Lucas 15:22 - O Novo Testamento na língua Kaingáng

²² Hã ra tóg ti mỹ: “vó, vẽnh pãte fón kỹ tóg nĩ,” he mũ. Kỹ tóg ti camarada ag mỹ: “kur há tãvĩ ẽn gé kãmũjẽg,” he mũ. “Ti nĩgé kã rãg gé, nĩgé kã nĩm jafã tỹ, pẽn né ẽn ke gé.

Lucas 15:22 Iomraidhean Croise

Lucas 15:21

Kỹ ti kósin tóg ti mỹ: “panh',” he mũ. “Kanhkã tá nĩ ẽn vĩ mranh inh, ã vĩ ke gé. Hã kỹ sóg vẽnh mỹ tỹ ã kósin tũ nĩ ha,” he tóg.

Lucas 15:23

Monh tãgy ẽn venh mũjẽg. Ti tãnh ra, ẽg tỹ ko jé.

Roma 13:14

Ẽg Senhor tỹ Jesus Cristo jykre tãg hã han nĩ. Ẽg tỹ nén to én mũ ẽn han mãn sór tũg nĩ. Ẽg jykre pãno kórég tovãnh kãn nĩ.

Roma 8:15

Ẽg tỹ tỹ Jesus jãvy nỹtĩn kỹ ti pijé ẽg kanẽ jun ke mũ'. Ti kuprĩg vỹ tỹ ẽg jagrẽ nĩ. Kỹ Topẽ pijé tỹ ẽg patrão kórég ri ke nĩ'. Tỹ tóg ẽg panh nĩ ha. Hã kỹ ẽg tóg ti mỹ: “Aba,” he tĩ, hã vỹ: “ẽg jóg,” he mũ, ẽg vĩ ki.

Galácia 3:27

Ti jiji tó kỹ ẽg kygpe kỹ nỹtĩ, kỹ ẽg tóg tỹ ti ri ke nỹtĩ ha.

Éfeso 6:15

Ẽg tỹ Topẽ vĩ sér tó sór mũ vỹ ẽg pẽn né ri ke nĩ. Ẽn rĩnh ri ke han nĩ, hã vỹ: vẽnh kar mỹ Topẽ vĩ kãmén, he mũ.

Nén Venh Ke 19:8

Fi kur kupri ẽn tu kỹ fi tóg jẽ nĩ, fi kur jẽngrẽ ẽn,” he ag tóg, ũn e ag, jãnjãn kỹ. Ũ tỹ Topẽ ki ge kỹ nỹtĩ kar ag to ken hã vẽ, hã vỹ: cordeiro prũnh ke, he mũ.

Nén Venh Ke 2:17

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tó tĩ,” he tóg. “Ũ tỹ isovãnh tũ mỹ sóg kanhkã tá vẽjẽn tỹ péju kỹ nĩ ẽn nĩm ke mũ. Ag mỹ sóg pó kupri nĩm ke mũ gé. Kri vẽnh jiji tãg tóg rán kỹ nĩ. Ũ pijé vẽnh jiji tag ki kanhró nĩnh mũ'. Ũ tỹ mãg mũ ẽn hã tóg ki kanhró nĩnh mũ, ti jiji tãg ki, he tóg, hem nĩ,” he tóg, ũ tỹ tỹ ẽprã ke nĩ ve ẽn ti. Ti tỹ ẽmã tỹ Pérgamo tá ke ag mỹ vẽnh vĩ jẽnẽg mũn hã vẽ.

Nén Venh Ke 3:18

Hã kỹ sóg ãjag mỹ: “inh ki ouro há ẽn mãn kãmũ jẽg,” he sór mũ, “ãjag tỹ riko nỹtĩ jé. Kur kupri kajãm nĩ, ãjag tỹ kator nỹtĩ tũ nĩ jé, ãjag mỹ'ãg tũ nĩ jé. Vẽnh kagta kajãm nĩ, ãjag kanẽ mỹ, ãjag tỹ ve há han mãn jé.

Nén Venh Ke 6:11

Kỹ tóg ag mỹ kur kupri junjun kỹ ag mỹ: “toreg ver',” he mũ. “Ũ ag tóg nỹtĩ gé, ag tỹ ũn kãgtén ke mũ ũ ag, ãjag mré ke ũ ag. Topẽ vỹ ag nĩgkré, kỹ tóg ki kanhró nĩ, ag tỹ ũ tỹ hẽn ri ke kãgtén ke mũn ki. Ag tỹ ãjag mré ke ẽn ag kãgtén kãn kar kỹ tóg ag jykre tugnỹm kãn ke mũ, ha vem nĩ,” he tóg, ag tỹ ũn kãgtén mũ ẽn ag mỹ.

Nén Venh Ke 7:9

Tag pãte sóg ũn tỹ hẽn ri ke ag vigvég mũ. E tãvĩn ag nỹtĩ. Kỹ ũ tỹ ag nĩgkrén ke tóg tũ tĩ. Tỹ ag ẽprã ke ja nỹtĩ. Nação kar kã mĩ ke ũ ag vỹ tá nỹtĩ, povo kar kã mĩ ũ ag ke gé, vẽnh vĩ kar tó tĩ ag kã mĩ ũ ag ke gé. Kur kupri rĩnh kỹ ag tóg nỹtĩ. Nĩgja sĩnvĩ ẽn pénĩn ag tóg jẽgjẽg kỹ nỹtĩ, cordeiro rĩnve. Tãnh féj génh kỹ ag tóg nỹtĩ.