Lucas 16:13 - O Novo Testamento na língua Kaingáng

¹³ “Ã jagrẽ régre nĩn kỹ tóg vẽnh mỹ tĩ. Ã tỹ Topẽ hã tỹ jagrẽ nĩn kỹ jãnkamy tãn ẽn tỹ jagrẽ nĩ sór tũg nĩ. Ã tỹ jãnkamy e ve sór kỹ ti hã vỹ tỹ ã jagrẽ nĩnh mũ. Kỹ ã tóg Topẽ tỹ ã mỹ nén tó mũ ẽn to jykrén há han ke tũ nĩ, ha vem nĩ,” he tóg, Jesus ti.

Lucas 16:13 Iomraidhean Croise

Mateus 4:10

Kỹ tóg ti mỹ: “ha tĩg, Satanás,” he mũ. “Ẽg pã'i tỹ Topẽ hã krẽm ẽg tóg ẽg jakrĩ tỹ grĩnh ke tĩ, ti hã to ẽg tóg: “Topẽ vẽ,” he tĩ, hã kỹ tóg rán kỹ nĩ, Topẽ vĩ tỹ rán kỹ nĩ ki,” he tóg.

Mateus 6:24

“Ã jagrẽ régre nĩn kỹ tóg vẽnh mỹ tĩ. Ã tỹ Topẽ hã tỹ jagrẽ nĩn kỹ jãnkamy tãn ẽn tỹ jagrẽ nĩ sór tũg nĩ. Ã tỹ jãnkamy e ve sór kỹ ti hã vỹ tỹ ã jagrẽ nĩnh mũ. Kỹ ã tóg Topẽ tỹ ẽg mỹ nén tó mũ ẽn to jykrén há han ke tũ nĩ. Hã kỹ ã tỹ Topẽ to há nĩn kỹ ga kri riko nĩ sór tũg nĩ. Topẽ kã jatun jé ã tóg ke mũ, ha vem nĩ,” he tóg.

Lucas 11:23

“Ãjag tỹ tỹ inh mré ke tũ nỹtĩn hã kỹ ãjag tóg, inh kato tẽgtẽ mũ. Ãjag tỹ inh mré ẽprã ke ag tỹ Topẽ to kãmũ han kỹ tóg há tĩ vẽ, hã ra ãjag tóg, ag kãmũ kamẽg mũ,” he tóg, Jesus ti.

Lucas 14:26

“ũ tỹ inh mré tĩg pẽ han sór mũ jé inh hã to há kãfór nĩ, ti han mũ fag kri, ti prũ fi kri, ti krẽ kri, ti kãke ag kri, ti jãvy ag kri, ti ve fag kri, vẽnh kri ke gé, mỹr, ha mẽ,” he mũ. “Ke tũ nĩ mũ ra tóg inh mré kãtĩg ke tũ nĩ, kỹ tóg tỹ inh mré ke nĩnh ke tũ nĩ gé.

Lucas 16:12

Ãjag tỹ ẽprã nén vég mũ vỹ tỹ Topẽ tũ nĩ. Ti hã mỹ ãjag tóg ki rĩr ke mũ. Ãjag tỹ ti tũ ki rĩr há han tũ nĩn kỹ tóg sir ãjag mỹ ãjag tũ pẽ ẽn nĩm ke tũ nĩ gé, kanhkã tá,” he tóg, Jesus ti.

Lucas 16:9

“Hã kỹ sóg ãjag mỹ tó mũ. Ãjag tũ tỹ vẽnh kãpãm nĩ, Kỹ ag tóg ãjag to há nỹtĩnh mũ. Kejẽn ãjag tóg ãjag tũ ré kỹ mũnh mũ. Ẽn kã ãjag tóg mũ há han ke mũ gé. Kanhkã tá ag tóg ãjag mỹ: kunĩg, henh ke mũ.

Lucas 9:50

Kỹ tóg ti mỹ: “ũ mỹ: vẽjagrẽ kórég pan tũg nĩ, he tũg nĩ,” he mũ. “Ũ tỹ ẽg kato tẽ tũ nĩn kỹ tóg tỹ ẽg mré ke nĩ sir,” he tóg.

Tiago 4:4

Ẽg tỹ Topẽ ki rã kar kỹ vẽjykre pãno to én kỹ ẽg tóg ti kato tẽ mũ sir. Ũn tỹtá kórég fi ri ke ẽg nỹtĩ, ẽg tỹ gen kỹ. Fi mén kavénh fi tóg tĩ, ũ to én kỹ. Ẽg tỹ ẽprã vẽjykre to én kỹ ẽg tóg Topẽ kato tẽ mũ sir. Tag to jykrén mág nĩ.