóg ag tỹ isỹ nén han sór mũ ẽn han ke mũ,” he tóg. “Ag tỹ iso: “ter jé tóg ke mũ,” henh ke vẽ, kỹ ag tóg fóg ag mỹ inh fẽg ke mũ.

Marcos 12:10

Kỹ tóg ag mỹ: “Topẽ vĩ rá tag to jykrén nĩ, ha mẽ,” he mũ. “Pó fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg pó ẽn hã tỹ ĩn nũna han mũ.

Marcos 8:31

Kỹ tóg: “tỹ sóg ẽprã ke fi kósin nĩ,” he mũ. “Ijagtar jagy han ke vẽ. Kófa ag tỹ iso: “kórég ti nĩ,” henh ke vẽ, Topẽ tũ ki rĩr tĩ ag ke gé, Topẽ vĩ to ẽg kanhrãn tĩ ag ke gé. Ag tỹ isén ke vẽ, kurã tãgtũ tũg kỹ sóg rĩr mãn mũ hã ra,” he tóg.

Marcos 9:31

Ti tỹ ti mré mũ tĩ ag kanhrãn sór vẽ, hã kỹ tóg ke mũ. Kỹ tóg ag mỹ: “ẽprã ke fi kósin ẽn vỹ jagtar nĩnh mũ,” he mũ. “Inh hã vẽ. Ẽprã ke ag vỹ ag tỹ isỹ nén han sór mũ ẽn han ke mũ. Ag tỹ isén ke vẽ. Hã ra sóg kurã tãgtũ tũg kỹ rĩr mãn mũ,” he tóg.

Lucas 18:31

Kỹ tóg ũ tỹ 12 (ke) ag jé prẽr mũ, vyrmỹ. “Ha vé, Jerusalém ra ẽg mũnh mũ, kỹ sóg tá ve kãn ke mũ, vãsỹ Topẽ vĩ tó tĩ ag tỹ iso nén rán ja ẽn ti,” he tóg.

Lucas 18:33

ag tỹ inh mrãnmrãn jé. Ag tỹ isén ke vẽ. Hã ra sóg kurã tãgtũ tũg kỹ rĩr mãn ke mũ, ha vem nĩ,” he tóg.

Lucas 24:46

Kỹ tóg ag mỹ: “hã kỹ Cristo vỹ vẽsỹrénh kỹ rĩr mãn gé, ti ter kar kỹ, kurã tãgtũ tũg kỹ. Tag ve kãn sóg huri,” he mũ.

Lucas 9:22

Kỹ tóg ag mỹ: “tỹ sóg, ẽprã ke fi kósin ẽn nĩ,” he mũ. “Ijagtar jagy han ke vẽ. Kófa ag tỹ iso: kórég ti nĩ, henh ke vẽ, Topẽ tũ to pã'i ag ke gé, Topẽ vĩ to ẽg kanhrãn tĩ ag ke gé. Ag tỹ isén ke vẽ. Kurã tãgtũ tũg kỹ sóg rĩr mãn mũ hã ra,” he tóg.

João 1:11

Ti povo kar mĩ tóg tĩg ja nĩ, hã ra ti mré ke ag pijé ti ki ge sór ja nĩgtĩ'.

João 12:38

Hã ra Isaías vỹ tag rán ja nĩgtĩ gé. “Ẽg jóg mág, isỹ ag mỹ ã kãmén mũ ra ag tóg inh vĩ kri fi sór tũ nĩ. Ag tỹ ã tỹ nén han mũ ẽn vég mũ ra ag tóg: “Topẽ jykre vỹ tar nĩ,” he ja tũ nĩ,” he ja tóg nĩgtĩ. Hã ra tóg ge nĩgtĩ gé, Jesus tỹ ag mỹ Topẽ vĩ tó mũ ra, ti tỹ ag mỹ milagre hynhan mũ ra.