Lucas 15:32 - O Novo Testamento na língua Kaingáng

³² Hã ra fénhta tag vỹ há nĩ, ha mẽ. Ẽg mỹ tóg sér tãvĩ tĩ. Ã jãvy vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg, ti panh ti, ti kósin sanh mỹ,” he tóg, Jesus ti.

Lucas 15:32 Iomraidhean Croise

Mateus 18:11

Tỹ sóg ẽprã ke fi kósin nĩ. Ũn vãgfor mũ ẽn ag krenkren han hã jé sóg jun ja nĩ, mỹr, ha mẽ,” he tóg.

Lucas 15:24

Inh kósin vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg. Kỹ tóg ag mỹ sér tĩ sir, ag tỹ fénhta han kỹ.

Lucas 15:31

Hã ra ti panh tóg: “vó,” he mũ. “Inh mré ã tóg jẽ nĩ, kỹ tóg inh mỹ sér tĩ. Kỹ isũ kar vỹ tỹ ã tũ nỹtĩ, mỹr, ha mẽ.

Lucas 7:34

Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ'. Ti hã ne kron tĩ'. Ti hã ne Topẽ vĩ mranh tĩ ag to há nĩ',” he tĩ, ẽprã ke fi kósin to.

Roma 11:15

Ha vé, Topẽ tỹ inh mré ke ag tovãnh to tóg povo ũ ag to há nĩ ha. Ag to jũ mãn tũ tóg nĩ sir. Topẽ tỹ Judeu ag to há' he mãn mũ ra tóg vẽnh kar mỹ há tãvĩ tĩnh mũ vẽ. Kỹ vẽnh kar vỹ rĩnrĩr mãn ke mũ vẽ, ũn kãgter mũ ag mré hã. Hã ra tóg ag to há tũ nĩ ver.

Roma 3:19

Hã ra ẽg kar vỹ tag ki kanhró nỹtĩ, ha mẽ. Ẽg hã mỹ ti rán kỹ nĩ, Topẽ vĩ ti, ẽg tỹ ki króm jé. Hã ra ẽg tóg mranh kãn. Kỹ Topẽ tỹ ẽg mỹ: “ti kórég han ã,” he mũ ra, ẽg tỹ ti mỹ ne tónh ke tóg tũ tĩ. Hã jé tóg ẽg mỹ ti vĩ jẽnẽ ja nĩgtĩ, ẽg tỹ to ẽg kórég nĩ tag ki kanhrãn jé.

Roma 3:4

Ón vãnh ti nĩgtĩ. Ẽprã ke ag ne ónón tĩ'. Hã ra Topẽ tóg ón ke tũ pẽ nĩ. Hã kỹ tag tóg rán kỹ nĩ, hã vỹ: “vẽnh kar vỹ venh ke mũ, ã tỹ ã vĩ han tĩ ẽn ti,” he mũ. “Ũ tỹ ã jykre tugnỹm kỹ tóg venh ke mũ sir,” he ja tóg nĩ, Topẽ mỹ. Hã ra tóg ge nĩ.