Lucas 16:1 - O Novo Testamento na língua Kaingáng

¹ Kỹ tóg ti mré mũ tĩ ag mỹ, fag mỹ: “kejẽn ũn riko tóg nĩgtĩ,” he mũ. “Kỹ ti tũ ki rĩr tĩ tóg nĩgtĩ gé. Kejẽn ag tóg ti tũ ki rĩr tĩ ẽn to vĩ mũ. Ti lograr he mẽ ti nẽji nĩ.

Lucas 16:1 Iomraidhean Croise

Mateus 20:8

Rãké ra 6 horas ki patrão ẽn tóg ti tũ ki rĩr tĩ mỹ: “ha ag jé prẽr,” he mũ. “Ag mỹ ti kaja ti nĩm. Ũn tỹ rãkãnh kỹ kãmũ mũ ag mỹ nĩm vén, kar kỹ ũ tỹ kusãg ki kãmũ mũ ag mỹ nĩm rén,” he tóg.

Lucas 12:42

Kỹ tóg: “kejẽn patrão tóg hẽn ra tĩg sór mũ. Kỹ tóg ti camarada ag kã ũ kuprẽg mũ, ti tỹ ti jo ag ki rĩr jé. Ũ tỹ ti rãnhrãj ki rĩr há han tĩ ẽn kuprẽg tóg mũ, ti tỹ ag mỹ vẽjẽn ven jé.

Lucas 15:13

Kãnhmar ti kósin kyrũ tóg ti tũ mãn kỹ ẽmã ũ ra tĩ mũ. Tá tóg vãm kãn mũ, nén ũ kórég kar to.

Lucas 15:30

Hã ra ã kósin ẽn tóg jun mũ sir, kỹ ã tóg ti mỹ monh tãgy ẽn tãnh. Kórég ti nĩ. Ã tũ fón kãn tóg mỹr, ũn tỹtá kórég fag to, hã ra ã tóg fénhta mág han mũ, ti kãtĩg kỹ,” he tóg.

Lucas 16:19

Kỹ tóg ag mỹ: “kejẽn ũ tóg nĩgtĩ, ũn riko pẽ,” he mũ. “Kur kaja e tu ti tĩgtĩ, kur hapẽ. Kurã kar ki tóg vẽjẽn há ko tĩ. Fénhta ri ke han tóg tĩ, kurã kar ki.

Lucas 16:2

Kỹ tóg ti mỹ: “ã tỹ han mũ mẽ inh,” he mũ. “Sỹ ã rãnhrãj tugnỹm ke vẽ. Ki rĩr mãn ke tũ ã tóg nĩ ha,” he tóg mũ.

Lucas 19:20

Kỹ ũ tóg: “ha vé, ã tũ ti,” he mũ. “Inh krĩ pãgja kã ki vin kỹ sóg kri tógfĩn kỹ nĩm han.

Lucas 8:3

Kar ũ fi vỹ tỹ Joana fi nĩ gé. Cuza prũ fi vẽ, pã'i mág tỹ Herodes tũ ki rĩr tĩ ẽn prũ fi vẽ. Kar ũ fi vỹ tỹ Suzana fi nĩ gé. Kar ũ fag vỹ ti mré mũ mũ gé. Fag tũ hã tỹ fag tóg ti mỹ vẽjẽn han tĩ, ti mré mũ tĩ ag mỹ ke gé.

Tito 1:7

Ha vé, ũ tỹ tỹ igreja to kófa jẽ sór kỹ tóg tỹ ũn jykre há nĩnh mũ. Ti tỹ ti mré ke ag to: “ag kãfór vỹ tỹ inh nĩ,” henh ke tũ vẽ. Ũn fe tỹ gỹm ke (ka)mẽ vỹ há tũ nĩ, ũ tỹ vinho kron (ka)mẽ ti, ũn jũ (ka)mẽ ti. Kỹ tóg ti tỹ riko nĩnh ke hã to én ke tũ nĩ gé.

Tiago 4:3

Ãjag tỹ ti mỹ to vĩ ra ãjag tóg venh ke mũ vẽ, hã ra ãjag tóg to vĩ há han tũ nĩgtĩ gé, hã kỹ tóg ãjag mỹ han tũ nĩgtĩ sir. Ti mỹ ãjag tóg to vĩ mũ, ãjag tỹ nén to én mũ ẽn mãn jé. Hã ra tóg ti mỹ tỹ ũ nỹ, hã kỹ tóg ãjag mỹ han tũ nĩ sir, Topẽ ti.

1 Pedro 4:10

Kỹ Topẽ vỹ ẽg tar han tĩ. Ũ tóg nén ũ to tar nĩ. Jãvo ũ tóg nén ũ ũ to tar nĩgtĩ gé. Ãjag tỹ nén ũ to tar nỹtĩ ẽn hã ki rĩrm nĩ, vẽnh kar tỹ ãjag tugrĩn tar nỹtĩ jé. Tag vỹ Topẽ mỹ há nĩ.