Lucas 14:23 - O Novo Testamento na língua Kaingáng

²³ Kỹ ti patrão tóg: “vẽsỹkã tĩg mãn ge,” he mũ. “Vãnh kã mĩ tĩg, ẽmã kãsir pẽ kã mĩ ke gé, ẽpry ra, ẽmĩn jagma,” he tóg. “Ag kutãn nĩ, fénhta jo ĩn fór jé,” he tóg.

Lucas 14:23 Iomraidhean Croise

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Mateus 5:41

Ti tỹ ã mỹ: “mũ nỹ, tag tá, kakó ja tá inh fón jé,” hen kỹ ti mré tĩg nĩ, kỹ ti mỹ: “kór há tá inh ã fón tĩg mũ ha,” hem nĩ.

Lucas 14:22

Kỹ tóg tĩg mãn mũ. Tá vỹn ke kỹ tóg ti mỹ: “ke kãn inh huri. Hã ra tóg fór tũ nĩ ver, fénhta jo ĩn ti,” he mũ.

Lucas 14:24

Hã kỹ sóg ãjag mỹ ke mũ. Ũ mỹ sóg tó vén ja nĩ, hã ra ag tóg inh fénhta venh ke tũ pẽ nĩ,” he tóg. Jesus tỹ Fariseu ag mré jẽn kỹ ag mỹ kãmén hã vẽ.

Lucas 24:29

Kỹ ag tóg ti mỹ: “ẽg mré nĩm nĩ. Rãké tóg nỹ ha. Kutyg tóg rã ha,” he mũ. Kỹ tóg ag mré rã mũ.

Han Kãme 16:15

Kỹ ẽg tóg fi kypég mũ, fi mré ke kar fag mré hã. Kỹ fi tóg ẽg mỹ: “inh mré inh ĩn ki nỹtĩm nĩ, sỹ ãjag ki rĩr jé,” he mũ. Vĩ ki fi tóg ẽg kutãn mũ. Kỹ ẽg tóg fi mỹ: “he,” he mũ.

Han Kãme 18:6

Hã ra ag tóg ti kato vĩ mũ. Kỹ ag tóg Jesus to é he mũ. Kỹ Paulo tóg ti kur rũmrũm mũ, ag mỹ: “vẽnh hã ki ãjag tóg vãgfor ke mũ, nũgme ki vár kỹ,” he jé. “Ãjag mỹ sóg Jesus tó, hã ra ãjag tóg mẽ jãvãnh nỹtĩ. Kỹ ãjag tỹ vẽsóg ki vẽsỹrénh ke vẽ. Kỹ sóg fóg ag kar hã mỹ tónh tĩg ha, kanhgág ag kar mỹ ke gé,” he tóg mũ.

Han Kãme 28:28

“Ãjag tỹ mẽ jãvãnh nỹtĩn kỹ fóg ag vỹ mẽnh mũ, kanhgág ag ke gé, Topẽ tỹ ag krenkren han sór mũ ti. Kỹ ag tóg ti mỹ: he, henh ke mũ,” he tóg, Paulo ti.

Han Kãme 9:15

Hã ra tóg: “ti venh tĩg,” he mũ. “Ti kuprẽg isóg, ti tỹ ijiji tó jé, fóg ag kar mỹ, kanhgág ag kar mỹ ke gé, povo tỹ Israel ag mỹ ke gé,” he tóg.

Roma 10:18

Kỹ ãjag hỹn inh mỹ: “Judeu ag mỹ mẽ ja tũ nĩ, hã kỹ ag mỹ ti ki ge ja tũ nĩ?“ he sór mũ, ãjag tỹ inh carta tag ve kỹ. Vó, mẽ kỹ ag nỹtĩ vẽ. Tag vỹ rán kỹ nĩ, ha mẽ: “ga kar mĩ ag tóg mẽ ja nĩgtĩ, ã vĩ ti. Ga fyr tá tóg jun gé, ã vĩ ti,” he ja ti nĩ, Topẽ vĩ rá ki.

2 Corinto 5:11

Ha vé, ẽg Senhor kamẽg sóg tĩ, hã kỹ sóg ẽprã ke ag mỹ ki hã tó tĩ, ag tỹ ti ki ge jé. Topẽ hã ne inh ki kanhró kar nĩ'. Kỹ ãjag hỹn inh jykre ki kanhró nỹtĩnh ke mũ gé, ãjag tỹ sỹ nén han mũ tugnỹm kỹ.

2 Corinto 5:20

Cristo hã ne inh jẽnẽg mũ', isỹ ti jiji tó jé. Kỹ Topẽ tóg vẽnh kar jyvẽn tĩ. Hã kỹ sóg, Cristo jiji tó kỹ ãjag mỹ: “Topẽ to há nỹtĩm nĩ, ti kato vãsãn mãn sór tũg nĩ,” he mũ.

2 Corinto 6:1

Topẽ mré sóg rãnhrãj tĩgtĩ. Hã kỹ sóg ãjag jyvẽn mũ, ãjag tỹ Topẽ vĩ ki króm jé. Ãjag tỹ ti vĩ ki króm tũ nĩn kỹ tóg fagrĩnh mỹ ãjag jagãgtãn mũ.

Colossos 1:23

Hã kỹ ti ki ge tovãnh tũg nĩ. Tar nỹtĩm nĩ, ti to krónh ke tũg nĩ. Ãjag tỹ Jesus kãme sér ẽn mẽ kỹ ãjag tóg Topẽ tỹ ẽg mỹ nén ũ vin ke mũ ẽn kãme mẽ ja nĩgtĩ gé. Ga kri mũ kar ag vỹ mẽg mũ ha, Jesus kãme sér ẽn. Inh rãnhrãj hã vẽ, sỹ ag mỹ tónh ke ti, inh, hã vỹ: Paulo, he mũ.

Colossos 1:28

Cristo jykre tag hã tó inh tĩ, vẽnh kar mỹ. Vẽnh kar kanhrãn há han sóg tĩ, Topẽ tỹ inh mỹ krĩ há nĩm ja tugrĩn. Kỹ sóg vẽnh kar jyvẽn tĩ gé, ag tỹ ti ki ge há han jé, ag tỹ kygnẽ sór tũ nĩ jé. Kỹ ag tóg hapẽ nỹtĩnh mũ, ag tỹ Cristo ki ge kỹ.

2 Timóteo 4:2

“Topẽ vĩ kãmén ra,” he mũ. Kejẽn ag tóg mẽ sór tĩ. Kejẽn ag tóg mẽ sór tũ nĩgtĩ. Ge ra ag mỹ kãmén nĩ. Ag mỹ ag tỹ kygnẽ ja ẽn tóm nĩ. Ag jyvẽn tar han nĩ, ag tỹ mẽ jãvãnh nỹtĩn kỹ. Ag to krónh ke tũg nĩ, ag tỹ kejẽn Jesus ki rã sór jé.