Lucas 16:23 - O Novo Testamento na língua Kaingáng

²³ Hã ra tóg nũgme ki kutẽ mũ, ti kuprĩg ti. Inferno tá ti vẽsỹrénh jagy han mũ sir. Kejẽn tóg kanhkã ki ẽvãnh mũ, kỹ tóg tá Abraão vég mũ, Lázaro ke gé, kuvar há tá.

Lucas 16:23 Iomraidhean Croise

Mateus 11:23

“Sỹ ẽmã tỹ Cafarnaum tá ke ag mỹ tag tó sór vẽ gé, ha mẽ. Ũri tóg ãjag mỹ sér tĩ. Kanhkã ra ẽg mũnh mũ, he ãjag tóg tĩ, to jykrén kỹ. Hã ra ãjag tóg nũgme ki vár kãn ke mũ, ha vem nĩ. Ẽmã tỹ Sodoma tá ke ag vỹ, ag jykre pãno to kãgter. Ag tỹ sỹ nén han mũ ve ra ag vãsỹ to jykrén mũ vẽ, kỹ ag kãgter ke tũ nĩ vẽ. Kỹ ag ũri ẽg mré nỹtĩnh mũ vẽ.

Mateus 18:9

“Ã tỹ nén ũ ki vẽ'ĩ kỹ Topẽ vĩ mranh kỹ ã kanẽ ũ nám nĩ, ã tỹ ke mãn tũ nĩ jé. Jagy ti nĩ, ã kyvó nĩ ti. Ã tỹ hã ra kanẽ régre ra nũgme ki kutẽ kỹ tóg jagy kãfór nĩ. Ã tỹ rĩr krỹg ja tũ ẽn ve kỹ tóg hã ra há tĩ,” he tóg, Jesus ti.

Mateus 23:33

“Pỹn ri ke ãjag nỹtĩ, mĩg ri ke ãjag nỹtĩ. Ãjag pijé nũgme ki vár tũ nĩnh mũ', inferno ki'.

Mateus 5:22

Sỹ ũri ãjag jyvẽn hã vẽ, ha mẽ. Ã tỹ ã régre to ã fe tỹ gỹm ke kỹ tóg ã tỹ ti tén ri ke nĩ, fi ke gé. Ag tỹ tag to ã se kỹ tóg inh mỹ há tĩnh mũ. Kỹ ã régre mỹ féfén tũg nĩ gé. Jãvo ã tóg, nũgme ki kutẽnh ke mũ, pĩ ẽn ki,” he tóg.

Mateus 5:29

à tỹ nén ũ ki vẽ'ĩ tugrĩn Topẽ vĩ mranh kỹ ã kanẽ tỹ nám kem nĩ, ã tỹ ki vẽ'ĩ mãn tũ nĩ jé. à kyvó nĩn kỹ tóg, ã mỹ jagy tĩ vẽ. à tỹ hã ra nũgme ki kutẽ kỹ tóg, ti jagy kãfór nĩ. Kỹ tag hã ve sór tũg nĩ.

Mateus 8:29

Jesus kato ag tóg kãmũ mũ. Ti ve kỹ ag tóg prẽnprẽr mũ sir, ha mẽ. “!..Ã hỹn ẽg tỹ hẽ ri kenh mũ, Topẽ kósin'..!“ he ag tóg mũ. “!..Ã mỹ ẽg vóg kónãn sór mũ ha, ẽg kurã to hã..!“ he ag tóg.

Lucas 16:24

Kỹ tóg ag mỹ prẽr mũ. “!..Ijóg'..! !..Abraão'..!” he tóg. “!..Ijagãgtãn ra..!” he tóg. “Lázaro jẽnẽ ra, ti tỹ ti nĩjuja junun mrãn kỹ inh nũnẽ mrãn sĩ han jé. Inh mỹ tóg rỹjgy tãvĩ tĩ, pĩ kã ki,” he tóg.

Lucas 16:28

5 (ke) ag nỹtĩ, inh mré pygfa ja ag. Ti tỹ ag mỹ tónh tĩg jé, ag tỹ tag ki junjun tũ nĩ jé, ag tỹ inh mré vẽsỹrénh tũ nĩ jé,” he tóg.

Lucas 8:28

Ẽn tóg ti kato tẽ kỹ ti krẽm mũg ke mũ. Prẽr kỹ tóg: “!..ã isỹ hẽ ri kenh mũ, Jesus’..!” he mũ. “!..Kynhmỹ Topẽ kósin'..!” he tóg. “!..Ã mỹ sóg to vĩnh mũ, ã tỹ inh vóg kónãn tũ nĩ jé..!” he tóg.

1 Corinto 15:55

Kãgter ẽg tóg tĩ ver. Hã ra ẽg tóg tag ve mãn ke tũ nĩ ha. Nén ũ tỹ ẽg tugtãn ri ke ti nĩ, ẽg ter ke ti. Hã ra Topẽ tóg tỹ tũ' hé,” he tóg, Topẽ vĩ rá ki.

2 Pedro 2:4

Topẽ tỹ jẽgnẽ jafã ũ ag vỹ Topẽ vĩ mranh. Ẽn ag vóg kónãn tóg huri, ag pijé krenkren'. Nũgme ki tóg hur ag vãm, Topẽ ti. Tá ag tóg sigse kỹ nỹtĩ, ferro tỹ corrente tỹ. Tá tóg kuty nỹ. Tá ag tóg Topẽ tỹ vẽnh kar jykre tugnỹm ke kurã ẽn jãvãnh nỹtĩ.

Nén Venh Ke 20:10

Japo ẽn, ũ tỹ ag mỹ ón mũ ẽn fón pẽ han ag tóg mũ, pĩ gru fir ẽn ki, pĩ mág pẽ ẽn ki, pó tỹ enxofre pũr nĩja ẽn kã ki. Goj kã tá mĩg ẽn vỹ tá nĩ ha, pĩ gru fir ẽn kã kã, kar kỹ ón kỹ Topẽ vĩ tó tĩ ẽn ti ke gé. Tá ag tóg kãpa mãn ke tũ pẽ nĩ ha. Tá ag tóg jagtar tãvĩ nỹtĩnh ke mũ ha.