Lucas 16:3 - O Novo Testamento na língua Kaingáng

³ Kỹ tóg to jykrén kỹ: “inh hỹn hẽ ri kenh mũ ha?” he mũ. “Inh patrão tỹ inh kutẽm kỹ inh hỹn ne konh ke mũ ha? Inh ẽpỹ jé sóg krój nĩ. Kỹ sóg vẽnh kar mỹ: “inh mỹ nén ũ nĩm, inh mỹ jãnkamy nĩm,” he sór tũ nĩ gé. Inh mỹ'a tóg tĩ,” he tóg.

Lucas 16:3 Iomraidhean Croise

Mateus 20:8

Rãké ra 6 horas ki patrão ẽn tóg ti tũ ki rĩr tĩ mỹ: “ha ag jé prẽr,” he mũ. “Ag mỹ ti kaja ti nĩm. Ũn tỹ rãkãnh kỹ kãmũ mũ ag mỹ nĩm vén, kar kỹ ũ tỹ kusãg ki kãmũ mũ ag mỹ nĩm rén,” he tóg.

Marcos 10:46

Kejẽn tóg ti mré mũ tĩ ag mré ẽmã tỹ Jericó tá jun mũ. Ag tỹ Jerusalém ra mũ vẽ. Kỹ ag tóg Jericó ki pa mũ gé. Vẽnh e tãvĩ tóg ag mré mũ mũ. Hã ra ag tóg ũn kyvó vég mũ. Bartimeu vẽ, Timeu kósin vẽ. Ẽpry kri nĩ kỹ tóg vẽnh kar mỹ: “inh mỹ nén ũ nĩm,” he nĩgtĩ.

Lucas 12:17

Kỹ tóg: “inh hỹn ne han mũ ha? Sỹ krẽm inh jakré kanẽ kar nĩm jé,” he mũ.

Lucas 16:2

Kỹ tóg ti mỹ: “ã tỹ han mũ mẽ inh,” he mũ. “Sỹ ã rãnhrãj tugnỹm ke vẽ. Ki rĩr mãn ke tũ ã tóg nĩ ha,” he tóg mũ.

Lucas 16:20

Kỹ ũn jagtar tóg nĩgtĩ gé. Ti jiji hã vỹ: Lázaro, he mũ. Vẽnh kaga fugfo han vãnh ẽn han kỹ tóg nĩ, kỹ tóg nỹ nĩ, ũn riko ẽn ĩn jãnkã kã.

Lucas 16:22

Kejẽn tóg ter mũ, ũn jagtar ẽn ti. Kỹ Topẽ tỹ jẽgnẽ jafã ag vỹ ti va mũ mũ, ti kuprĩg ti, kanhkã ra. Tá Abraão tóg nĩ nĩ, ẽg jóg' jóg ve ti, kỹ tóg ti mré nĩ nĩ sir, ti tỹ tỹ ti krẽ'krẽ nĩn kỹ. Kar ũn riko tóg ter mũ gé sir. Kỹ ag tóg ga kã tá ti péju mũ.

Lucas 16:4

Kejẽn tóg: “vãhã inh ki kanhró nĩ ha,” he mũ. “Sỹ tag han kỹ ag tóg iso há nỹtĩnh mũ, kỹ ag tóg inh mỹ: “inh mré nĩnh kãtĩg,” henh ke mũ,” he tóg.

Lucas 18:4

Hã ra tóg mẽ jãvãnh nĩ. Jatun mỹ tóg nĩ nĩ, kysã tỹ hẽn ri ke ki. Kỹ fi tóg ti tá jun tỹ hẽn ri ke han mũ gé. To krónh ke tũ fi nĩ. Kỹ tóg kejẽn to jykrén mũ. “Topẽ kamẽg vãnh inh nĩgtĩ,” he tóg.“Ũ kamẽg vãnh inh nĩgtĩ gé.

João 9:8

Ti tỹ vãhã ẽvãnh há nĩn kỹ tóg ti rã hã nỹtĩ kar ag mỹ e tĩ. Vẽnh kar vỹ ti ki kanhró nỹtĩ. Kỹ ag tóg: “ũ tỹ ẽg mỹ: inh mỹ nén ũ nĩm, he nĩgtĩ ẽn hã tũ mỹ'?“ he mũ.

Han Kãme 3:2

Topẽ ĩn tá ũ tóg nĩ nĩ, ũn kãnhgrĩ. Ti mũr mũ kã tóg ge nĩ. Tá tóg: “inh mỹ nén ũ nĩm,” he nĩgtĩ, ũ tỹ Topẽ ĩn kã ra ge mũ ag mỹ. Ẽn va ag tóg kãmũ mũ, jãnkã tá ti nĩm jé. Kỹ João mré Pedro ag tóg Topẽ ĩn tá junjun mũ.

Han Kãme 9:6

“Jẽgnẽ ra, ẽmã tag ki rã, tá ũ tóg ã mỹ tónh mũ, ã tỹ nén han ke ti,” he tóg.

2 Tessalônica 3:11

Ãjag kã mĩ ũ ag nẽji tag han vãnh nỹtĩ. Rãnhrãj vãnh ag nẽji nỹtĩ. Hã ra ag nẽji vẽnh kar to vĩ vĩ he tĩ.