Lucas 14:13 - O Novo Testamento na língua Kaingáng

¹³ Ã tỹ fénhta han sór kỹ ũn kaga kỹ rãnhrãj vãnh ag mỹ tóm nĩ, ũn kãnhgrĩ ag mỹ, ũn kyvó ag mỹ.

Lucas 14:13 Iomraidhean Croise

Mateus 15:30

Kỹ ũn tỹ hẽn ri ke ag vỹ tá junjun mũ, ũn kagyga ag ke gé, ũn kãnhgrĩ ag ke gé, fag mré hã. Ti ki ag tóg junjun mũ, kỹ tóg ag tỹ há' he kãn mũ.

Mateus 22:10

Kỹ ag tóg mũ mũ sir. Vẽnh kar mỹ ag tóg tó mũ, ũn jykre há ag mỹ, ũn jykre kórég ag mỹ ke gé. Hã kỹ tóg fór mũ sir, clube ti.

Lucas 11:41

Ũ jagãgtãn ra, ãjag tỹ nén ũ tỹ. Vẽjykre há kar han ra, kỹ tóg ãjag tỹ nén ũ kar jãnhkri nĩ ri ke nĩ sir,” he tóg.

Lucas 14:12

Kỹ tóg ũ tỹ ti kógfyn mũ ẽn mỹ kãmén mũ gé. Ti mỹ tóg: “ã tỹ fénhta han sór kỹ ũn riko ag mỹ tó sór tũg nĩ, ã mré ke fag mỹ, ã kãke ag mỹ, ã jãvy ag mỹ. Ã rã nỹtĩ ag mỹ tó tũg nĩ gé,” he mũ. “Ã tỹ ũn riko ag mỹ tó kỹ ag tóg vẽnh kaja jé ã mỹ fénhta han sór mũ gé. Kỹ ã tóg ã fénhta kaja ti vég mũ sir, ẽprã.

Lucas 14:14

à tỹ tag han kỹ Topẽ vỹ ã ve há han ke mũ, ha vem nĩ. à mỹ ag tóg fénhta han ke tũ nĩ, ag tỹ tỹ nén ũ tũ nỹtĩn kỹ. Kỹ ã tóg ã rĩr mãn kỹ ti kaja venh ke mũ, Topẽ tỹ ũn jykre kuryj kar ag rĩnrĩn mãn ke kurã ẽn kã,” he tóg.

Lucas 14:21

Kỹ ti camarada tóg ti mỹ tónh kãtĩ mũ. Kỹ tóg jũ mũ. Ti mỹ tóg: “ẽmĩn mág ra tĩg, ẽpry kãsir ra ke gé, ẽmã kar ki,” he mũ. “Kỹ ũn jagtar ag tatĩ kãtĩg, ũn kãnhgrĩ ag, ũn kyvó ag, ũn tĩg vãnh ag ke gé,” he tóg.

Han Kãme 9:39

Kỹ tóg vẽsỹmér tĩ mũ. Kỹ tóg tá jun mũ. Hã ra Dorcas fi tóg ĩn to jãpry jafã tá nỹ nĩ. Pedro jun kỹ ag tóg ĩn to jãpry jafã to jãpry mũ, ti mré. Kỹ ũn mén ter ja ẽn fag kar vỹ ti to kãmũ mũ. Kygfỹ kỹ fag tóg ti mỹ fag kur venven mũ, camisa, vestido ke gé, Dorcas fi tỹ fag mỹ kugrỹn ja ẽn ti.

1 Timóteo 3:2

Ũ tỹ kygnẽ mẽ tũ vỹ há nĩ, ũ tỹ prũ pir han kỹ nĩ, ũ tỹ nén ũ há to jykrén tĩ, ũ tỹ vẽso jykrén tĩ, ũ tỹ kór há tá ke ag mỹ: “inh ĩn ki nũr kãtĩg,” he tĩ, ũ tỹ ag kanhrãn há han tĩ,

1 Timóteo 5:10

à tỹ ũn jiji rán ke mũ fi jykren hã vẽ, ha mẽ. Fi mỹ fi krẽ ki rĩr há han ja nĩ'? Fi mỹ fi ĩn krẽm Topẽ tũ ag ki rĩr há han ja nĩ'? Fi mỹ ũn vẽsỹrénh mũ fag jagãgtãn ja nĩ'? Fi mỹ nén ũ há kar to tar nĩ?' Kỹ fi jiji rán nĩ.

Tito 1:8

Ti tỹ ũ tỹ kuvar há tá kãmũ ag mỹ: “inh mré jẽ,” hen kỹ tóg há tĩ, ti tỹ vẽjykre há to há nĩn kỹ, ti tỹ vẽso jykrén kỹ, vẽjykre kuryj han kỹ, Topẽ vĩ hã ki króm kỹ.

Filemom 1:7

Jãvy', inh fe tỹ mrin ke ja ã nĩ, inh fe tỹ há' he ja ã nĩ, ã tỹ iso há tãvĩ nĩn kỹ. Kỹ Topẽ ki ge kỹ nỹtĩ kar ag vỹ ã jykre ki kanhró kar nỹtĩ. Kỹ ag fe tóg mrin ke mũ gé.

Hebreu 13:2

Ũ tỹ kuvar há tá ãjag to pasa kỹ ti mỹ: “inh mré jẽg,” hem nĩ. Ẽg jo ke ũ ag tóg, ag tỹ ũ ag mỹ: “inh mré jẽg,” hen kỹ Topẽ tỹ jẽnẽ jafã ag hã mỹ ke ja nĩgtĩ, ag tỹ ag ki kagtĩg hã ra.