Lucas 15:7 - O Novo Testamento na língua Kaingáng

⁷ “Kỹ tóg ge nĩ, ha mẽ. Ũ tỹ 99 (ke) ag tỹ vẽjykre kuryj han kỹ tóg há tĩ sir. Kỹ tóg kanhkã tá ke ag mỹ sér tĩ sir. Hã ra tóg sér kãfór tĩ, ũn pir tỹ ti jykre kórég tovãnh kỹ, ti tỹ ti tỹ Topẽ vĩ mranh mũ ẽn tovãnh kỹ,” he tóg Jesus ti.

Lucas 15:7 Iomraidhean Croise

Mateus 18:13

Vãhã tóg ti vég mũ sir. Kỹ tóg ti mỹ sér pẽ tĩ sir, ha mẽ. Ti mẽg e ẽn ag tóg ti mỹ há nỹtĩ, ũ tỹ 99 ẽn. Hã ra tóg ti tỹ ũn pir ẽn ve mãn kỹ ti mỹ há tãvĩ tĩ sir, ũn e ẽn tỹ ti mỹ há nỹtĩ kãfór.

Mateus 3:8

Ãjag jykre pãno tovãnh nĩ, ti tỹ ãjag to jũ tũ nĩ jé. Vẽjykre há han nĩ, ẽg tỹ ãjag jykre tãg hã ve jé.

Lucas 15:10

Kỹ tóg ge nĩ, kanhkã tá, ha mẽ. Topẽ tỹ jẽgnẽ jafã ag mỹ tóg sér tãvĩ tĩ, ũ fi tỹ fi tỹ Topẽ vĩ mranh ẽn tovãnh kỹ, ha mẽ,” he tóg, Jesus ti.

Lucas 15:29

Hã ra tóg ti mỹ: “nejé,” he mũ. “Prỹg tỹ hẽn ri ke ki sóg ã rãnhrãj ti han, ha mẽ. Inh pijé ã vĩ mranh ja nĩgtĩ'. Ge ra ã tóg inh mỹ nén ũ nĩm ja tũ nĩ. Ã pijé inh mỹ cabrito fẽg tĩ', sỹ inh mré ke ag mỹ fénhta han jé.

Lucas 15:32

Hã ra fénhta tag vỹ há nĩ, ha mẽ. Ẽg mỹ tóg sér tãvĩ tĩ. Ã jãvy vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg, ti panh ti, ti kósin sanh mỹ,” he tóg, Jesus ti.

Lucas 15:6

Kỹ tóg ti ĩn tá jun mũ. Tá tóg ti kanhkã fag jé prẽr mũ, ti rã hã nỹtĩ fag kar. Kỹ tóg fag mỹ: “inh mré ti to mỹ sér,” he mũ. “Inh mẽg vỹ vãfor ja nĩ, hã ra sóg ti ve mãn mũ,” he tóg.

Lucas 15:8

“Kỹ ũn tỹtá fag tóg ge nỹtĩ tĩ gé, ha mẽ. Ũ fi tóg jãnkamy tỹ 10 (ke) tỹ tũ nĩ. Kejẽn ũn pir tóg fi mỹ vãfor mũ. Kỹ fi tóg néj grug kỹ fi ĩn kã mĩ prun kãn mũ gé, jãnkamy ẽn kanẽn jé.

Lucas 16:15

Hã ra tóg ag mỹ: “ẽprã ke ag mỹ ãjag tóg tỹ ũn jykre há nỹtĩ ve nĩ,” he mũ. “Hã ra Topẽ vỹ ãjag tỹ nén to jykrén mũ ẽn vég nĩ, ti mỹ ãjag tóg kavéj nỹtĩ,” he tóg. “Ẽprã ke mỹ nén sĩnvĩ nĩ ve tóg Topẽ mỹ kórég nĩ,” he tóg.

Lucas 5:32

“Inh pijé ũ tỹ vẽjykre kuryj han mũ ag mỹ: ãjag jykre tovãnh ra, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh ra, he sór tĩ. Hã jé sóg ãjag mỹ vẽnh ven,” he tóg, Jesus ti.

Roma 7:9

Vãsỹ ẽg tóg Topẽ tỹ ẽg jyvẽn mũ ẽn mẽ ja tũ nĩgtĩ. Véké ẽg tóg mũ ja nĩgtĩ, jatun mỹ. Kỹ tóg vãhã ẽg mỹ ti vĩ jẽnẽ ja nĩ, Topẽ ti, ẽg jyvẽn kỹ. Ẽn mẽ kỹ ẽg tóg ẽg tỹ ti vĩ mranh ja ẽn ki kanhrãn ja nĩgtĩ, ẽg tỹ to nũgme ki vár ke mũ mré hã. Kỹ ẽg tóg kanẽ jur nỹtĩ ha.