Lucas 13:15 - O Novo Testamento na língua Kaingáng

¹⁵ Hã ra Jesus tóg ti vĩ kãfãn kỹ: “jykre régre ã nĩ mỹr,” he mũ. “Vẽnhkán ke kurã ki ãjag tóg ãjag mẽg ki rĩr tĩ gé, monh ki, kãvãru ki ke gé, ha mẽ. Ãjag mẽg kygvãg ãjag tóg tĩ, ag tỹ goj kron mũn jé, ti tỹ ĩn kã kã se kỹ jẽ kỹ, cocho to.

Lucas 13:15 Iomraidhean Croise

Mateus 15:14

“Hã kỹ ag to jykrén tũg nĩ. Ũn kyvó ag mỹ ag tóg: “sỹ ã jãmĩ tĩg ke vẽ,” he tĩ, hã ra ag tóg ag kóm kyvó nỹtĩ gé, kỹ ũn kyvó tỹ ũn kyvó jãmĩ tĩg kỹ ag tóg kãgnó ki vár kãn ke mũ, ha vem nĩ,” he tóg. Ag tỹ nũgme ki vár ke to ken hã vẽ, hã vỹ: kãgnó ki vár, he mũ.

Mateus 15:7

“Jykre régre ãjag nỹtĩ, ha mẽ. Hã kỹ Isaías vỹ ãjag to vĩ ja nĩgtĩ, ti tỹ tag tó kỹ, ha mẽ.

Mateus 23:13

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.

Mateus 23:28

Tag ri ke ãjag nỹtĩ. Há nỹtĩ ve ãjag nỹtĩ. Jykre kuryj nỹtĩ ve ãjag nỹtĩ, hã ra tóg ãjag kã tá kórég nĩ, ãjag jykre régre nỹtĩn kỹ, ãjag tỹ Topẽ vĩ ki króm sór tũ nỹtĩn kỹ mỹr, ha mẽ,” he tóg, Jesus ti.

Mateus 7:5

Ke tũg nĩ. Ke tũ nĩ mũ ra ã tóg jykre régre nĩ. Kỹ ã jykre kurynh vén nĩ. Kar kỹ ã tóg sir ã régre jykre kurynh há han ke mũ,” he tóg.

Lucas 12:1

Hã ra ũ tỹ hẽn ri ke mil (ke) ag vỹ, vẽnh mãn kỹ nỹtĩ. Kỹ ag tóg, jagnẽ sãnsãn mũ sir. Kỹ Jesus tóg ag kanhrãn mũ. Ti mré mũ tĩ ag kanhrãn vén tóg mũ, kỹ tóg ag mỹ: “Fariseu ag jykre han sór tũg nĩ,” he mũ. “Ẽmĩ jãgja jafã ri ke ti nĩ, ag jykre ti. Hã kỹ tóg Topẽ mỹ kórég tãvĩ nĩ,” he tóg.

Lucas 14:5

Kỹ tóg ag mỹ: “kejẽn ãjag kósin ũ tóg goj ki kutẽnh mũ, ke tũ nĩ kỹ ãjag mẽg tỹ monh,” he mũ. “Vẽnhkán ke kurã ki tóg ki kutẽnh mũ, hẽn ri ke mũn. Kỹ ãjag tóg ti kunũnh ke mũ gé,” he tóg.

Lucas 6:42

Kỹ ãjag tóg ti mỹ: “sỹ ã mỹ ã jykre kórég kurynh há tóg tĩ,” he tĩ', ãjag tỹ ãjag jykre pãno tãvĩ ẽn kurynh jãvãnh hã ra. Ke tũg ra. Ke tũ nĩ mũ ra ãjag tóg jykre régre nỹtĩ. Ãjag jykre kurynh vén nĩ, kar ãjag tóg ãjag régre ag jykre kurynh há han mũ,” he tóg.

Lucas 7:13

Kỹ Jesus tóg fi vég mũ, kỹ fi tóg ti mỹ jagtar nĩ. Kỹ tóg fi mỹ: “fỹ tũg nĩ,” he mũ.

Lucas 7:19

Kỹ tóg ti mỹ e tĩ. Kỹ tóg ti to: “Topẽ tỹ ũn jẽnẽg mũn hã mỹ vỹ?” he mũ. Hã kỹ tóg ti mré mũ tĩ régre ag jẽgnẽg mũ, ag tỹ Jesus mỹ: “ã hã mỹ'?” he jé.“ Ẽg mỹ ũ jãvãnh mãn ke tũ nĩ ha', ã pãte?” he sór ag tóg mũ.