Lucas 17:16 - O Novo Testamento na língua Kaingáng

¹⁶ Ti tỹ tá jun kỹ tóg ti krẽm mũg ke mũ. Ti mỹ tóg: “inh mỹ tóg há tĩ, ã tỹ isỹ há' hen kỹ,” he mũ. Samaria tá fóg ũ vẽ, ũ tỹ Jesus to kyrã mũ ẽn ti.

Lucas 17:16 Iomraidhean Croise

Mateus 10:5

Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.

Mateus 2:11

Tá ag tóg ũn sĩ vég mũ, ti mỹnh fi ke gé. Kỹ ag tóg ti krẽm grĩnhgrĩnh ke mũ, ti mỹ: “tỹ ã Topẽ kósin nĩ,” he jé. Kỹ ag tóg ti mỹ ag tũ ti vin mũ sir, ouro ti, ka jẽnjo tỹ incenso ti ke gé, kar kỹ ka tỹ mirra jẽnjo ke gé.

Marcos 5:33

Kỹ fi tóg jũrũn ke mũ. Ti krẽm mũg ke kỹ fi tóg ti mỹ kãmén kãn mũ sir.

Lucas 17:17

Kỹ tóg: “ũ tỹ 10 (ke) ag vỹ há' he kãn,” he mũ. “Hã ra ũn pir ne kyrã'. Hỹn, ũ ag, ũ tỹ 9 (ke) ẽn ag?” he tóg.

Lucas 5:8

Kỹ tóg Simão mỹ e tĩ. Kỹ tóg Jesus krẽm grĩnh kỹ ti mỹ: “ã hỹn inh ré kỹ tĩg mũ ha. Topẽ vĩ mranh ja inh nĩgtĩ. Kórég inh nĩ,” he mũ.

João 4:9

Ha ra tóg fi mỹ e tĩ. Kỹ fi tóg ti mỹ: “Judeu vỹ tỹ ã nĩ, hã ra ã tóg inh mỹ goj to vĩ mũ', isỹ tỹ Samaria tá ke nĩ ra',” he mũ. Judeu ag vỹ Samaria tá ke ag to é he tĩ.

João 5:23

vẽnh kar tỹ ti to: “ũn mág vỹ tỹ ti nĩ,” he jé, ag tỹ ẽg jóg mág to: “ũn mág vỹ tỹ ti nĩ,” he mũ tag ri ke. Ũ tỹ ti kósin mỹ: “ũn mág vỹ tỹ ã nĩ,” he tũ nĩn kỹ tóg ẽg jóg mág mỹ tag tónh ke tũ nĩ gé. Ti hã vỹ ti kósin jẽnẽ ja nĩgtĩ. Inh hã vẽ, ti kósin ti,” he tóg, Jesus ti.

João 8:48

Kỹ Judeu ag tóg ti mỹ: “Samaria tá ke ag ri ke ã tógTopẽ vĩ ki kagtĩg nĩ, kỹ ã jagrẽ kórég nĩ gé,” he mũ.

Han Kãme 1:8

“Hã ra Topẽ kuprĩg vỹ tỹ ãjag jagrẽ nĩnh ke mũ. Kỹ ti hã vỹ ãjag tar han ke mũ, ãjag tỹ inh kãmén jé. Jerusalém tá ãjag tóg inh kãmén ke mũ, ga tỹ Judéia tá ke gé, ga tỹ Samaria tá ke gé, ga fyn ja tá hã ke gé mỹr,” he tóg, Jesus ti.

1 Corinto 14:25

Ti tỹ nén ũ to jykrén mũ vỹ vẽnh ven kãn ke mũ. Kỹ tóg ti mỹ e tĩnh mũ sir. “Topẽ vỹ tỹ ũn mág nĩ,” he jé tóg ke mũ. Kỹ tóg ki kanhró nĩnh mũ. Tó jé tóg ke mũ sir, Topẽ tỹ ãjag mré nĩ ti.

Nén Venh Ke 19:10

Kỹ sóg ti krẽm mũg ke mũ, sỹ ti mỹ: “Topẽ vỹ tỹ ã nĩ,” he jé. Hã ra tóg inh mỹ: “ke tũg ra,” he mũ. “Topẽ mỹ rãnhrãj tĩ vỹ tỹ inh nĩ, ã ri ke, ã kanhkã ag ri ke.Ũ tỹ Jesus tỹ ki hã tó mũ ki króm mũ ẽn ag kar ri ke sóg nĩ,” he tóg. “Topẽ hã mỹ: Topẽ vỹ tỹ ã nĩ, hem nĩ,” he tóg inh mỹ, Topẽ tỹ jẽnẽ jafã ẽn ti. Topẽ vĩ tó tĩ ag vỹ Jesus tỹ ki hã tó mũ ẽn hã kãmén tĩ.

Nén Venh Ke 4:10

Ag tỹ ti mỹ jãn kỹ kófa tỹ 24 (ke) ẽn ag vỹ mũgmũg ke tĩ, ũ tỹ nĩgja sĩnvĩ kri nĩ ẽn krẽm. Kỹ ag tóg ti mỹ: “Topẽ vỹ tỹ ã nĩ,” he tĩ, ũn rĩr nĩ ẽn mỹ. Ti rĩr nĩ vỹ tũ' henh ke tũ pẽ nĩ. Kỹ ag tóg ag krĩ tógfĩ ẽn vin tĩ, nĩgja sĩnvĩ ẽn krẽm.

Nén Venh Ke 5:14

Kỹ nén nẽ tỹ 4 (ke) ẽn ag vỹ tóg vĩ mũ gé sir. “Hã vẽ,” he ag tóg mũ. Kỹ kófa ag tóg mũgmũg ke kãn mũ sir, “Topẽ vỹ tỹ ã nĩ,” hen kỹ.