Lucas 15:6 - O Novo Testamento na língua Kaingáng

⁶ Kỹ tóg ti ĩn tá jun mũ. Tá tóg ti kanhkã fag jé prẽr mũ, ti rã hã nỹtĩ fag kar. Kỹ tóg fag mỹ: “inh mré ti to mỹ sér,” he mũ. “Inh mẽg vỹ vãfor ja nĩ, hã ra sóg ti ve mãn mũ,” he tóg.

Lucas 15:6 Iomraidhean Croise

Lucas 1:58

Kỹ fi rã nỹtĩ fag vỹ ti vég mũ gé, fi kanhkã fag ke gé. Topẽ tỹ fi jagãgtãn mẽg fag tóg mũ. Kỹ fag tóg fi mré fi kósin to mỹ sér nỹtĩ sir.

Lucas 15:10

Kỹ tóg ge nĩ, kanhkã tá, ha mẽ. Topẽ tỹ jẽgnẽ jafã ag mỹ tóg sér tãvĩ tĩ, ũ fi tỹ fi tỹ Topẽ vĩ mranh ẽn tovãnh kỹ, ha mẽ,” he tóg, Jesus ti.

Lucas 15:24

Inh kósin vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg. Kỹ tóg ag mỹ sér tĩ sir, ag tỹ fénhta han kỹ.

Lucas 15:5

Ti tỹ ti ve kỹ ti fe tóg mrin ke mũ sir. Kỹ tóg ti nunh kri ti fi kỹ kãtĩ mũ sir.

Lucas 15:7

“Kỹ tóg ge nĩ, ha mẽ. Ũ tỹ 99 (ke) ag tỹ vẽjykre kuryj han kỹ tóg há tĩ sir. Kỹ tóg kanhkã tá ke ag mỹ sér tĩ sir. Hã ra tóg sér kãfór tĩ, ũn pir tỹ ti jykre kórég tovãnh kỹ, ti tỹ ti tỹ Topẽ vĩ mranh mũ ẽn tovãnh kỹ,” he tóg Jesus ti.

João 15:14

Inh mré ke pẽ vỹ tỹ ãjag nỹtĩ, ãjag tỹ inh vĩ ki króm kỹ.

João 3:29

“Vẽnh prũg to jykrén nĩ. Ũn prũg mũ hã vỹ ti prũnh ke fi mré nĩ nĩ. Kỹ ti régre tóg ũn prũg mũ ẽn rã hã jẽ, kỹ tóg ti vĩ mẽg mũ, hã ra tóg ti mỹ mẽ sér pẽ tĩ. Ge ti nĩ, inh mré. Inh mỹ tóg sér tĩ, vẽnh kar tỹ Jesus mré mũn kỹ, ti tỹ tỹ ũn prũg mũ ri ke nĩn kỹ.

Han Kãme 11:23

Ti tỹ tá jun kỹ ti fe tóg mrin ke mũ, Topẽ tỹ ag jagãgtãn kỹ. Kỹ tóg ag jyvẽn mũ, ag tỹ Jesus ki rã to krónh ke tũ nĩn jé, ag tỹ fe tar nỹtĩn jé.

Han Kãme 15:3

Kỹ Paulo ag tóg: “ẽg mũnh ke nẽ ha,” he mũ. Ũ tỹ ag gré fár junun kym sór mũ ag mré ag tóg mũ mũ. Kỹ ag tóg ga tỹ Fenícia fĩn pa mũ sir, ga tỹ Samaria fĩn ke gé. Ag mũn kỹ ag tóg Jesus mré ke kar ag mỹ fóg ag tỹ Jesus ki ge kãmén mũ. Kỹ tóg vẽnh kar mỹ sér tĩ sir.

Filipos 1:4

Sỹ ãjag to Topẽ mré vĩ kỹ inh fe tóg mrin ke tĩ. Inh mỹ tóg sér tĩ, sỹ ãjag mĩ ẽkrén kỹ.

Filipos 2:17

Hẽn ri ke mũn ag isén ke mũ. Kỹ inh kyvénh tỹ inh ki kutẽ kỹ tóg ẽg tỹ Topẽ mỹ nén ũ pũn ri ke nĩnh mũ. Ãjag tỹ ti ki ge kỹ nỹtĩ tugrĩn ke vẽ. Ge ra tóg inh mỹ sér tĩnh mũ. Inh fe tóg mrin kenh ke mũ, ãjag kóm.

Filipos 4:1

Inh kanhkã', tỹ ãjag tóg inh mỹ inh jãvy ri ke nỹtĩ. Kỹ tóg sỹ ãjag venh há tĩgtĩ, sỹ ãjag to há nĩn kỹ. Ãjag hã tugnĩn inh fe tóg mrin ke tĩ. Ãjag hã tugrĩn sóg tỹ ũn mág jẽ. Ãjag to sóg hapẽ nĩ. Hã kỹ tar nỹtĩm nĩ, ẽg Senhor jykre to.

1 Tessalônica 2:19

Ãjag hã to sóg jykrén mũ, Jesus tỹ ãjag hã ki inh jykre ve jé, ti kãtĩg mãn kỹ. Ãjag tỹ ti vĩ ki króm kỹ tóg vég mũ, inh rãnhrãj ti. Ãjag hã to inh fe tóg mrin ke mũ. Ãjag hã ki sóg tỹ ũn mág nĩnh mũ, Jesus mỹ.

1 Pedro 2:10

Ãjag pijé vãsỹ tỹ ũ tũ ja nỹtĩgtĩ'. Ũri ãjag tóg tỹ Topẽ povo nỹtĩ, ti tũ. Ãjag pijé vãsỹ Topẽ tỹ ãjag jagãgtãn sór mũ tag mẽ ja nĩgtĩ'. Ũri tóg hã ra ãjag jagãgtãn, Topẽ ti.

1 Pedro 2:25

Vãsỹ ẽg tóg vẽnh mẽg tỹ carneiro vãgfor ri ke nỹtĩ ja nĩgtĩ. Hã ra tóg hur ẽg tatĩ kãtĩg, ẽg vãgfor ja ra, Jesus ti. Kỹ ẽg tóg ti mré mũ mũ sir, carneiro fag tỹ ag ki rĩr tĩ mré mũ ri ke. Ti hã ne ẽg ki rĩr nĩ ha'.