Lucas 16:22 - O Novo Testamento na língua Kaingáng

²² Kejẽn tóg ter mũ, ũn jagtar ẽn ti. Kỹ Topẽ tỹ jẽgnẽ jafã ag vỹ ti va mũ mũ, ti kuprĩg ti, kanhkã ra. Tá Abraão tóg nĩ nĩ, ẽg jóg' jóg ve ti, kỹ tóg ti mré nĩ nĩ sir, ti tỹ tỹ ti krẽ'krẽ nĩn kỹ. Kar ũn riko tóg ter mũ gé sir. Kỹ ag tóg ga kã tá ti péju mũ.

Lucas 16:22 Iomraidhean Croise

Mateus 18:10

“Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.

Mateus 24:31

Kỹ sóg isỹ jẽgnẽ jafã ag jẽgnẽnh mũ, ag tỹ téntén kynkyn jé, kỹ ag tóg isỹ ũn kuprẽg mũ ag jé prẽnprẽr kãn ke mũ sir, ga kar mĩ hã, kanhkã fyr mĩ hã,” he tóg, Jesus ti.

Mateus 8:11

“Ha vé, ũ tỹ hẽn ri ke ag vỹ kãmũnh ke mũ, rã jur ja tá, rã pur ja tá ke gé. Abraão mré ag tóg ũ tỹ kanhkã tá nĩ ẽn tỹ tỹ ẽg pã'i nĩ venh ke mũ, Isaque mré, Jacó mré ke gé. Topẽ tóg ag ki rĩr ke mũ.

Marcos 8:36

“Hẽn ri ke mũn ãjag hỹn ga kri nén ũ kar gỹjỹ henh ke mũ, hã ra ãjag kuprĩg tóg vãfor ke mũ. Kỹ tóg kórég nỹ.

Lucas 12:20

Hã ra Topẽ tóg ti mỹ: “krĩ tũ ã nĩ,” he mũ. “Kuty tag kã ã tóg ter ke mũ ha. Kỹ ã tũ mág tag vỹ tỹ, ũ tũ nĩnh ke mũ ha? Ma tĩg ke tũ ã tóg nĩ,” he tóg ti mỹ, Topẽ ti,” he tóg.

Lucas 16:21

Ẽn vỹ kókĩr tĩgtĩ, ti kaga to. Kỹ tóg ũn riko jẽn vár ko sór tĩgtĩ, hã ra tóg ti mỹ nĩm tũg tĩ. Kasor hã ne ti pénĩn e nỹtĩ. Vẽnh fugfo han vãnh ẽn tugmãg ag tóg tĩ.

João 1:18

Ẽg pijé Topẽ vég tĩ'. Kỹ ẽg kã mĩ ke ũ vỹ ti ve ja tũ nĩ gé. Ti kósin pir hã vỹ ẽg mỹ ti kãmén tĩ. Ti hã vỹ ti jóg mré nĩ nĩ, Topẽ mré.

João 13:23

Hã ra ũ tóg Jesus rã hã nĩ nĩ, ẽn kã, ti tỹ ti to há nĩn kỹ.

João 21:20

Ag mũn kỹ Pedro tóg vẽsỹjãm ẽvãnh kỹ ũ tỹ Jesus nón kãtĩ mũ ẽn vég mũ gé, Jesus tỹ ũ to ha tãvĩ ẽn. Ag jẽn rén ja ẽn tá tóg Jesus rã hã nĩ ja nĩ. Ẽn kã tóg Jesus mỹ: “ũ nỹ hỹn ã ven ke mũ, pã'i ag mỹ?“ he ja nĩ. Ẽn hã vỹ Jesus nón tĩ mũ, Pedro tỹ ti mré tĩ ra.

Hebreu 1:14

Ti tỹ jẽgnẽ jafã ag vỹ vẽnh kuprĩg ri ke nỹtĩ. Topẽ vỹ ag jẽgnẽg tĩ, ag tỹ ti tũ ag jy nĩgãn jé, ũn krenkren ke mũ ẽn ag jy.

Hebreu 2:14

Jesus mré ke ẽn ag hã vỹ tỹ ẽprã ke ag nỹtĩ, fag ke gé. Hã kỹ tóg ag mré tỹ ẽprã ke nĩ ja nĩ gé. Hã kỹ tóg ẽg jagfy ter ja nĩ. Ti tỹ Japo tũg ke vẽ, ti ter tugrĩn. Japo vỹ ẽg tén sór to tar nĩ, hã ra Jesus vỹ ti tỹ tũ' henh ke mũ.

Tiago 1:11

Rã tỹ jun ke kỹ tóg rỹ jagy tĩ. Kỹ re tóg tugtóg tĩ. Kỹ ti fej tóg kógungun tĩ gé. Kỹ ti sĩnvĩ ẽn tóg tũ' he tĩ sir. Ẽn kãgter ri ke ẽg tóg nỹtĩ gé. Kỹ ũn riko ag tóg ke tĩ gé, kãgter kỹ. Kỹ ag há ẽn tóg tũ' he mũ gé sir, ag rãnhrãj tỹ ag mỹ sér nĩ ra.

1 Pedro 2:24

Ha vé, Cristo vỹ ẽg tỹ Topẽ vĩ mranh ja ẽn kajãm ja nĩgtĩ. Krunh to sa kỹ tóg ter ja nĩgtĩ. Hã tugrĩn ẽg jykre pãno tóg tũ tĩ ha, ti tỹ tỹ tũ' hen kỹ. Vẽjykre há hã han jé ẽg tóg ti ki ge kỹ nỹtĩ. Ti vẽsỹrénh tugrĩn ẽg tóg tỹ ũn há nỹtĩ.

Nén Venh Ke 14:13

Kỹ sóg kanhkã tá vẽnh vĩ ũ mẽg mũ gé. Kỹ tóg: “tag rán nĩ, ha mẽ,” he mũ. “Ũ ag tóg ẽg Senhor ki ge kỹ nỹtĩ ki kãgter ja nĩ. Ẽn ag mỹ tóg sér tãvĩ tĩ ha,” he tóg. Kỹ Topẽ kuprĩg tóg: “hỹ,” he mũ gé. “Ag rãnhrãj kaja vég ag tóg mũgtĩ. Kỹ ag tóg ag rãnhrãj to vẽnhkán kỹ nỹtĩ ha,” he tóg.