Lucas 14:24 - O Novo Testamento na língua Kaingáng

²⁴ Hã kỹ sóg ãjag mỹ ke mũ. Ũ mỹ sóg tó vén ja nĩ, hã ra ag tóg inh fénhta venh ke tũ pẽ nĩ,” he tóg. Jesus tỹ Fariseu ag mré jẽn kỹ ag mỹ kãmén hã vẽ.

Lucas 14:24 Iomraidhean Croise

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Mateus 22:8

Kỹ tóg ti tũ ag mỹ: “inh fénhta vỹ kar kỹ nĩ ha,” he mũ. “Hã ra ag tóg kãmũ jãvãnh nỹtĩ, ag jykre kórég nỹtĩn kỹ.

Lucas 14:23

Kỹ ti patrão tóg: “vẽsỹkã tĩg mãn ge,” he mũ. “Vãnh kã mĩ tĩg, ẽmã kãsir pẽ kã mĩ ke gé, ẽpry ra, ẽmĩn jagma,” he tóg. “Ag kutãn nĩ, fénhta jo ĩn fór jé,” he tóg.

Lucas 14:25

Kejẽn ũn e ag tóg ti nón mũ mũ. Kỹ tóg ag jé vĩrĩn ke kỹ ag mỹ:

João 3:19

“Ti tỹ ũ tỹ inh ki ge tũ ag to jũ vỹ ge nĩ, ha mẽ. Ga kri mũ ag kanhrãn sóg tĩ, hã ki sóg ãjag mỹ jẽngrẽ ri ke nĩ. Hã ra ũ ag tóg mẽ sór tũ nĩgtĩ. Kuty mĩ ag tóg mũ sór mũ, jẽngrẽ tóg ag mỹ kórég nĩ, ag jykre pãno nỹtĩn kỹ.

João 3:36

Hã kỹ ũ tỹ ti kósin ki rã mũ vỹ ter mãn ke tũ nĩ. Rĩr krỹg ja tũ ve jé tóg ke mũ. Ũ tỹ ti vĩ han sór tũ ẽn vỹ rĩr krỹg ja tũ tag venh ke tũ pẽ nĩ. Topẽ vỹ ti vóg kónãn ke mũ. Kỹ ti jagtar ke tóg tũ' henh ke tũ nĩ,” he tóg, João ti.

João 8:21

Kỹ tóg ag mỹ: “tĩg jé sóg ke mũ, kỹ ãjag tóg inh ve sór ke mũ, hã ra ãjag tóg inh venh ke tũ nĩ,” he mũ. “Inh vég tũ ki ãjag tóg kãgter ke mũ, kỹ ãjag tỹ Topẽ vĩ mranh ja ẽn vỹ ãjag kã kã nĩnh mũ. Ãjag pijé isỹ hẽn ra tĩg ke mũ ẽn ki kanhró nỹtĩ'. Tá jun ke tũ ãjag nĩ gé,” he tóg.

João 8:24

“Hã kỹ sóg ãjag mỹ: kãgter jé ãjag tóg ke mũ, kỹ ãjag tỹ Topẽ vĩ mranh ja ẽn vỹ ãjag kã kã nĩnh mũ, he ja nĩ. Ha vé, ãjag tỹ inh ki ge sór tũ nĩn kỹ tóg ãjag kã kã nĩnh mũ, ãjag tỹ Topẽ vĩ mranh ja ẽn ti. Ũ ẽn vỹ tỹ inh nĩ, he ja inh nĩ ãjag mỹ. Kỹ: hỹ, hem nĩ,” he tóg, Jesus ti.

Han Kãme 13:46

Hã ra Paulo ag tóg ag kamẽg tũ nĩ. Ag mỹ ag tóg: “ãjag hã mỹ ẽg tóg tó vén, Topẽ vĩ ti,” he mũ, “ti tỹ ẽg mỹ: Judeu ag mỹ tó vén, hen kỹ. Hã ra ãjag tóg mẽ jãvãnh nỹtĩ, kỹ ãjag tóg ẽg rĩr krỹg ja tũ venh ke tũ nĩ. Hã kỹ ẽg tóg sir fóg ag hã mỹ tónh ke mũ, Topẽ vĩ ti,” he ag tóg.