Lucas 16:15 - O Novo Testamento na língua Kaingáng

¹⁵ Hã ra tóg ag mỹ: “ẽprã ke ag mỹ ãjag tóg tỹ ũn jykre há nỹtĩ ve nĩ,” he mũ. “Hã ra Topẽ vỹ ãjag tỹ nén to jykrén mũ ẽn vég nĩ, ti mỹ ãjag tóg kavéj nỹtĩ,” he tóg. “Ẽprã ke mỹ nén sĩnvĩ nĩ ve tóg Topẽ mỹ kórég nĩ,” he tóg.

Lucas 16:15 Iomraidhean Croise

Mateus 23:5

Ag tỹ nén ũ há han kỹ ag tóg tỹ ũn mág nỹtĩ sór mũ sir, vẽnh kar tỹ ag ve jé. Ag tỹ Topẽ mré vĩ jé ag tóg, ti vĩ rá tỹ ag nĩgé tógfĩg tĩ, ag kakã ke gé. Vẽsógfĩn ja tãpér tỹ ag tóg vẽsógfĩg tĩ. Topẽ jykre han jé ag tóg kur tóv mág tu tĩ gé.

Mateus 6:16

“Kejẽn ãjag tóg vãkrég tĩ. Jẽg tũ ãjag nĩ, Topẽ mỹ há nỹtĩ jé. Kỹ fe ũ nỹtĩ tũg nĩ. Vãkre ki ũ tỹ vẽjykre régre han mũ ag jykre ri ke han tũg nĩ. Ag tỹ ón kỹ vãkre kỹ ag tóg, fe ũ nỹtĩgtĩ sir, vẽnh kar tỹ ag vãkre ve jé. Ag ganho hã vẽ. Kanhkã tá ag tóg, ganho ũ venh ke tũ nĩ ha. Ãjag mỹ sóg ki hã tó mũ, ha mẽ.

Mateus 6:2

“Hã kỹ ãjag tỹ ũn jagtar ag jagãgtãn kỹ ũ mỹ: ag jagãgtãn inh tĩ, he tũg nĩ. Ũ tỹ vẽjykre régre han mũ ag jykre ri ke han tũg nĩ. Vẽnh kar mỹ ag tóg: ag jagãgtãn inh tĩ, fag ke gé, he tĩ. Ag ganho hã vẽ, kỹ ag tóg kanhkã tá ganho ũ ve mãn ke tũ nĩ ha, he tóg.

Mateus 6:5

“Kỹ ãjag tỹ Topẽ mré vẽmén kỹ ũ tỹ vẽjykre régre han mũ ẽn jykre ri ke han tũg nĩ gé. Ag tỹ ón kỹ Topẽ mré vĩ kỹ ag tóg, igreja krẽm jẽgjẽ kỹ nỹtĩ, ke tũ nĩ kỹ ĩn krẽm. Kỹ vẽnh kar vỹ ón kỹ ag to vĩ há han mũ sir, fag to ke gé. Kanhkã tá tóg ganho ũ ve mãn ke tũ nĩ ha. Ãjag mỹ sóg ki hã tó mũ, ha mẽ.

Lucas 10:29

Hã ra tóg ti mỹ há tũ nĩ, Jesus vĩ ti. Hã kỹ tóg ti mỹ: “kỹ ũ nỹ tỹ inh régre nĩ?” he mũ.

Lucas 11:39

Hã ra Jesus tóg ki kanhró nĩ, kỹ tóg ti mỹ: “Fariseu vỹ tỹ ãjag nỹtĩ,” he mũ. “Kỹ ãjag tóg kópa ven ja kupég tĩ, pénky ven ja ke gé, hã ra ti kã tá ke tóg kavéj nĩ. Kỹ ãjag jykre vỹ ge nĩ gé. Jykre há nỹtĩ ve ãjag tóg nĩ, hã ra ãjag tóg vẽjykre pãno kar han tĩ.

Lucas 18:11

Kỹ Fariseu tóg: “Topẽ,” he mũ. “Inh mỹ tóg há tĩ, isỹ jykre kórég tũ nĩn kỹ. Ũ ag tóg nén ũ péju tĩ, ũ ag tóg nén ũ vẽnh mỹ han tĩ inhhã, jãvo inh pijé han tĩ'. Ag prũ tũ fag mré ag tóg nỹgnỹ tĩ. Kỹ governo mỹ jãnkamy mãg tĩ tag ti vỹ kórég nĩ gé, inhhã.

Lucas 18:14

“Ha mẽ, Topẽ vỹ ti mỹ vẽnh pãte fón, hã kỹ tóg jatun mỹ vyr. Jãvo tóg Fariseu ẽn mỹ vẽnh pãte fón tũ nĩ. Ge ti nĩgtĩ. Ẽg tỹ vẽso: “há inh nĩ,” hen kỹ Topẽ tóg ẽg mỹ vẽnh pãte fón ke tũ nĩ. Ẽg tỹ hã ra vẽso: “jykre kórég inh nĩ,” hen kỹ Topẽ vỹ ẽg to há nĩ, kỹ tóg ẽg tỹ ũn mág han ke mũ gé sir, ẽg jykre kurynh kỹ,” he tóg, Jesus ti.

Lucas 18:21

Hã ra tóg: “tag kar ki sóg króm kãn, isĩn kã,” he mũ.

Lucas 18:9

Ũ tỹ ti vĩ mẽg mũ ẽn ag kã mĩ ũ ag tóg vẽso: “tỹ ẽg tóg ũn há nỹtĩ,” he tĩ. “Jo ũ ag ne kórég nỹtĩ', inhhã,” he ag tóg tĩ. Ẽn ag kanhrãn sór tóg mũ. Kỹ tóg ag mỹ:

Lucas 20:20

Kỹ ag tóg hã ra ti tỹ rĩr mũ. Ti to ag tóg vãjig mũ, ag tỹ ti vĩ to fóg tỹ pã'i mỹ: “ha ti vóg kónãn,” he jé. Hã jé ag tóg ũn jykre kuryj nỹtĩ ve ag jẽgnẽg mũ, ag tỹ Jesus ki jẽmẽ jé.

Lucas 20:47

“Hã ra ag tóg ũn mén ter ja fag tũ mãn kãn tĩ. Kar kỹ ag tóg ón kỹ Topẽ mré vĩ mág han mũgtĩ, ẽg tỹ ag to: “ũn há vỹ tỹ ag nỹtĩ,” he jé. Hã to ag vẽsỹrénh mág tãvĩ han ke mũ,” he tóg, Jesus ti.

João 2:25

Kỹ ũ tỹ ti mỹ: “ũ ẽn jykre vỹ ge nĩ,” hen kỹ tóg: “hỹ, ki kanhró inh nĩ,” he tĩ. Vẽsóg ki tóg ag jykre ki kanhró nĩgtĩ.

João 21:17

Kỹ tóg ti ki jẽmẽ mãn mũ gé, jẽmẽ tãgtũ han kỹ. “Simão', João kósin', ã mỹ iso há nĩ?“ he mãn tóg. Kỹ tóg ti mỹ e tĩ, ti tỹ ti mỹ ke tãgtũ han kỹ. Kỹ tóg: “nén kar ki kanhró ã tóg nĩ. Ki kanhró ã tóg nĩ. Hã kỹ ã tóg isỹ ã to há nĩ ki kanhró nĩ,” he mãn mũ. Kỹ Jesus tóg: “kỹ ũ tỹ inh ki ge kỹ nỹtĩ ag mỹ inh vĩ tóm nĩ,” he mãn mũ.

Han Kãme 1:18

Hã ra tóg Jesus kato jãnkamy mãn ja nĩ, kỹ tóg jãnkamy ẽn tỹ ẽpỹ kajãm ja nĩgtĩ. Hã ra tóg ti nunh kã vẽnh jãján ja nĩ, kỹ tóg tam ke kỹ kutẽ ja nĩ, kỹ ti nug tóg jar ja nĩ, kỹ ti nug tóg kãkutẽ ja nĩ, kỹ tóg ter ja nĩ, Judas ti.

Han Kãme 1:24

Kỹ ag tóg Topẽ mré vĩ mũ, ha mẽ. “Ẽg jóg', ẽg tỹ nén to jykrén mũ ki kanhró ã tóg nĩ. Ã hỹn ũ tỹ hẽ kuprẽg,

Han Kãme 15:8

“Kỹ Topẽ tóg ag mỹ ti kuprĩg jẽnẽg mũ. Ag fe ki kanhró tóg nĩ, hã kỹ tóg ag mỹ ti jẽnẽg mũ. Hã ki tóg ẽg mỹ ven mũ, ag tỹ Jesus ki ge kỹ nỹtĩ ti, ẽg ri ke.

Roma 3:20

Topẽ vĩ ki króm kãn ja tũ ẽg tóg nỹtĩ, hã kỹ ẽg kuryj tũ nỹtĩ, Topẽ mỹ. Hã ra ẽg tóg Topẽ tỹ vãsỹ ẽg jyvẽn ja ẽn mẽ kỹ ti vĩ mranh ki kanhrãn mũ, ti tỹ ẽg mỹ: “tag han tũg ra,” hen kỹ. Ge ra ẽg tóg mranh tĩ.

Roma 8:27

Kỹ Topẽ vỹ ẽg tỹ nén to jykrén mũ kar vég tĩ. Kỹ tóg ti kuprĩg tỹ nén tó mũ tag ki kanhró nĩ gé. Ti jykre vỹ ti mỹ há nĩ, ti tỹ nén to vĩ mũ ti, ẽg jagfy, Topẽ tũ kar ag jagfy. Topẽ tỹ nén han sór mũ ẽn hã to tóg vĩ tĩ.

1 Corinto 4:5

Kỹ ũ jykre to vĩ sór tũg nĩ, kurã tỹ ẽgno to hã, ẽg Senhor kãtĩg ke to hã. Ti ha ne nén kar vẽnh ven han kãn ke mũ', ẽg tỹ vẽnh vatánh tá nén han mũ mré hã, ẽg tỹ kuty tá nén han mũ mré hã, ẽg tỹ nén ũ to jykrén mũ ẽn mré hã ke gé. Kỹ ẽg tóg mẽnh mũ sir, Topẽ tỹ ẽg mỹ vĩ há han ke ti. Vyrmỹ tóg ẽg mỹ tónh ke mũ, ẽg kar mỹ, ẽg tỹ nén han ja ti.

1 Pedro 3:4

Vẽjykre sĩnvĩ tag vỹ há nĩ, Topẽ mỹ, kỹ tóg tũ' henh ke tũ nĩ gé.

1 Pedro 5:5

Kỹ sóg kyrũ ag jyvẽn kỹ: “ũn sanh tỹ ãjag mỹ nén tó mũ ẽn han nĩ,” he mũ. Kỹ sóg vẽnh kar jyvẽn kỹ: “jagnẽ to é he tũg nĩ. Jagnẽ ki rĩr há han nĩ,” he mũ. Tag vỹ rán kỹ nĩ, ha mẽ. “Topẽ vỹ ũ tỹ jagnẽ to é he mũ ag kato tẽ tĩ. Hã ra tóg ũ tỹ: “ũn sĩ vỹ tỹ inh nĩ,” he mũ ẽn to há nĩ,” he tóg. Hã kỹ vẽsỹ ũn mág han sór tũg nĩ.

Nén Venh Ke 2:23

Fi krẽ kãgtén kãn jé sóg ke mũ gé. Kỹ inh ki ge kỹ nỹtĩ kar ag vỹ inh jykre ki kanhró nỹtĩnh mũ. Vẽnh kar tỹ nén to jykrén mũ ẽn ve kãn sóg tĩ, ag tỹ nén han sór mũ ẽn ke gé. Ãjag tỹ nén han mũ ẽn ri ke han jé sóg ke mũ, ãjag mỹ, ha vem nĩ.