Lucas 16:28 - O Novo Testamento na língua Kaingáng

²⁸ 5 (ke) ag nỹtĩ, inh mré pygfa ja ag. Ti tỹ ag mỹ tónh tĩg jé, ag tỹ tag ki junjun tũ nĩ jé, ag tỹ inh mré vẽsỹrénh tũ nĩ jé,” he tóg.

Lucas 16:28 Iomraidhean Croise

Lucas 16:27

Kỹ ũn riko ja tóg ti mỹ: “kỹ sóg ã mỹ nén ũ tó sór mũ, ha mẽ,” he mũ. “Ã mỹ inh jóg ĩn ra Lazaro jẽnẽnh ke tũ? Tá inh mré ke ag vỹ nỹtĩ.

Han Kãme 10:42

“Kỹ tóg ẽg mỹ: vẽnh kar mỹ inh kãmén nĩ, he ja nĩgtĩ. Topẽ vỹ ti tỹ vẽnh kar kãfór han, hem nĩ, he ja tóg nĩgtĩ. Kỹ tóg vẽnh kar jykre tugnỹm ke mũ sir, ũn rĩnrĩr mũ kar ag jykre, ũn kãgter mũ kar ag jykre ke gé, hem nĩ, iso, he ja tóg nĩgtĩ ẽg mỹ, Jesus ti,” he tóg.

Han Kãme 18:5

Kỹ Silas vỹ Macedônia tá kãtĩ mũ, Timóteo mré. Kỹ Paulo tóg Topẽ vĩ tó tãvĩ nĩ nĩ. Ðn tỹ kur han mãn tũ tóg nĩ. Judeu ag mỹ tóg Jesus kãmén mũ, fóg ag mỹ ke gé.

Han Kãme 2:40

Vĩ tỹ hẽn ri ke han tóg, Jesus kãmén kỹ. Ag jyvẽn tóg mũ gé, kỹ tóg ag mỹ: “Jesus mỹ: inh kren han nĩ, hem nĩ,” he mũ. “Ẽg kar vỹ vẽjykre pãno han kãn, hem nĩ,“ he tóg.

Han Kãme 20:21

Judeu ag mỹ sóg tó ja nĩgtĩ, inh mré ke ag mỹ, fóg ag mỹ ke gé, ag tỹ ag jykre pãno tovãnh jé, Topẽ jykre han jé, ẽg Senhor tỹ Jesus Cristo ki ge jé,” he tóg.

Han Kãme 20:23

“Hã ra Topẽ kuprĩg tóg inh mỹ: ã se jé ag tóg ke mũ, ã vóg kónãn jé ag tóg ke mũ, he tĩ. Isỹ hẽ tá jun kỹ tóg inh mỹ inh vẽsỹrénh ke tó tĩ.

Han Kãme 20:24

Hã ra tóg inh mỹ tỹ nén ũ tũ nĩ, ag tỹ isén ke mũ ra. Sỹ inh rãnhrãj kãn há tóg tĩ, Jesus Cristo tỹ inh mỹ vẽnh rãnhrãj nĩm ja ẽn ti, hã vỹ: sỹ vẽnh kar mỹ Jesus kãme sér ẽn tó jé, he mũ,” he tóg.

Han Kãme 23:11

Tỹ kuty kỹ Jesus tóg Paulo mré vĩ mũ. “Kamẽg tũg ra. Jerusalém tá ã tóg inh vĩ tó há han. Ge jé ã tóg ke mũ, ẽmã tỹ Roma tá,” he tóg.

Han Kãme 26:22

Hã ra Topẽ tóg ijy nĩgãn mũ. Hã kỹ sóg ũri jẽ nĩ. Ti vĩ tó inh mũ, ũn mág ag mỹ, ũn kãsir ag mỹ ke gé. Vãsỹ Topẽ vĩ tó tĩ ag mré sóg tó mũ, Moisés mré hã.

Han Kãme 28:23

Kỹ ag tóg ti mỹ kurã nĩm mũ. Kỹ ũn e ag tóg vẽnh mãn mũ sir, ti tỹ ĩn krẽm nĩ ẽn tá. Ag mỹ tóg Topẽ tỹ tỹ ẽg pã'i nĩ kãmén mũ. Jesus kãmén tóg mũ, ag tỹ hẽn ri ke mũn ti ki ge jé. Moisés tỹ ag mỹ vẽjykre nĩm ja ẽn kãmén tóg mũ gé sir. Kusã ki kãmũ kỹ ag tóg tỹ vẽmén nỹtĩ ki kutyg mũ.

Han Kãme 8:25

Hã ra Pedro ag tóg mũ mãn mũ gé, ag tỹ ẽg Senhor tỹ Jesus vĩ tó kar kỹ. Ag tỹ nén ve ja ẽn tó kãn ag tóg, Jesus tỹ nén han ja ti. Kỹ ag tóg Jerusalém ra vỹnvỹn ke mũ sir. Ag mũn kỹ ag tóg ga tỹ Samaria mĩ Topẽ vĩ sér ẽn tugtó mũ gé.

Galácia 5:3

Ha vé, sỹ tag tó mãn ke vẽ gé, ha mẽ. Ãjag tỹ ãjag fár kym kỹ ãjag tóg Moisés jykre si ẽn ki króm kãn ke mũ gé sir.

Éfeso 4:17

Kỹ sóg ãjag jyvẽn sór mũ, ẽg Senhor tỹ inh mỹ: “ha ag jyvẽn,” hen kỹ. Hã kỹ sóg: “ũ tỹ Topẽ ki kagtĩg ag jykre han sór tũg nĩ,” he mũ. Kórég ti nỹ mỹr, ag jykre ti. Ag tỹ vẽsóg ki nén to jykrén mũ ẽn hã han ag tóg tĩ.

1 Tessalônica 2:11

Gĩr panh vỹ ti kósin jyvẽn tĩ, kỹ tóg kejẽn ti jyvẽn tar han tĩ gé. Kỹ tóg kejẽn vĩ há han tĩ gé, ti fỹn kỹ. Ti ri ke han ja sóg nĩ mỹr, ãjag mỹ.

1 Tessalônica 4:6

Ãjag régre tỹ nén ũ to én tũg nĩ. Ti tũ vẽ mỹr. Kỹ ti tũ ki Topẽ vĩ mranh tũg nĩ. Topẽ hã ne tag to jũ tĩ'. Kỹ ãjag régre tỹ nén ũ vóg tũg nĩ gé. Ãjag tỹ ti tũ vóg kỹ Topẽ vỹ ãjag vóg ke mũ gé, ti kajãm jé. Tag tó sóg huri ãjag mỹ, hã ra sóg tó mãn mũ gé.