Lucas 13:13 - O Novo Testamento na língua Kaingáng

¹³ Kỹ tóg ti nĩgé tỹ fi kri fig mũ. Kỹ fi tóg vẽnh ra hã jẽg há' he mũ, ha mẽ. Kỹ fi tóg Topẽ mỹ vĩ há han mũ sir.

Lucas 13:13 Iomraidhean Croise

Mateus 9:8

Kỹ vẽnh kar ẽn ag tóg vég mũ. Kỹ tóg ag mỹ e tãvĩ tĩ. Topẽ mỹ ag tóg vĩ há han mũ, ti tỹ Jesus mỹ vẽjykre há nĩm kỹ, ti tỹ tỹ ẽprã ke nĩ ra.

Marcos 16:18

“Ag tỹ kejẽn pỹn kãgmĩg mũ ra, veneno kron mũ ra tóg, ag tỹ hẽ ri kenh ke tũ nĩ,” he tóg. “Ũn kagyga ag mẽgmẽ jé ag tóg ke mũ gé, ag nĩgé tỹ, kỹ ag tóg sir krenkren ke mũ, fag ke gé“ he tóg.

Marcos 5:23

Ti mỹ tóg: “inh kósin fi vỹ tũg sór mũ. Kunĩg, ã tỹ ã nĩgé tỹ fi mẽ jé, fi tỹ há' he jé, fi kren jé,” he mũ.

Marcos 6:5

Kỹ tóg tá nén ũ han tũ nĩ sir. Ũn kagyga pipir ag hã tỹ há' he tóg, ti nĩgé tỹ ag mẽ kỹ.

Marcos 8:25

Kỹ tóg ti nĩgé tỹ ti kanẽ mẽ mãn mũ, kỹ tóg ẽvãnh há han mũ sir. Há' he tóg mũ. Tã mĩ tóg ve há han kãn mũ, ũn kyvó ja ti.

Lucas 13:12

Kỹ Jesus tóg fi vég mũ. Kỹ tóg fi jé prẽr mũ. “Kunĩg, jỹ,” he tóg. “Ã kaga tỹ sóg tũ' henh ke mũ,” he tóg fi mỹ.

Lucas 18:43

Kỹ tóg vẽsỹmér ẽvãnh há' he mũ sir. Ti hã mré tóg tĩ mũ sir. Topẽ mỹ tóg vĩ há han mũ. Kỹ tóg vẽnh kar mỹ há tĩ. Topẽ mỹ ag tóg vĩ há han mũ gé sir.

Lucas 4:40

Rã tỹ pun ke kar kỹ ag tóg ũn kagyga ag tatĩ kãmũ mũ. Kỹ tóg ti nĩgé tỹ ag mẽgmẽ kỹ ag tỹ hághá' he kãn mũ.

Han Kãme 9:17

Kỹ Ananias tóg tĩ mũ. Ti tỹ ĩn ẽn tá jun kỹ tóg ti nĩgé tỹ ti mẽg mũ, kỹ tóg ti mỹ: “Saulo', régre', ẽg Senhor vỹ inh jẽnẽ, Jesus ti, sỹ ã ve jé,” he mũ. “Ti ve ã mỹr, ẽpry kri, ã tỹ tag ki jun mũn kã. Hã kỹ sóg kãtĩ mũ, ã tỹ ve mãn jé, Topẽ kuprĩg tỹ tỹ ã jagrẽ nĩ jé,” he tóg.