Lucas 14:12 - O Novo Testamento na língua Kaingáng

¹² Kỹ tóg ũ tỹ ti kógfyn mũ ẽn mỹ kãmén mũ gé. Ti mỹ tóg: “ã tỹ fénhta han sór kỹ ũn riko ag mỹ tó sór tũg nĩ, ã mré ke fag mỹ, ã kãke ag mỹ, ã jãvy ag mỹ. Ã rã nỹtĩ ag mỹ tó tũg nĩ gé,” he mũ. “Ã tỹ ũn riko ag mỹ tó kỹ ag tóg vẽnh kaja jé ã mỹ fénhta han sór mũ gé. Kỹ ã tóg ã fénhta kaja ti vég mũ sir, ẽprã.

Lucas 14:12 Iomraidhean Croise

Mateus 5:46

“Ãjag mré ke ũ ag tóg, ãjag to há nỹtĩ. Ãjag tỹ tag ag hã to há nỹtĩn kỹ, fag hã to há nỹtĩn kỹ tóg, tỹ nén ũ tũ nĩ ver. Ũn jykre kórég ag vỹ ge nỹtĩgtĩ gé, governo mỹ jãnkamy mãg tĩ ag. Ũ tỹ ag to há nỹtĩ ẽn ag hã to ag tóg, há nỹtĩgtĩ, vẽnh kato. Há ti nĩ, hã ra tóg tỹ nén ũ tũ nĩ ver.

Lucas 1:53

Ũn jagtar ag mỹ tóg nén ũ há kar vin tĩ, ũ tỹ ti vĩ mẽ sór mũ ẽn ag kar mỹ. Ũn riko ag mỹ tóg: ha mũ jẽg, he tĩ. Kỹ tóg ag mỹ nén ũ nĩm tũ nĩgtĩ, kỹ ag tóg jagtar nỹtĩ ha, ũ tỹ ti vĩ mẽ jãvãnh ẽn ag, fag ke gé.

Lucas 1:58

Kỹ fi rã nỹtĩ fag vỹ ti vég mũ gé, fi kanhkã fag ke gé. Topẽ tỹ fi jagãgtãn mẽg fag tóg mũ. Kỹ fag tóg fi mré fi kósin to mỹ sér nỹtĩ sir.

Lucas 14:11

“Hã kỹ tóg ũ tỹ ag kãfór nĩ sór mũ térem ke mũ, vẽsỹkã, Topẽ ti, ha vem nĩ. Jãvo tóg ũ tỹ: “tỹ inh ũn sĩ nĩ,” he mũ ẽn jãnfyn ke mũ, ha vem nĩ,” he tóg, Jesus ti.

Lucas 14:13

à tỹ fénhta han sór kỹ ũn kaga kỹ rãnhrãj vãnh ag mỹ tóm nĩ, ũn kãnhgrĩ ag mỹ, ũn kyvó ag mỹ.

2 Corinto 6:13

Inh krẽ ri ke ãjag nỹtĩ. Hã kỹ sóg ãjag mỹ: “isỹ ãjag to há kóm iso há nỹtĩm nĩ, iso fe mág nỹtĩm nĩ,” he mũ.