Lucas 13:24 - O Novo Testamento na língua Kaingáng

²⁴ “inh ki rã vỹ, jãnkã sĩ ra rã ri ke nĩ,” he mũ. “Vãsãn nĩ, ã tỹ ra rã jé. Kejẽn ũ tóg, ra rã mãn ke tũ nĩ ha. Ẽn kã ũ tỹ hẽn ri ke ag vỹ, ra ge sór ke mũ, hã ra ag tóg, tỹ hẽ ri kenh ke tũ nĩ sir.

Lucas 13:24 Iomraidhean Croise

Mateus 11:12

“Ti kãtĩg kar kỹ ũ ag tóg ag jykre tar tỹ ũ tỹ kanhkã tá nĩ ẽn tỹ tỹ ẽg pã'i nĩ han sór mũ, vẽsóg ki.

Lucas 13:23

Kỹ ũ tóg ti mỹ: “Senhor,” he mũ. “Ũn krenkren mũ ag mỹ pipir nỹtĩ, e nỹtĩ vó?” he tóg. Kỹ tóg ti mỹ:

Lucas 21:36

Hã kỹ ãjag kanẽ nĩm nĩ, nũr sór tũg nĩ. Inh kãtĩg ke kã jatu to ken hã vẽ, hã vỹ: nũr, he mũ. Topẽ mré vĩ to krónh ke tũg nĩ, ãjag tỹ nén ũ jagy ẽn vég mũ ra tar nỹtĩ jé. Kỹ ãjag tóg ẽprã ke fi kósin rĩnja tá nỹtĩnh ke mũ sir. Mỹ'ãg ke tũ ãjag nĩn sir, isỹ vẽnh kar jykre tugnỹm ke kurã ẽn kã,” he tóg, Jesus ti.

João 13:33

“Inh jãvy', ãjag mré sóg nĩ sĩ pẽ han mũ ver. Inh jãvãnh jé ãjag tóg ke mũ, hã ra ãjag tóg inh venh ke tũ nĩ. Tag tó inh, Judeu ag mỹ, hã ra sóg ãjag mỹ tag hã tó mũ gé, hã vỹ: ãjag pijé isỹ hẽn ra tĩg ke mũ ẽn ki kanhró nỹtĩ', he mũ.

João 5:4

Goj tỹ vũnvũn he jãvãnh ag tóg nỹtĩ. Kejẽn Topẽ tỹ jẽnẽ jafã vỹ goj ki rã kỹ tỹ vũnvũn he tĩ. Ẽn kã ũ tỹ kã ra rã vén mũ ẽn tóg há' he tĩ. Vẽnh kaga kar tỹ tóg há' he tĩ, goj vũnvũn ẽn, ũ tỹ ki ge vén mũ ag kar tỹ.

João 6:27

Ẽg tỹ tag ki vẽjẽn vég mũ ẽn vỹ kãnhmar tũ' henh ke mũ, kỹ tag to vãsãn sór tũg nĩ. Vẽjẽn ũ jé vãsãn nĩ, ẽmĩ tỹ ãjag rĩnrĩr pẽ han ke mũ ẽn jé. Sỹ ãjag mỹ ẽmĩ ẽn nĩm sór vẽ. Ẽg jóg tỹ Topẽ tỹ inh mỹ vẽnh rãnhrãj nĩm jan hã vẽ. Tỹ sóg ẽprã ke fi kósin nĩ mỹr,” he tóg.

João 7:34

Ẽn kã tóg ãjag tỹ inh venh há tĩnh mũ, hã ra ãjag tóg inh venh ke tũ nĩ. Ẽn tá junjun ke tũ ãjag tóg nĩ, isỹ hẽn ra tĩg ke mũ ẽn tá,” he tóg.

João 8:21

Kỹ tóg ag mỹ: “tĩg jé sóg ke mũ, kỹ ãjag tóg inh ve sór ke mũ, hã ra ãjag tóg inh venh ke tũ nĩ,” he mũ. “Inh vég tũ ki ãjag tóg kãgter ke mũ, kỹ ãjag tỹ Topẽ vĩ mranh ja ẽn vỹ ãjag kã kã nĩnh mũ. Ãjag pijé isỹ hẽn ra tĩg ke mũ ẽn ki kanhró nỹtĩ'. Tá jun ke tũ ãjag nĩ gé,” he tóg.

Roma 10:3

Vẽsóg ki ag tóg vẽjykre kuryj to vãsãn sór tĩ. Hã ra ũ tỹ ẽg mỹ vẽjykre kuryj nĩm sór mũ vỹ tỹ Topẽ ti nĩ. Tag ve sór tũ ag nỹtĩ, Topẽ tỹ ẽg mỹ nĩm ke tag. Hã kỹ ag tóg Topẽ kato vãsãnsãn mũ.

Colossos 1:29

Hã to sóg vãsãn tĩ, kỹ sóg to ron tĩ gé. Ti hã ne isar han tĩ', ti tar nĩn kỹ.

Hebreu 4:11

Hã kỹ vãsãnsãn nĩ, ãjag tỹ tỹ prãnh ke tũ nĩ jé, ãjag tỹ ũ tỹ ga kórég mĩ mũ ja ẽn ag nón ti vĩ mranh tũ nĩ jé, ãjag tỹ ãjag vẽnhkán ke ẽn ve jé.

2 Pedro 1:10

Inh kanhkã', Topẽ vỹ ãjag kuprẽg. Kỹ vãsãnsãn, vẽnh kar tỹ ãjag jykre há tugrĩn ki kanhró nỹtĩ jé, ti tỹ ãjag kuprẽg mũ ẽn ti. Kỹ ãjag tóg tỹ prãnh kenh ke tũ nĩ, ha vem nĩ.