Lucas 14:18 - O Novo Testamento na língua Kaingáng

¹⁸ Hã ra ag tóg ve sór tũ nĩ, ag kar ti. Ũ tóg ti mỹ: “ga kajãm inh, hã kỹ sóg venh tĩ mũ ver. Ũri tóg inh mỹ vẽnh mỹ tĩ,” he mũ.

Lucas 14:18 Iomraidhean Croise

Lucas 14:17

Ti fénhta kurãn kã tóg ti camarada jẽnẽg mũ, ti tỹ ũn kógfyn kỹ nỹtĩ ag mỹ: “ha kãmũjẽg, kar kỹ tóg nĩ ha,” he jé.

Lucas 14:19

Kỹ ũ tóg ti mỹ: “monh gé sóg, monh tỹ 5 (ke) régre,” he mũ gé. “Kỹ sóg ag venh tĩ mũ ver,” he tóg mũ gé sir.

Lucas 18:24

Hã ra Jesus tóg ti mỹ vẽnh mỹ ẽn ki kanhrãn mũ. Kỹ tóg ti mré mũ tĩ ag mỹ: “jagy ti nỹ, ũn riko tỹ Topẽ tỹ tỹ ẽg pã'i nĩ venh ke ti,” he mũ.

Lucas 8:14

Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.

João 1:11

Ti povo kar mĩ tóg tĩg ja nĩ, hã ra ti mré ke ag pijé ti ki ge sór ja nĩgtĩ'.

João 5:40

Hã ra ãjag tóg inh ki ge sór tũ nĩ. Ãjag tỹ inh ki ge kỹ nỹtĩ ra ãjag rĩnrĩr kỹ nỹtĩnh mũ vẽ,” he tóg.

Filipos 3:4

Ẽg fár tỹ ẽg kren han ke nĩ ra sóg, tỹ inh kren han sór mũ vẽ. Moisés jykre hã tỹ ẽg kren han ke nĩ ra sóg, hã tỹ inh kren han sór mũ vẽ. Hã ra tóg ge tũ nĩ.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.

2 Timóteo 4:4

Vẽnh vĩ há jẽmẽnh ke tũ ag nĩ. Hã ra ag tóg vẽnh ó hã jẽmẽnh ke mũ sir.

Hebreu 12:16

Vẽnh ki rĩr há han nĩ gé, ãjag kã mĩ ũ tỹ Esaú jykre kórég ẽn ri ke han tũ nĩ jé, ũ tỹ Topẽ kato vãsãn tũ nĩ jé. Esaú vỹ Topẽ to é he ja nĩgtĩ, kỹ tóg vẽjẽn tugrĩn ti panh tỹ ti mỹ vĩ há han ke ẽn kren. Ti jãvy mỹ tóg tovãnh, ti panh tỹ ti mỹ vĩ há han ke ẽn ti. Ti tỹ ti panh tỹ ti mỹ vĩ há han ke ẽn to é hen hã vẽ.