Lucas 16:5 - O Novo Testamento na língua Kaingáng

⁵ Kỹ tóg ũ tỹ ti patrão mỹ néve nỹtĩ ẽn ag jé prẽr kãn mũ sir. Kỹ tóg ũ mỹ: “ã néve tỹ hẽ ri ke nĩ?” he mũ.

Lucas 16:5 Iomraidhean Croise

Mateus 18:24

Kỹ tóg vég mũ. Hã ra ti camarada ũ tóg ti mỹ név mág jẽ, hã vỹ: 10 mil (ke), he mũ.

Mateus 18:28

Kỹ ti camarada ẽn tóg tĩ mũ sir. Kỹ tóg ti mré camarada ũ vég mũ sir. Ti mỹ tóg név sĩ jẽ, jãnkamy pir mỹr. Kỹ tóg ti kãgmĩg mũ sir. Ti nunh kãgũg tóg mũ, kỹ tóg ti mỹ: “inh mỹ kajãm, ã név ti,” he mũ, ũn név mág ja ẽn ti, ũ tỹ ti mỹ név sĩ ẽn mỹ.

Mateus 6:12

Kỹ ẽg mỹ vẽnh pãte fón nĩ, ẽg tỹ ã vĩ mranh ja ti. Hã jé ẽg tóg, ẽg tỹ jagnẽ to jũ tỹ jagnẽ mỹ vẽnh pãte fón ke mũ gé.

Lucas 16:4

Kejẽn tóg: “vãhã inh ki kanhró nĩ ha,” he mũ. “Sỹ tag han kỹ ag tóg iso há nỹtĩnh mũ, kỹ ag tóg inh mỹ: “inh mré nĩnh kãtĩg,” henh ke mũ,” he tóg.

Lucas 16:6

Kỹ tóg ti mỹ: “azeite lata tỹ 100 (ke) ki inh néve jẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ ã néve térem kỹ 50 (ke) rán jé,” he mũ.