Lucas 16:8 - O Novo Testamento na língua Kaingáng

⁸ Kỹ ti patrão tóg mẽg mũ. Kỹ tóg ti mỹ: “jykre mẽ ã tóg nĩ, kỹ ã tóg ũ tỹ hẽn ri ke tỹ ã to há nĩ han, ã tỹ ag mỹ ag néve rem kỹ,” he mũ,” he tóg. “Kỹ hã vẽ. Ũ tỹ inh ki ge tũ ag vỹ ag tũ to jykrén há han tĩ, inhhã, ha mẽ. Tỹ ag ẽprã ke nỹtĩ, hã kỹ ag tóg tag ki nén to jykrén há han tĩ, ũ tỹ inh ki ge kỹ nỹtĩ ag kãfór,” he tóg.

Lucas 16:8 Iomraidhean Croise

Mateus 12:32

Ãjag tỹ iso vĩ kónãn mũ ra tóg, ãjag mỹ vẽnh pãte fón sór mũ gé, ãjag tỹ ẽprã ke fi kósin to vĩ kónãn mũ ra. Ãjag tỹ Topẽ kuprĩg to vĩ kónãn kỹ tóg, ãjag mỹ vẽnh pãte fón mãn ke tũ nĩ. Ãjag tỹ ga kri mũn kỹ tóg, tag tỹ vẽnh pãte fón ke tũ nĩ, Topẽ ti, ãjag ter kar kỹ ke gé,” he tóg, Jesus ti, pã'i ag mỹ.

Mateus 17:26

Kỹ Pedro tóg: “ag mré ke tũ ag mỹ ag tóg: “kajãm nĩ,” he tĩ,” he mũ. Kỹ Jesus tóg: “hỹ, hã vẽ,” he mũ. “Kỹ ẽg kajãm ke tũ nĩ vẽ.

Lucas 16:10

Ũ tỹ nén ũ sĩ ki rĩr há han kỹ tóg nén ũ ki rĩr há han kãn ke mũ gé. Jãvo ũ tỹ nén ũ sĩ ki rĩr kónãn kỹ tóg nén ũ ki rĩr kónãn kãn ke mũ gé sir.

Lucas 16:4

Kejẽn tóg: “vãhã inh ki kanhró nĩ ha,” he mũ. “Sỹ tag han kỹ ag tóg iso há nỹtĩnh mũ, kỹ ag tóg inh mỹ: “inh mré nĩnh kãtĩg,” henh ke mũ,” he tóg.

Lucas 16:7

Kỹ tóg ũ mỹ: “jo ã?” he mũ gé. Kỹ tóg ti mỹ: “trigo sako tỹ 100 (ke) vẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ térem kỹ 80 (ke) rán jé,” he mũ gé.

Lucas 18:6

Kỹ tóg ag mỹ: “ti vĩ jẽmẽ ra,” he mũ. “Jykre pãno ti nĩ, hã ra tóg fi tỹ ti mỹ vĩ e ẽn to fi kren han sór mũ,” he tóg.

Lucas 20:34

Kỹ tóg ag mỹ: “ẽprã ke ag vỹ kyprũg tĩ, kỹ fag vỹ ag tỹ mén tĩ gé,” he mũ.

Lucas 20:35

“Ag kã ũ ag tóg ag kãgter ja tá rĩnrĩr mãn ke mũ, ti kurã tá krỹg kỹ. Ẽn ag vỹ prũg mãn ke tũ nĩ sir, mén mãn ke tũ fag tóg nĩ gé sir, rĩnrĩr mãn kỹ.

João 12:36

Isỹ ver ãjag mré nĩn kỹ inh ki ge sórm nĩ, ãjag tỹ tỹ inh mré ke nỹtĩ jé. Kỹ ãjag tóg kurã ki nỹtĩ, isỹ tỹ jẽngrẽ ri ke nĩn kỹ,” he tóg. Ti tỹ tag tó kar kỹ tóg vẽnh péju jé tĩ mũ.

1 Corinto 3:18

Kygnẽ tũg nĩ. Vẽso: “ki kanhró mág inh nĩ,” he tũg nĩ. Ãjag tỹ ẽprã ki kanhró mág nỹtĩn kỹ to: “nén ũ tũ vẽ,” hem nĩ, ãjag tỹ Topẽ jykre hã ki kanhrãn jé.

Éfeso 5:8

Vãsỹ ãjag tóg vẽjykre ki kuty hã han ja nĩgtĩ gé. Hã ra Topẽ tóg ãjag mỹ vẽjykre ki kurã ẽn nĩm, ãjag tỹ ti ki gen kỹ. Kỹ vẽjykre ki kurã tag hã han sórm nĩ.

Filipos 3:19

Nũgme ki ag tóg vár ke mũ, inferno ki, ha mẽ. Jẽn há tãvĩ han sór ag tóg mũ. Tag hã tóg ag mỹ sér tĩ. Nén tỹ ẽg mỹ'a han tĩ tag hã tóg ag mỹ sér tĩ. Ẽg tỹ tag mĩ vég tĩ ẽn hã to ag tóg jykrén sór tĩ.

1 Tessalônica 5:5

Ti krẽ vỹ tỹ ãjag nỹtĩ. Hã kỹ tóg ãjag ki kurã nĩ, ãjag tỹ ki kanhró nỹtĩn kỹ. Kuty tũ ti nĩ, ẽg ki. Ti kãtĩg ke ki kanhró ẽg tóg nỹtĩ, hã kỹ tóg ẽg ki kurã nĩ sir.

1 Pedro 2:9

Ãjag hã kuprẽg tóg, ãjag tỹ tỹ ti tũ to pã'i mág nỹtĩ jé, ãjag tỹ tỹ ti povo nỹtĩ jé, vyr mỹ. Ãjag kuprẽg tóg, ãjag tỹ ti tỹ nén han mũ kãmén jé, ti jykre tar ti. Vãsỹ ãjag tóg kuty mĩ mũ ja nĩgtĩ. Hã ra tóg ãjag tatĩ kãtĩg, ãjag tỹ ũri kurã mĩ mũ jé, jẽngrẽ mĩ.

1 João 3:10

Ẽg tỹ ag jykre tugnỹm kỹ ẽg tóg ũ tỹ tỹ Topẽ krẽ mré Japo krẽ ki kanhró nỹtĩ. Ũ tỹ vẽjykre kuryj han jãvãnh ẽn pijé tỹ Topẽ krẽ nỹtĩ'. Ũ tỹ ti régre to há tũ nĩ ẽn pijé tỹ Topẽ krẽ nỹtĩ gé'.