Lucas 14:32 - O Novo Testamento na língua Kaingáng

³² Kỹ tóg pã'i ũ ẽn mỹ vẽnh vĩ jẽnẽnh mũ, ti tỹ kór há tá nĩ hã ra. Kỹ tóg ti mỹ: “inh ã mỹ ne nĩm mũ, ã tỹ isovãnh jé?” henh ke mũ,” he tóg.

Lucas 14:32 Iomraidhean Croise

Mateus 5:25

“Kejẽn ã tóg, ã mré ke ũ mỹ név jẽ, ã mré ke ũ fi mỹ ke gé. Kỹ fi tóg pã'i ag mỹ ã kãmén tĩg ke mũ. Fi tỹ tónh tĩg ke ẽn jo fi mré vĩm nĩ, ti mré ke gé. “Kajãm jé sóg ke mũ,” hem nĩ. Ke tũ nĩ mũ ra pã'i vỹ, ã jykre pãno venh ke mũ, kỹ tóg ti porisa mỹ: “ti se ra,” henh ke mũ.

Mateus 5:42

Ti tỹ ã mỹ nén ũ to: “inh mỹ nĩm,” hen kỹ ti mỹ nĩm nĩ, fi mỹ ke gé. Ũ tỹ ã mỹ: “inh mỹ prestar hem nĩ,” hen kỹ ti mỹ, fi mỹ: nejé, he tũg nĩ,” he tóg, Jesus ti.

Lucas 12:58

Kejẽn ãjag tóg nén ũ tugrĩn jagnẽ to jũ mũ. Kỹ ãjag kã ũ tóg hẽn ri ke mũn pã'i mỹ tónh mũ sir. Ti tĩg ken jo ti mỹ: “inh mỹ vẽnh pãte fón,” hem nĩ. Ke tũ nĩ mũ ra pã'i vỹ ã jykre pãno venh ke mũ, kỹ tóg porisa mỹ: “ti se ra,” henh ke mũ. Kỹ tóg ã senh ke mũ sir.

Lucas 14:31

“Kar kỹ pã'i mág to jykrén nĩ gé. Pã'i ũ tỹ ti mré vẽnh génh han sór kỹ tóg ti krẽm ke ag nĩkrén vén ke mũ gé sir, vẽnh génh ke to hã. “10 mil (ke) ẽg nỹtĩ,” he jé tóg ke mũ. “Ẽg mỹ ag tỹ hẽn ri kenh mũ vỹ? 20 mil (ke) ag nỹtĩ. Ag mỹ ẽg tỹ tũ' he kãn ke tũ nĩ vỹ?” he jé tóg ke mũ.

Lucas 14:33

“Hã kỹ inh mré mũ pẽ han ke to jykrén nĩ. Iso há kãfór nỹtĩm nĩ, ãjag tũ kar kri. Ke tũ nĩ mũ ra ãjag pijé inh mré mũ pẽ han mũ',” he tóg.

Lucas 19:14

Hã ra ti krẽm ke ũ ag vỹ ti to há tũ nỹtĩ. Kỹ ag tóg ti nón vẽnh vĩ jẽnẽg mũ. “Ã tỹ ẽg kri tỹ pã'i nĩn kỹ tóg vẽnh mỹ nĩ. Ẽg tỹ tag ve jãvãnh tóg tĩ,” he ja ag tóg nĩgtĩ.

Han Kãme 12:20

Herodes tóg ẽmã tỹ Tiro tá ke ag to jũ mũ, ẽmã tỹ Sidom tá ke ag to ke gé. Ẽn ag tóg Herodes nĩgja tá junjun mũ. Kỹ ag tóg pã'i sĩ mré vĩ mũ, ti jiji hã vỹ: Blasto, he mũ. Herodes vỹ ti tỹ pã'i han ja nĩ. Ẽn mỹ ag tóg to vĩ mũ, ti tỹ ag jagfy vĩ jé, Herodes mré. Ti tỹ ag to jũ nĩn kỹ ag tóg tá vẽjẽn ve mãn tũ nĩ sir. Hã kỹ ag tóg ti fe tỹ há' he sór mũ, ti tỹ ag mỹ vẽjẽn vẽne he mãn jé.