Lucas 16:9 - O Novo Testamento na língua Kaingáng

⁹ “Hã kỹ sóg ãjag mỹ tó mũ. Ãjag tũ tỹ vẽnh kãpãm nĩ, Kỹ ag tóg ãjag to há nỹtĩnh mũ. Kejẽn ãjag tóg ãjag tũ ré kỹ mũnh mũ. Ẽn kã ãjag tóg mũ há han ke mũ gé. Kanhkã tá ag tóg ãjag mỹ: kunĩg, henh ke mũ.

Lucas 16:9 Iomraidhean Croise

Mateus 19:21

Kỹ Jesus tóg: “ã tỹ vẽjykre há han sór kỹ ã tũ vãm kãn tĩg,” he mũ. “Kỹ ũn jagtar ag mỹ vin, jãnkamy ti, kỹ ã tóg kanhkã tá tũ mág nĩ sir. Kar kãtĩg nĩ, ã tỹ inh mré tĩg jé,” he tóg.

Mateus 6:19

“Ga kri mũn kỹ rikon ke to vãsãn sór tũg nĩ. Ga vỹ ãjag tỹ nén kar konh ke mũ. Kỹ ãjag jãnkamy vỹ vẽso jãgfanh ke mũ gé sir. Kỹ ag tóg pigju kỹ ma mũnh ke mũ gé sir, ãjag tỹ nén ti, ti e nĩn kỹ.

Mateus 6:24

“Ã jagrẽ régre nĩn kỹ tóg vẽnh mỹ tĩ. Ã tỹ Topẽ hã tỹ jagrẽ nĩn kỹ jãnkamy tãn ẽn tỹ jagrẽ nĩ sór tũg nĩ. Ã tỹ jãnkamy e ve sór kỹ ti hã vỹ tỹ ã jagrẽ nĩnh mũ. Kỹ ã tóg Topẽ tỹ ẽg mỹ nén tó mũ ẽn to jykrén há han ke tũ nĩ. Hã kỹ ã tỹ Topẽ to há nĩn kỹ ga kri riko nĩ sór tũg nĩ. Topẽ kã jatun jé ã tóg ke mũ, ha vem nĩ,” he tóg.

Lucas 11:41

Ũ jagãgtãn ra, ãjag tỹ nén ũ tỹ. Vẽjykre há kar han ra, kỹ tóg ãjag tỹ nén ũ kar jãnhkri nĩ ri ke nĩ sir,” he tóg.

Lucas 12:33

Ãjag tỹ nén kar vin nĩ, ũn vẽsỹrénh mũ ag mỹ. Kỹ ãjag tóg kanhkã tỹ tỹ nén ũ mág nỹtĩnh mũ. Tá ãjag kuge tóg tũ' he mãn ke tũ nĩ. Tag ki ẽg tóg ẽg jãnkamy fón tĩ, nén ũ kar to. Tá tóg tũ' he jãvãnh nĩ, ẽg kuge ti. Tá ũ tóg péjunh kãtĩg ke tũ nĩ gé, tá ti ga tóg kagranh ke tũ nĩ gé.

Lucas 14:14

à tỹ tag han kỹ Topẽ vỹ ã ve há han ke mũ, ha vem nĩ. à mỹ ag tóg fénhta han ke tũ nĩ, ag tỹ tỹ nén ũ tũ nỹtĩn kỹ. Kỹ ã tóg ã rĩr mãn kỹ ti kaja venh ke mũ, Topẽ tỹ ũn jykre kuryj kar ag rĩnrĩn mãn ke kurã ẽn kã,” he tóg.

Lucas 16:11

Ẽg tỹ ga kri nén vég mũ vỹ kãnhmar tũ' henh ke mũ. Ãjag tỹ hã ra ga kri ãjag tũ ki rĩr há han tũ nĩn kỹ ãjag tóg kanhkã tỹ tỹ nén ũ tũ nỹtĩnh mũ gé.

Lucas 16:13

“Ã jagrẽ régre nĩn kỹ tóg vẽnh mỹ tĩ. Ã tỹ Topẽ hã tỹ jagrẽ nĩn kỹ jãnkamy tãn ẽn tỹ jagrẽ nĩ sór tũg nĩ. Ã tỹ jãnkamy e ve sór kỹ ti hã vỹ tỹ ã jagrẽ nĩnh mũ. Kỹ ã tóg Topẽ tỹ ã mỹ nén tó mũ ẽn to jykrén há han ke tũ nĩ, ha vem nĩ,” he tóg, Jesus ti.

Lucas 16:4

Kejẽn tóg: “vãhã inh ki kanhró nĩ ha,” he mũ. “Sỹ tag han kỹ ag tóg iso há nỹtĩnh mũ, kỹ ag tóg inh mỹ: “inh mré nĩnh kãtĩg,” henh ke mũ,” he tóg.

Han Kãme 10:31

Kỹ tóg inh mỹ: “Cornélio',” he mũ. “Topẽ vỹ ã vĩ mẽg mũ. Ã tỹ ũn jagtar ag mỹ nén vin ẽn vég tóg mũ,” he tóg.

Han Kãme 10:4

Ti tỹ ti ve kỹ ti fe tóg jũrũn ke mũ, kỹ tóg: “ne nẽ?“ he mũ. Hã ra tóg ti mỹ: “Topẽ vỹ ã vĩ mẽg mũ. Ã tỹ ũn jagãgtar ag mỹ nén nĩm tĩ ẽn vég tóg mũ gé. Hã kỹ tóg ã to jykrén mũ,” he tóg.

2 Corinto 4:17

Tag ki sóg ti jagy vég tĩ, hã ra tóg inh mỹ kãnhvy nĩ. Tũ' he jé tóg ke mũ. Tá ẽg tóg nén ũ há tãvĩ venh ke mũ, ẽg tỹ tag ki ti jagy ve ja tugrĩn. Ki kagtĩg ẽg nĩ ver, hã ra tóg há tãvĩ nĩnh mũ.

Judas 1:21

Topẽ vỹ ãjag to há tãvĩ nĩ. Ti tovãnh tũg nĩ. Ẽg Senhor tỹ Jesus Cristo tỹ ãjag jagãgtãn ke tag hã ve sórm nĩ, kỹ ãjag tóg ẽg rĩr krỹg ja tũ venh ke mũ.