Lucas 14:27 - O Novo Testamento na língua Kaingáng

²⁷ Ha vé, ag tỹ inh krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Ũ tỹ inh ri ke han sór tũ nĩn kỹ tóg inh mré kãtĩg ke tũ nĩ, kỹ tóg tỹ inh mré ke nĩnh ke tũ nĩ gé,” he tóg.

Lucas 14:27 Iomraidhean Croise

Mateus 10:38

Isỹ inh krunh va tĩg ẽn ri ke han nĩ gé, isỹ tá ter ke ẽn ti, hã vỹ: iser ẽn ri ke han sór mũ, he mũ. Ke tũ nĩ mũ ra ãjag tóg inh mỹ há tũ nỹtĩ.

Mateus 13:21

Hã ra tóg tỹ nén ũ kré jãre tũ ẽn ri ke nĩ mỹr. Hã kỹ tóg tĩg sĩ han mũ, Topẽ mré. Nén ũ jagy kutẽ kỹ tóg, Topẽ tovãnh mũ sir, ũ tỹ Topẽ vĩ tugrĩn ti kato tẽ kỹ.

Marcos 10:21

Kỹ tóg ti ki ẽvãnh mũ, ti to há nĩn kỹ. “Nén ũ pir vỹ tũ nĩ ver,” he tóg mũ. “Ã tũ kar vãm tĩg, ã tỹ ũn jagtar ag mỹ vin jé, jãnkamy ti. Kỹ ã tóg kanhkã tá tũ mág nĩ sir. Kar kãtĩg nĩ, ã tỹ inh mré tĩg jé,” he tóg.

Marcos 15:21

Hã ra ũ tóg vãnh kã tákãtĩ mũ, ti jiji hã vỹ: Cirene tá Simão, he mũ. Ti krẽ ag vỹ tỹ Alexandre mré Rufo nỹtĩ. Ẽn mỹ ag tóg vĩ tar han mũ, ti tỹ Jesus krunh vỹn jé.

Lucas 14:28

“Ũ tỹ ĩn mág han sór mũ to jykrén. Ti jãnkamy nĩkrén vén jé tóg ke mũ. Kỹ tóg ĩn kaja to jykrén ke mũ gé sir. Ti tỹ ti mỹ há nĩn kỹ tóg vãhã ĩn han sór ke mũ.

João 19:17

Kỹ ag tóg Jesus mỹ krunh fig mũ, ti tỹ vyn kỹ pãnónh tỹ Calvário ra tĩg jé, ag tỹ Hebreu vĩ ki to: Gólgota, he mũ ẽn ra.

Han Kãme 14:22

Vỹnvỹn ke kỹ ag tóg Jesus mré ke ag jyvẽn mũ sir, ag tỹ Jesus vĩ kri fi to krónh ke tũ nĩ jé, ag tỹ to fe tar nỹtĩ jé ke gé. “Ẽg tỹ Topẽ tỹ tỹ ẽg pã'i nĩ ve sór kỹ ẽg tóg vẽnh jagtar jagy venh ke mũ,” he ag tóg.

2 Timóteo 1:12

Hã kỹ sóg se kỹ jẽ ha. Hã ra sóg mỹ'ãg ke tũ nĩ. Ti ki rã kỹ sóg jẽ ha. Ti ki kanhró sóg nĩ. Nén ũ kar to tóg tar nĩ. Hã kỹ tóg inh ki rĩr há han ki kanhró nĩ gé, sỹ ti mỹ vẽnh fẽg kỹ, isỹ kurã tỹ ẽgno pétẽm há han jé.

2 Timóteo 3:12

Ha vé, ẽg tỹ Jesus Cristo jykre mĩ mũn kỹ ẽg kar tóg ag tỹ ẽg vóg kónãn venh ke mũ.