Lucas 15:31 - O Novo Testamento na língua Kaingáng

³¹ Hã ra ti panh tóg: “vó,” he mũ. “Inh mré ã tóg jẽ nĩ, kỹ tóg inh mỹ sér tĩ. Kỹ isũ kar vỹ tỹ ã tũ nỹtĩ, mỹr, ha mẽ.

Lucas 15:31 Iomraidhean Croise

Lucas 15:30

Hã ra ã kósin ẽn tóg jun mũ sir, kỹ ã tóg ti mỹ monh tãgy ẽn tãnh. Kórég ti nĩ. Ã tũ fón kãn tóg mỹr, ũn tỹtá kórég fag to, hã ra ã tóg fénhta mág han mũ, ti kãtĩg kỹ,” he tóg.

Lucas 15:32

Hã ra fénhta tag vỹ há nĩ, ha mẽ. Ẽg mỹ tóg sér tãvĩ tĩ. Ã jãvy vỹ inh mỹ ter ri ke han, hã ra tóg rĩr mãn ri ke han. Vãfor ja ti nĩ vẽ, hã ra tóg kãtĩg mãn mũ,” he tóg, ti panh ti, ti kósin sanh mỹ,” he tóg, Jesus ti.

João 8:35

Ti camarada ag pijé ti ĩn krẽm ẽmã nỹtĩgtĩ'. Ti kósin hã vỹ ti ĩn krẽm nĩgtĩ jãvo.

Roma 11:1

Kỹ ãjag hỹn: “kỹ Topẽ mỹ ti povo tỹ Israel tovãnh kãn kỹ nĩ?“ he sór mũ, ãjag tỹ inh carta tag ve kỹ. Vó, ag tovãnh kãn tũ ti nĩ. Ha vé, tỹ sóg Judeu nĩ gé, hã ra sóg ti ki rã. Abraão krẽ'krẽ ũ vỹ tỹ inh nĩ gé, ti kósin'kósin tỹ Benjamim krẽ'krẽ ũ mỹr.

Roma 11:35

Ũ nỹ ti mỹ nén ũ nĩm', Topẽ tỹ ti mỹ kajãm jé'? Nén kar vỹ tỹ ti tũ nỹtĩ mỹr. Hã kỹ tóg ẽg hã mỹ nén ũ kar nĩm tĩ, ẽg jagãgtãn kỹ.

Roma 9:4

isỹ tỹ ag mré Judeu nĩn kỹ. Tỹ ag tóg Topẽ krẽ ja nỹtĩ vẽ, ti tỹ ag kuprẽg kỹ. Kỹ tóg ag mỹ ti jykre tar ven ja nĩ gé. Ag mré tóg vẽjykre tỹ hẽn ri ke han ja nĩgtĩ. Ag jyvẽn ja tóg nĩgtĩ gé. Ti ĩn pẽ han ja ag tóg nĩgtĩ, Jerusalém tá, krẽm nén ũ kar pũn jafã. Ag mỹ tóg ti tỹ nén han ke ti kãmén ja nĩgtĩ.