Lucas 14:11 - O Novo Testamento na língua Kaingáng

¹¹ “Hã kỹ tóg ũ tỹ ag kãfór nĩ sór mũ térem ke mũ, vẽsỹkã, Topẽ ti, ha vem nĩ. Jãvo tóg ũ tỹ: “tỹ inh ũn sĩ nĩ,” he mũ ẽn jãnfyn ke mũ, ha vem nĩ,” he tóg, Jesus ti.

Lucas 14:11 Iomraidhean Croise

Mateus 23:12

Ãjag tỹ tag ki vẽsỹ ũn mág han sór nỹtĩn kỹ ãjag tóg, tá térenh ke mũ, ha vem nĩ. Ãjag tỹ hã ra: “tỹ inh ũn sĩ nĩ,” hen kỹ ãjag tóg, tá jãprynh ke mũ, tỹ ũn mág ãjag nỹtĩnh mũ, ha vem nĩ,” he tóg, Jesus ti.

Lucas 1:51

Jykre e tóg nĩ, kỹ tóg ẽg tỹ nén han vãnh hynhan tĩ. Ũ tỹ: vẽsóg ki inh nén kar han tĩ, he mũ ẽn ag jykre tỹ tóg tũ' henh ke mũ,” he fi tóg.

Lucas 1:52

“Pã'i mág ag tỹ tóg ũn kãsir han tĩ. Kỹ tóg ũn kãsir ag tỹ ũn mág han tĩ.

Lucas 14:12

Kỹ tóg ũ tỹ ti kógfyn mũ ẽn mỹ kãmén mũ gé. Ti mỹ tóg: “ã tỹ fénhta han sór kỹ ũn riko ag mỹ tó sór tũg nĩ, ã mré ke fag mỹ, ã kãke ag mỹ, ã jãvy ag mỹ. Ã rã nỹtĩ ag mỹ tó tũg nĩ gé,” he mũ. “Ã tỹ ũn riko ag mỹ tó kỹ ag tóg vẽnh kaja jé ã mỹ fénhta han sór mũ gé. Kỹ ã tóg ã fénhta kaja ti vég mũ sir, ẽprã.

Lucas 18:14

“Ha mẽ, Topẽ vỹ ti mỹ vẽnh pãte fón, hã kỹ tóg jatun mỹ vyr. Jãvo tóg Fariseu ẽn mỹ vẽnh pãte fón tũ nĩ. Ge ti nĩgtĩ. Ẽg tỹ vẽso: “há inh nĩ,” hen kỹ Topẽ tóg ẽg mỹ vẽnh pãte fón ke tũ nĩ. Ẽg tỹ hã ra vẽso: “jykre kórég inh nĩ,” hen kỹ Topẽ vỹ ẽg to há nĩ, kỹ tóg ẽg tỹ ũn mág han ke mũ gé sir, ẽg jykre kurynh kỹ,” he tóg, Jesus ti.

Tiago 1:9

Ẽg Senhor tỹ Jesus mré ke ũ ag tóg jagtar nỹtĩ. Hã ra ag tóg ẽg Senhor ki ge kỹ nỹtĩn kỹ ũn riko ri ke nỹtĩ, ag tỹ tỹ Topẽ krẽ nỹtĩn kỹ. Kỹ tag to jykrén nĩ, ãjag mỹ sér tĩ jé.

Tiago 4:10

Ẽg Senhor mỹ: “kórég inh nĩ, isỹ vẽjykre pãno han kỹ,” hem nĩ. Kỹ ti hã vỹ ãjag mỹ vĩ há han ke mũ sir, kỹ ãjag fe vỹ mrin kenh ke mũ sir.

Tiago 4:6

Hã ra Topẽ kuprĩg tóg ẽg tar han tĩ, ẽg tỹ nén ũ vẽnhmỹ han sór tũ nĩ jé. Kỹ tóg tag tó mũ sir, ha mẽ: “Topẽ vỹ ũ tỹ: “ũn mág vỹ tỹ inh nĩ,” he mũ ẽn ag to kórég nĩ, hã ra tóg ũ tỹ: “nén ũ tũ vỹ tỹ inh nĩ,” he mũ ẽn ag jagãgtãn tĩ,” he tóg, ti vĩ rá ki.

1 Pedro 5:5

Kỹ sóg kyrũ ag jyvẽn kỹ: “ũn sanh tỹ ãjag mỹ nén tó mũ ẽn han nĩ,” he mũ. Kỹ sóg vẽnh kar jyvẽn kỹ: “jagnẽ to é he tũg nĩ. Jagnẽ ki rĩr há han nĩ,” he mũ. Tag vỹ rán kỹ nĩ, ha mẽ. “Topẽ vỹ ũ tỹ jagnẽ to é he mũ ag kato tẽ tĩ. Hã ra tóg ũ tỹ: “ũn sĩ vỹ tỹ inh nĩ,” he mũ ẽn to há nĩ,” he tóg. Hã kỹ vẽsỹ ũn mág han sór tũg nĩ.

1 Pedro 5:6

Topẽ vỹ tar nĩ, kỹ tóg kejẽn ẽg mỹ nén ũ jagy jẽnẽg tĩ. Ti kato tẽ tũg nĩ hã ra. Ti tovãnh sór tũg nĩ gé. Kỹ tóg ti kurã ki ãjag tỹ ũn mág han ke mũ, ha vem nĩ.