Lucas 15:10 - O Novo Testamento na língua Kaingáng

¹⁰ Kỹ tóg ge nĩ, kanhkã tá, ha mẽ. Topẽ tỹ jẽgnẽ jafã ag mỹ tóg sér tãvĩ tĩ, ũ fi tỹ fi tỹ Topẽ vĩ mranh ẽn tovãnh kỹ, ha mẽ,” he tóg, Jesus ti.

Lucas 15:10 Iomraidhean Croise

Mateus 10:32

“Hã kỹ inh kãmén nĩ, ẽprã ke ag mỹ. Ag kamẽg tũg nĩ. Kỹ sóg inh jóg tỹ kanhkã tá nĩ ẽn mỹ ãjag kãmén ke mũ gé, kurã ẽn kã.

Mateus 18:10

“Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.

Mateus 18:14

Hã kỹ tóg Topẽ mỹ kórég nĩ, ũn sĩ pir vãfor kỹ, ti kren tũ nĩn kỹ, gĩr sĩ pir mỹr. Topẽ pijé tag to há nĩ', inh jóg tỹ kanhkã tá nĩ ẽn ti,” he tóg, Jesus ti.

Lucas 12:8

“Hã kỹ sóg ãjag mỹ tag tó mũ. Ẽprã ke ag mỹ: “tỹ sóg ti mré ke nĩ,” hem nĩ, iso. Ag kamẽg tũg nĩ. Kỹ sóg ãjag tónh ke mũ gé, Topẽ tỹ jẽgnẽ jafã ag mỹ, kurã ẽn kã, ãjag tỹ tỹ inh mré ke nỹtĩ ti. Tỹ sóg ẽprã ke fi kósin nĩ, mỹr, ha mẽ.

Lucas 12:9

Ãjag tỹ ẽprã ke ag mỹ inh kãmén tũ nĩn kỹ sóg ãjag kãmén ke tũ nĩ gé, Topẽ tỹ jẽgnẽ jafã ag mỹ, ãjag tỹ iso: “ti ki kagtĩg sóg nĩ,” hen kỹ,” he tóg.

Lucas 13:5

Kỹ sóg ãjag mỹ ke mũ. Ãjag tỹ ãjag jykre pãno tovãnh tũ nĩn kỹ ãjag tóg, nũgme ki vár ke mũ,” he tóg.

Lucas 15:11

Kỹ tóg: “ũ vỹ tóg kósin régre ja nĩgtĩ gé,” he mũ.

Lucas 15:7

“Kỹ tóg ge nĩ, ha mẽ. Ũ tỹ 99 (ke) ag tỹ vẽjykre kuryj han kỹ tóg há tĩ sir. Kỹ tóg kanhkã tá ke ag mỹ sér tĩ sir. Hã ra tóg sér kãfór tĩ, ũn pir tỹ ti jykre kórég tovãnh kỹ, ti tỹ ti tỹ Topẽ vĩ mranh mũ ẽn tovãnh kỹ,” he tóg Jesus ti.

Lucas 15:9

Vãhã fi tóg ve mãn mũ sir. Kỹ fi tóg fi mré ke kar fag jé prẽr mũ. Kỹ fi tóg fag mỹ: “inh mré to mỹ sér,” he mũ. “Inh jãnkamy vỹ vãfor ja nĩ, hã ra sóg ve mãn mũ,” he fi tóg mũ.

Lucas 7:47

Hỹ, Topẽ vĩ mranh tỹ hẽn ri ke han fi tóg. Hã ra tóg fi mỹ vẽnh pãte fón kãn mũ sir, Topẽ ti, fi tỹ iso há tãvĩ nĩn kỹ, isỹ tỹ fi fe nĩn kỹ. Ũ mỹ tóg kejẽn vẽnh pãte fón pir han tĩ, Topẽ ti, ũ tỹ patrão ki név sĩ ẽn ri ke mỹ. Kỹ ẽn tóg ti to há sĩ nĩ gé sir, fi tỹ iso há tãvĩ jãvo,” he tóg.

Han Kãme 11:18

Ag tỹ tag mẽ kỹ ag krĩ tóg kusa' he mũ. Kỹ ag tóg: “Topẽ vỹ fóg ag krĩn mũ gé, ag tỹ ag jykre kórég tovãnh jé, ag tỹ ẽg rĩr krỹg ja tũ ve jé,” he mũ.

Han Kãme 5:19

Hã ra kuty tá Topẽ tỹ jẽnẽ jafã tóg tére kỹ vẽse ja jãnkã nugnón mũ. Ag gé tóg tĩ mũ, ag kygvãn kỹ, kỹ tóg ag mỹ:

2 Corinto 7:10

Ẽg tỹ ẽg fe kaj tugrĩn Topẽ mỹ vẽnh fẽg kỹ ẽg tóg ẽg jykre kórég tovãnh kãn ke mũ. Kỹ ẽg kren ke mũ. Tag vỹ ẽg mỹ sér tĩ. Jãvo ẽg tỹ fe kaj ra ẽg jykre kórég tovãnh tũ nĩn kỹ ẽg ter pẽ han ke mũ sir.

Filemom 1:15

à camarada ja vẽ, Onésimo ti, hã ra tóg ã tovãnh kỹ vẽnh péju kỹ vyr. Vẽnh péju sĩ han tóg. Hã ra tóg ã to vỹn ke mãn mũ ha, isỹ ti jẽnẽn kỹ. Tĩg mãn ke tũ ti nĩ ha.

Hebreu 1:14

Ti tỹ jẽgnẽ jafã ag vỹ vẽnh kuprĩg ri ke nỹtĩ. Topẽ vỹ ag jẽgnẽg tĩ, ag tỹ ti tũ ag jy nĩgãn jé, ũn krenkren ke mũ ẽn ag jy.