Lucas 13:16 - O Novo Testamento na língua Kaingáng

¹⁶ Kỹ tag fi vỹ se kỹ jẽ ẽn ri ke ja nĩ gé, ha mẽ. Satanás hã vỹ fi sé', prỹg tỹ 18 (ke) ki. Ẽg jógjóg ve tỹ Abraão krẽ'krẽ ũ fi vẽ. Ẽg mẽg kãfór fi tóg jẽ. Hã ra ã tóg jũ sór mũ, isỹ vẽnh kán ke kurã ki fi tỹ há' hen kỹ. Isỹ fi kavãn ri ke vẽ,” he tóg.

Lucas 13:16 Iomraidhean Croise

Mateus 4:10

Kỹ tóg ti mỹ: “ha tĩg, Satanás,” he mũ. “Ẽg pã'i tỹ Topẽ hã krẽm ẽg tóg ẽg jakrĩ tỹ grĩnh ke tĩ, ti hã to ẽg tóg: “Topẽ vẽ,” he tĩ, hã kỹ tóg rán kỹ nĩ, Topẽ vĩ tỹ rán kỹ nĩ ki,” he tóg.

Marcos 2:27

“Ha mẽ, Topẽ vỹ ẽg mỹ vẽnhkán ke kurã nĩm, ẽg tỹ ki vẽnhkán jé. Hã ra tóg tỹ kurã kórég han tũ nĩ.

Lucas 16:24

Kỹ tóg ag mỹ prẽr mũ. “!..Ijóg'..! !..Abraão'..!” he tóg. “!..Ijagãgtãn ra..!” he tóg. “Lázaro jẽnẽ ra, ti tỹ ti nĩjuja junun mrãn kỹ inh nũnẽ mrãn sĩ han jé. Inh mỹ tóg rỹjgy tãvĩ tĩ, pĩ kã ki,” he tóg.

Lucas 19:9

Kỹ tóg ti mỹ: “ũri ã tóg kren ke mũ, ã mré ke fag mré hã. Abraão krẽ'krẽ vỹ tỹ ã nĩ gé,” he mũ.

Lucas 3:8

Ãjag jykre pãno tugvãnh ra, ãjag tỹ ti jũ ve jãvãnh tĩn kỹ. Vẽjykre há han ra, ẽg tỹ ãjag jykre tãg ve jé. Hã ra ãjag tóg jagnẽ mỹ: “Abraão krẽ vỹ tỹ ẽg nỹtĩ, kỹ Topẽ hỹn ẽg to jũnh ke tũ nĩ,” he tĩ. Hã tũ vẽ hã ra. Ãjag jykre pãno ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ãjag jẽgja kã.

João 8:44

Japo krẽ vỹ tỹ ãjag nỹtĩ, kỹ ãjag tóg ti tỹ nén tó mũ ẽn hã han tĩ. Topẽ tỹ ẽprã ke ag hynhan ẽn kã tóg ag kãgtén sór tĩgtĩ, Japo ti. Vãsỹ ti jykre vẽ, kỹ tóg ũri tỹ ti jykre nĩ gé ver. Ti pijé ki hã tó tĩ'. Ki hã tó to ti kórég pẽ nĩ, Japo ti. Vẽnh ó vỹ tỹ ti tũ pẽ nĩ. Ti hã vỹ tỹ ũn ón tĩ ag jóg kar nĩ.

Han Kãme 13:26

“Inh kanhkã', Abraão krẽ', ũ tỹ Topẽ kamẽg mũ', fóg kã mĩ'. Topẽ vỹ ẽg hã mỹ vẽnh vĩ tag jẽnẽ, ẽg krenkren jé.

2 Timóteo 2:26

Kỹ ag krĩ há nỹtĩnh mũ. Japo tũ vỹ tỹ ag nỹtĩ ja nĩgtĩ, ti tỹ ag sigse ja nĩn kỹ, ag tỹ ti rãnhrãj han jé. Ag tỹ ti tovãnh kỹ Topẽ tóg ag krenkren han ke mũ. Kỹ tóg ag tỹ Japo jykre tag to vẽnh nenh to ag tar han ke mũ, ẽg ke gé. Kỹ tóg há tĩ.