Lucas 17:1 - O Novo Testamento na língua Kaingáng

¹ Kỹ tóg ti mré mũ tĩ ag mỹ: “ũ tỹ hẽn ri ke ag vỹ ũ tỹ iso há ẽn tỹ isovãnh han sór mũ, ha mẽ,“ he mũ. “Hã ra ag tóg tag to vẽsỹrénh tãvĩ han ke mũ. Topẽ vỹ ag ve kónãn tãvĩ han ke mũ.

Lucas 17:1 Iomraidhean Croise

Mateus 16:23

Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.

Mateus 18:7

“Topẽ vỹ ẽn vóg kónãn pẽ han ke mũ. Ũ tỹ hẽn ri ke ag tóg ag krĩn kónãn tĩ. Hã ra ag tóg to jagtar tãvĩ han ke mũ, ha vem nĩ,” he tóg.

Lucas 16:31

Hã ra tóg: “vó, ag tỹ Moisés vĩ jẽmẽ sór tũ nĩn kỹ ag tóg vẽser vĩ mẽnh ke tũ nĩ gé, ag tỹ Topẽ vĩ tó tĩ ag vĩ mẽ jãvãnh nỹtĩn kỹ,” he mũ, Abraão ti, ũn riko ja ẽn mỹ,” he tóg, Jesus ti.

Roma 14:13

Hã kỹ jagnẽ to vĩ mãn tũg nĩ. Jagnẽ to: “kórég ti nĩ,” he mãn tũg nĩ. Ãjag tỹ nén ũ han ken kỹ: “isỹ tag han kỹ inh régre mỹ inh ve kỹ Topẽ vĩ mranh ke tũ nĩ vỹ?” he jé ẽg tóg ke mũ.

Roma 16:17

Nén ũ tó sór sóg mũ gé ver ãjag mỹ. Ũ ag tóg ãjag tỹ jagnẽ to jũ han sór mũ. Ãjag tỹ jagnẽ vĩ kafãn kónãn han sór ag tóg mũ. Ag pijé ãjag tỹ Topẽ vĩ mẽ ja ẽn ri ke tó tĩ'. Ẽn ag vĩ mẽ sór tũg nĩ.

1 Corinto 10:32

Ũ tỹ ã tugrĩn Topẽ to jũ tũ nĩ kỹn há tĩ, Judeu ag, fóg ag, kanhgág ag, Topẽ tũ ag ke gé, ũ tỹ ẽg mré ke ag. Kỹ vẽjykre há hã han nĩ.

1 Corinto 11:19

Hỹ, há ti nĩ vẽ, ãjag tỹ vẽnh kãpãm kỹ nỹtĩn kỹ. Kỹ ũn jykre há ag vỹ vẽnh ven ke mũ, ãjag kã mĩ.

1 Corinto 8:13

Hã kỹ sóg tag han sór tũ nĩ. Inh mré ke tỹ isỹ nén ũ nĩ ko tugrĩn Topẽ vĩ mranh kỹ sóg ko mãn sór tũ nĩ ha.

1 Timóteo 4:1

Ha vé, Topẽ kuprĩg vỹ ẽg mỹ nén ũ jagy tó tĩ, ha mẽ. Jesus kãtĩg mãn ke tỹ kakó ẽn kã ũ ag nẽji ti tovãnh ke mũ, ag tỹ vẽnh ó hã kri nĩm jé, Japo tỹ ag kanhrãn mũn ki.

Nén Venh Ke 2:14

Hã ra sóg nén ũ tó sór mũ gé, ãjag mỹ, ti tỹ inh mỹ há tũ nĩn kỹ. Ãjag kã mĩ ũ ag tóg Balaão jykre han sór mũ. Balaão vỹ Balaque mỹ ti tỹ Israel krẽ ag krĩn kónãn ke kãmén ja nĩ, Topẽ vĩ mranh ke to. Kỹ ag tóg ón kỹ vẽnh kãgrá to fénhta ko ja nĩgtĩ. Ẽn ko kỹ ag tóg ag prũ tũ fag mré nỹgnỹ' he ja nĩgtĩ gé. Tag han sór ag tóg mũ gé, kỹ tóg inh mỹ kórég nỹ.

Nén Venh Ke 2:20

Hã ra sóg nén ũ sĩ tó sór mũ gé, ãjag mỹ, ti tỹ inh mỹ há tũ nĩn kỹ. Jezabel fi vĩ kamẽg ja tũ ãjag tóg nĩgtĩ. Hã kỹ fi tóg ón kỹ vĩ tĩ nĩ. Inh mỹ rãnhrãj tĩ ag krĩn kónãn fi tóg tĩ, ag tỹ fi mré nỹ jé, ag tỹ vẽnh kãgrá mỹ nén ũ nĩ pũn mũ ẽn ko jé gé.