Lucas 14:15 - O Novo Testamento na língua Kaingáng

¹⁵ Kỹ tóg tá ti mré jẽg nĩ ũ mỹ mẽ há tĩ, ti vĩ tag ti. Kỹ tóg ti mỹ: “ũ tỹ Topẽ tỹ tỹ ẽg pã'i nĩ vég mũ mỹn hỹn sér pẽ tĩnh mũ, ũ tỹ tá fénhta vég mũ ẽn mỹ,” he mũ.

Lucas 14:15 Iomraidhean Croise

Mateus 25:10

Kỹ fag tóg mũ mũ. Fag gunja tá tóg jun mũ sir, ũn prũg mũ ti. Kỹ fag tóg ti mré mũ mũ sir, ũn lampião gru nỹtĩ fag. Tá junjun kỹ ag tóg jãnkã ti nĩfénh mũ sir, ũn jykre kórég fag jy.

Mateus 8:11

“Ha vé, ũ tỹ hẽn ri ke ag vỹ kãmũnh ke mũ, rã jur ja tá, rã pur ja tá ke gé. Abraão mré ag tóg ũ tỹ kanhkã tá nĩ ẽn tỹ tỹ ẽg pã'i nĩ venh ke mũ, Isaque mré, Jacó mré ke gé. Topẽ tóg ag ki rĩr ke mũ.

Lucas 12:37

Hã ra tóg kejẽn jun mũ sir. Kỹ tóg sér tĩ, ti camarada ag tỹ ti jãvãnh nỹtĩn kỹ. Kỹ tóg ag mỹ vĩ há han ke mũ sir. Kỹ tóg vẽsóg fĩn kỹ ag mỹ: “nĩgnĩ ra ver, mesa to,” henh ke mũ sir. Kỹ tóg ti camarada ag mỹ vẽjẽn ven ke mũ, ag patrão ti. Ki hã sóg tó mũ,” he tóg.

Lucas 13:29

Ẽn kã Topẽ ki ge kỹ nỹtĩ kar ag tóg kãmũnh mũ, rã jur ja tá, rã pur ja tá, kanhkã fyr kar tá. Kãmũ kỹ ag tóg, Topẽ tỹ ag ki rĩr nĩ ti venh ke mũ, ãjag jãvo.

Lucas 22:16

“Hã ra sóg ko mãn ke tũ nĩ ha, ha vem nĩ. Topẽ tỹ tỹ ẽg pã'i nĩ vỹ vẽnh ven ke mũ. Ẽn kã sóg ko mãn ke mũ, kejẽn,” he tóg.

Lucas 22:30

ãjag tỹ inh mré jẽn jé tá. Kỹ ãjag tóg ãjag nĩgja kri nĩgnĩ kỹ nỹtĩnh mũ, ãjag tỹ povo tỹ Israel ag jykre tugnỹm jé, povo tỹ 12 (ke) ẽn ag,” he tóg, Jesus ti.

Nén Venh Ke 19:9

Kỹ Topẽ tỹ jẽnẽ jafã tóg inh mỹ: “inh vĩ tag rán nĩ,” he mũ. “Ũ tỹ hẽn ri ke ag tóg cordeiro prũg to fénhta konh ke mũ. Kỹ Topẽ vỹ ag kar ve há han mũ,” he tóg. Kỹ tóg: “Topẽ tỹ tón hã vẽ,” he mũ gé. “Hã ra Topẽ tóg ón vãnh nĩgtĩ,” he tóg, Topẽ tỹ jẽnẽ jafã ti.