Lucas 16:16 - O Novo Testamento na língua Kaingáng

¹⁶ “Moisés tỹ ẽg mỹ Topẽ vĩ tó ja ẽn vỹ João tá krỹg, vãsỹ Topẽ vĩ tó tĩ ag tỹ ẽg mỹ nén tó ja kar ẽn ti. João tá jun kỹ vẽjykre tãg vẽ sir, hã vỹ: Topẽ tỹ tỹ ẽg pã'i nĩ, he mũ. Kỹ ũ tỹ hẽn ri ke ag tóg vãsãnsãn tĩ, ag tỹ ve jé.

Lucas 16:16 Iomraidhean Croise

Mateus 10:7

“Ũ tỹ kanhkã tá nĩ ẽn tỹ tỹ ẽg pã'i nĩnh ke vẽ, ũri,” hem nĩ, ag mỹ.

Mateus 15:11

“Ẽg jẽn pijé ẽg kavénh tĩ'. Ẽg jẽnky kã ra ẽg tóg rãg tĩ, vẽjẽn tỹ. Nén ũ tỹ ẽg ki kãpa hã vỹ ẽg kavénh tĩ, ha mẽ,” he tóg.

Mateus 21:32

João vỹ ãjag mỹ Topẽ vĩ tó ja nĩgtĩ, ãjag tỹ ti jykre kuryj jagma mũ jé. Hã ra ãjag tóg ti vĩ kri nĩm ja tũ nĩ. Ãjag jãvo ũ tỹ governo mỹ jãnkamy mãg tĩ ag vỹ ti vĩ kri fi ja nĩ, ũn mén tũ fag ke gé. Tag ve ãjag mỹr. Ge ra ãjag tóg ãjag jykre tovãnh tũ nĩ. João vĩ kri nĩm tũ ãjag nĩ,” he tóg.

Mateus 3:2

“Ãjag jykre pãno tovãnh nĩ, Topẽ tỹ tỹ ãjag pã'i nĩ jé,” he tóg.

Mateus 4:17

Ga ẽn tá nĩ kỹ tóg, ag mỹ Topẽ vĩ tó mũ, kỹ tóg ag mỹ: “ãjag jykre pãno tovãnh ra,” he mũ, “ãjag tỹ ũri ũ tỹ kanhkã tá nĩ ẽn tỹ tỹ ẽg pã'i nĩ ve jé,” he tóg, Jesus ti.

Mateus 4:23

Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.

Marcos 1:14

Kejẽn ag tóg João ség mũ. Ag tỹ ti se kar kỹ Jesus tóg ga tỹ Galiléia ra tĩ mũ. Tá tóg ag mỹ Topẽ tỹ tỹ ẽg pã'i nĩnh ke kãmén mũ, vẽnh vĩ sér ẽn ti.

Marcos 1:45

Ge ra ũn kaga ja ẽn tóg vẽnh kar mỹ Jesus tỹ ti tỹ há' he tó mũ sir. Kỹ ti kãme ẽn vỹ vẽnh kar kri rũm mũ. Hã kỹ Jesus tóg ẽmã ũ ki vẽnh ven tũ nĩgtĩ. Ẽmã tũ mĩ tóg tĩgtĩ, hã ra ag tóg ẽmã kar tá ti to kãmũ tĩ.

Lucas 10:11

“ha vé, ẽg pẽn nug hã kykũgkũg ẽg tóg mũ, ãjag tỹ ẽg kavénh tũ nĩ jé,” hem nĩ. “Ge ra ẽg tóg ãjag mỹ tó mũ, ẽg tỹ ãjag mỹ nén tónh kãmũ jan ti, hã vỹ: “Topẽ vỹ tỹ ẽg pã'i nĩnh mũ, ũri,” he mũ,” hem nĩ ag mỹ,” he tóg.

Lucas 10:9

Ũn kaga ag tỹ há' hem nĩ. Ag mỹ: “Topẽ vỹ tỹ ãjag pã'i nĩnh mũ, ũri,” hem nĩ.

Lucas 16:29

Kỹ Abraão tóg ti mỹ: “vó, tá ag tóg Moisés tỹ ẽg mỹ nén tó ja ẽn mẽnh mũ, Topẽ vĩ tó tĩ kar ag vĩ ke gé. Hã kỹ ag tóg Topẽ vĩ jẽmẽnh mũ, ag tỹ mẽ sór kỹ,” he mũ.

Lucas 16:31

Hã ra tóg: “vó, ag tỹ Moisés vĩ jẽmẽ sór tũ nĩn kỹ ag tóg vẽser vĩ mẽnh ke tũ nĩ gé, ag tỹ Topẽ vĩ tó tĩ ag vĩ mẽ jãvãnh nỹtĩn kỹ,” he mũ, Abraão ti, ũn riko ja ẽn mỹ,” he tóg, Jesus ti.

Lucas 9:2

Kỹ tóg ag jẽgnẽg mũ sir, ag tỹ vẽnh kar mỹ Topẽ tỹ tỹ ẽg pã'i nĩ ẽn kãmén jé, ag tỹ ũn kagyga ag tỹ há' he jé gé.

João 1:45

Kỹ tóg Natanael venh tĩ mũ. Ti mỹ tóg: “Cristo ve inh huri,” he mũ. “Moisés vỹ ti kãtĩg ke rán ja nĩgtĩ, ũ ag ke gé. Jesus to ken hã vẽ, Nazaré tá ke ẽn, José kósin ẽn ti,” he tóg.

João 11:48

Ẽg tỹ ti kato vãsãn tũ nĩn kỹ vẽnh kar vỹ ti ki genh ke mũ. Kỹ fóg tỹ Romano ag vỹ ẽg kato vãsãnsãn ke mũ. Topẽ ĩn kókén jé ag tóg ke mũ, kỹ ag tóg ẽg kãgtén kãn ke mũ gé, ha vem nĩ,” he ag tóg.

João 12:19

Kỹ pã'i ag tóg jagnẽ mỹ: “ha vé, ag pijé ẽg vĩ jẽmẽ sór mũ'. Ti hã mré ag tóg mũ mũ,” he mũ, ti to jũgjũ kỹ.

João 5:4

Goj tỹ vũnvũn he jãvãnh ag tóg nỹtĩ. Kejẽn Topẽ tỹ jẽnẽ jafã vỹ goj ki rã kỹ tỹ vũnvũn he tĩ. Ẽn kã ũ tỹ kã ra rã vén mũ ẽn tóg há' he tĩ. Vẽnh kaga kar tỹ tóg há' he tĩ, goj vũnvũn ẽn, ũ tỹ ki ge vén mũ ag kar tỹ.

Han Kãme 3:18

Hã kỹ Topẽ tóg vãsỹ rán kỹ nĩ ẽn han. Topẽ vĩ tó tĩ ag kar tóg vãsỹ Jesus jagtar ke ti tó ja nĩgtĩ, Topẽ tỹ ag mỹ: ha tó, hen kỹ. “Topẽ tỹ ũn jẽnẽg mũ ẽn tỹ jagtar ke vẽ, Cristo ti,” he ja ag tóg nĩgtĩ.