Lucas 14:21 - O Novo Testamento na língua Kaingáng

²¹ Kỹ ti camarada tóg ti mỹ tónh kãtĩ mũ. Kỹ tóg jũ mũ. Ti mỹ tóg: “ẽmĩn mág ra tĩg, ẽpry kãsir ra ke gé, ẽmã kar ki,” he mũ. “Kỹ ũn jagtar ag tatĩ kãtĩg, ũn kãnhgrĩ ag, ũn kyvó ag, ũn tĩg vãnh ag ke gé,” he tóg.

Lucas 14:21 Iomraidhean Croise

Mateus 11:28

“Ãjag tỹ Topẽ vĩ ki króm ki kagtĩg nỹtĩ tugrĩn jagtar nỹtĩn kỹ iso kãmũ jẽg. Nén ũ tỹ ãjag mỹ jagy tĩn kỹ iso kãmũ jẽg. Ãjag krĩ tỹ sóg kãnhvy' henh ke mũ mỹr, ha mẽ,” he tóg.

Mateus 11:5

“Tag han inh tĩ, ha mẽ: ũn kyvó ag vỹ, isugrĩn ẽvãnh há nỹtĩ. Ũn kãnhgrĩ ag vỹ mũ há nỹtĩ, ũ tỹ vẽnh kaga kren vãnh han mũ ẽn ag krenkren han inh tĩ. Ũn kutu ag vỹ ẽmẽ há nỹtĩ ha, ũn kãgter mũ ag vỹ rĩnrĩr mãn kỹ nỹtĩ. Ũn jagtar ag vỹ Topẽ vĩ mẽg tĩ, ũ tỹ kanhkã tá nĩ ẽn tỹ tỹ ẽg pã'i nĩnh ke to.

Mateus 15:12

Kỹ ti mré mũ tĩ ag tóg ti to kãmũ kỹ ti mỹ: “ha mẽ,” he mũ. “Pã'i ag vỹ ã to jũ nỹtĩ, ã tỹ ag mỹ: vẽjẽn pijé ẽg kavénh tĩ', hen kỹ,” he ag tóg ti mỹ.

Mateus 18:31

Hã ra ti mré camarada ũ ag vỹ vég mũ, kỹ tóg ag mỹ e tĩ. Kỹ ag tóg ag patrão mỹ tó kãn mũ sir, ti tỹ nén han mũ ti.

Mateus 20:7

Kỹ ag tóg: “hã ra ũ tóg ẽg mỹ: ha inh rãnhrãj han, he ja tũ nĩ,” he mũ. Kỹ tóg: “ha inh jakré ki rĩr mũjẽg ge,” he mũ sir. Kỹ ag tóg mũ mũ gé.

Lucas 14:13

à tỹ fénhta han sór kỹ ũn kaga kỹ rãnhrãj vãnh ag mỹ tóm nĩ, ũn kãnhgrĩ ag mỹ, ũn kyvó ag mỹ.

Lucas 14:20

Kỹ ũ tóg ti mỹ: “ũri sóg prũg mũ ha, hã kỹ tóg vẽnh mỹ tĩ,” he mũ gé.

Lucas 14:22

Kỹ tóg tĩg mãn mũ. Tá vỹn ke kỹ tóg ti mỹ: “ke kãn inh huri. Hã ra tóg fór tũ nĩ ver, fénhta jo ĩn ti,” he mũ.

Lucas 14:24

Hã kỹ sóg ãjag mỹ ke mũ. Ũ mỹ sóg tó vén ja nĩ, hã ra ag tóg inh fénhta venh ke tũ pẽ nĩ,” he tóg. Jesus tỹ Fariseu ag mré jẽn kỹ ag mỹ kãmén hã vẽ.

Lucas 24:47

“Kỹ ũ ag tỹ vẽnh kar mỹ inh kãmén ke vẽ. Ijiji tó jé ag tóg ke mũ. Vẽnh kar mỹ ag tóg: “ãjag jykre pãno tovãnh ra. Kỹ Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” henh ke mũ. Povo kar mỹ ag tóg tónh ke mũ, hã ra ag tóg tag ki tó vén ke mũ, Jerusalém ki.

Lucas 9:10

Kejẽn Jesus tỹ ũn vin mũ ag vỹ ti to vỹnvỹn ke mũ, ti tỹ ag jẽgnẽ ja ẽn tá. Ti mỹ ag tóg kãmén mũ sir. Kỹ tóg ag mré vẽnh péju kỹ tĩ mũ, ẽmã tỹ Betsaida ra, vyr mỹ ag mré vẽmén jé.

João 9:39

Kỹ tóg ti mỹ: “ga tag ki sóg jun, sỹ vẽnh kar jykre tugnỹm jé,” he mũ. “Ũn kyvó ag tỹ ẽvãnh há han jé sóg ke mũ. Ag tỹ iso jykrén há han ke to ken hã vẽ. Kỹ sóg ũ tỹ ve há han mũ ag kyvó han ke mũ gé. Ag tỹ iso jykrén há han ki kagtĩg to ken hã vẽ,” he tóg.

Hebreu 13:17

Ũ tỹ ãjag kanhrãn tĩ ẽn ag vĩ jẽmẽm nĩ. Ag tỹ ãjag mỹ nén tó mũ ẽn ki króm nĩ. Ãjag ki rĩr ag tóg tĩ, ãjag tỹ Topẽ tovãnh tũ nĩ jé. Kỹ Topẽ vỹ ag rãnhrãj tugnỹm ke mũ. Ãjag tỹ ag vĩ jẽmẽn kỹ ag rãnhrãj tóg ag mỹ kufy tũ nĩnh mũ. Kỹ tóg ag mỹ sér tĩnh mũ. Ti tỹ ag mỹ kufy nĩn kỹ tóg há tũ nĩ gé, ãjag mỹ.

Hebreu 2:3

Kỹ ẽg tóg ũri kren ke tũ nĩ gé, ẽg tỹ ti to é hen kỹ. Nén ũ mág pẽ vẽ mỹr, Topẽ tỹ ẽg krenkren han sór mũ tag ti. Ẽg Senhor vỹ ti mré mũ tĩ ag mỹ tó vén. Ũ tỹ ti vĩ mẽg mũ ag vỹ ẽg mỹ tó ja nĩgtĩ gé. Hã kỹ ẽg tóg ki kanhró nỹtĩ ha.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

Nén Venh Ke 19:15

Ũ tỹ ag jo tĩ mũ ẽn jẽnkã tá rógro jã régre tóg kãkutẽ mũ. Rógro tag tỹ tóg povo kar ag tỹ hẽn ri kenh ke mũ. Tỹ ag kri jẽ kỹ tóg vẽjykre tar han ke mũ. Uva jẽgmĩ jafã tá tóg jẽgmĩnh ke mũ, uva ti, hã vỹ: Topẽ tỹ vẽnh kar to jũ jagy han mũ, he mũ.

Nén Venh Ke 22:17

Kỹ Topẽ kuprĩg vỹ Jesus mỹ: “kur kãtĩg,” he mũ. Ũ tỹ ti ki ge kỹ nỹtĩ kar ag vỹ ti mỹ: “kur kãtĩg,” he tĩ gé, ag tỹ tỹ ti prũnh ke fi ri ke nỹtĩn kỹ. Kỹ Jesus tóg: “ũ tỹ goj kron sór mũ ẽn jé iso kãtĩg,” he mũ, “sỹ ti mỹ goj jun jé, fagrĩnh mỹ. Goj ẽn vỹ ti rĩr han ke mũ, ha vem nĩ,” he tóg.