Lucas 13:35 - O Novo Testamento na língua Kaingáng

³⁵ Hã kỹ ag tóg ãjag jamã pũn kãn ke mũ, kỹ ũ vỹ kãnhmar tá nĩg mãn ke tũ nĩ ha. Inh ve mãn ke tũ ag nĩ ha mỹr. Kejẽn ãjag tóg iso: “Topẽ tỹ ti jẽnẽ ja vẽ,” henh ke mũ. Ẽn kã hã ãjag tóg inh ve mãn ke mũ,” he tóg.

Lucas 13:35 Iomraidhean Croise

Mateus 21:9

Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.

Mateus 23:37

Kỹ tóg Jerusalém ki ke ag to vẽmén mũ. Fe kaj han kỹ tóg: “Topẽ vĩ tó tĩ ag kãgtén ag tóg tĩ, pó tỹ ag pin kỹ,” he mũ. “Isỹ ag vẽnh mãn há tóg tĩ vẽ, isỹ ag ki rĩr jé, hã kỹ sóg ag jé prẽr tỹ hẽn ri ke han mũ. Garĩnh fi vỹ fi krẽ kri jẽ nĩ. Fi tỹ ag vẽsỹrénh tũ nĩ jé ke vẽ. Ẽn ri ke han sór sóg mũ vẽ, hã ra ag tóg ke jãvãnh nỹtĩ.

Lucas 19:41

Gen kỹ ag tóg Jerusalem tá junjun mũ sir. Ẽmã ẽn ve kỹ tóg fỹ mũ.

Lucas 21:24

Ãjag kã mĩ ũn e tãvĩ kãgter ke vẽ, rógro tỹ. Kỹ ãjag kã mĩ ũ ag vỹ sigse kỹ mũnh mũ, povo kar kãmĩ. Kỹ Jerusalém vỹ kókén kãn kỹ nĩnh ke mũ. Fóg ag vỹ sãnsãn ke mũ, ãjag jamã ti. Kejẽn fóg ag tỹ tũ' henh ke kurã vỹ jun ke mũ gé hã ra,” he tóg, Jesus ti.

João 12:13

Kỹ ag tóg ti ve jé kãpa mũ. Tãnh féj génh kỹ ag tóg ti venh kãmũ mũ. Kỹ ag tóg: “!..Viva..!“ he mũ. “!..Sér tóg tĩ ẽg mỹ..! !..Ẽg jóg mág vỹ ti jẽnẽ..! !..Israel kri pã'i mág pẽ vẽ..!“ he ag tóg, prẽnprẽr kỹ.