Lucas 12:9 - O Novo Testamento na língua Kaingáng

⁹ Ãjag tỹ ẽprã ke ag mỹ inh kãmén tũ nĩn kỹ sóg ãjag kãmén ke tũ nĩ gé, Topẽ tỹ jẽgnẽ jafã ag mỹ, ãjag tỹ iso: “ti ki kagtĩg sóg nĩ,” hen kỹ,” he tóg.

Lucas 12:9 Iomraidhean Croise

Mateus 10:33

Ãjag tỹ hã ra inh kãmén tũ nĩn kỹ sóg inh jóg tỹ kanhkã tá nĩ ẽn mỹ ãjag kãmén ke tũ nĩ gé, kurã ẽn kã, ãjag tỹ iso: “ti ki kagtĩg sóg nĩ, hen kỹ,” he tóg, Jesus ti.

Mateus 25:12

Hã ra tóg fag mỹ: “ãjag ki sóg kagtĩg nĩ, mỹr, ha mẽ,” he mũ,” he tóg, Jesus ti.

Mateus 25:31

Kỹ Jesus tóg ag mỹ: “ẽprã ke fi kósin kãtĩg mãn kỹ tóg ge nĩnh mũ, ha mẽ,” he mãn mũ. “Isỹ jẽgnẽ jafã ag vỹ inh mré kãmũnh ke mũ. Kỹ sóg inh nĩgja sĩnvĩ ẽn kri nĩnh ke mũ sir, kỹ inh jykre tar vỹ vẽnh ven ke mũ.

Mateus 25:41

“Kỹ sóg inh jakãnh tá nỹtĩ ag mỹ: inh panh vỹ ãjag mỹ vĩ kónãn. Pĩ nhyr vãnh ra mũjẽg. Nén-Kórég mỹ tóg kar kỹ nĩ, pĩ nhyr vãnh ẽn ti, ti tỹ jẽgnẽ jafã ag mỹ ke gé. Ẽn ra mũjẽg.

Mateus 7:23

Hã ra sóg ag mỹ: ãjag pijé tỹ, inh mré ke nỹtĩ', henh ke mũ. Ãjag ki kagtĩg sóg nĩ mỹr. Ha mũ jẽg. Jykre kórég ãjag tóg nỹtĩ, he jé sóg ke mũ, ũ tỹ inh panh vĩ han jãvãnh ẽn ag mỹ, fag mỹ ke gé,” he tóg, Jesus ti.

Marcos 8:38

Ũri ke ag tóg vyr mỹ topẽ ũ hynhan tĩ, kỹ ag tóg Topẽ vĩ mranh tĩ gé. Ag kã mĩ iso mỹ'ãg tũg nĩ. Ãjag tỹ ũri inh vĩ to mỹ'ãg kỹ sóg, inh kãtĩg mãn kỹ ãjag to mỹ'ãg ke mũ gé, isỹ Topẽ tỹ jẽgnẽ jafã mág ag mré kãtĩg kỹ. Ijóg vỹ tóg isỹ ũn mág han ke mũ. Tỹ sóg ẽprã ke fi kósin nĩ,” he tóg.

Lucas 15:10

Kỹ tóg ge nĩ, kanhkã tá, ha mẽ. Topẽ tỹ jẽgnẽ jafã ag mỹ tóg sér tãvĩ tĩ, ũ fi tỹ fi tỹ Topẽ vĩ mranh ẽn tovãnh kỹ, ha mẽ,” he tóg, Jesus ti.

Lucas 22:57

Hã ra Pedro tóg: “vó,” he mũ. “Ti ki kagtĩg sóg nĩ, jỹ,” he tóg.

Lucas 9:26

Iso mỹ'ãg tũg nĩ, inh vĩ to. Ãjag tỹ ũri iso mỹ'ãg kỹ sóg ãjag to mỹ'ãg ke mũ gé, inh kãtĩg mãn kỹ. Tỹ sóg ẽprã ke fi kósin nĩ. Sĩnvĩ ti nĩnh mũ, inh kãtĩg mãn kỹ, inh jóg tỹ inh jẽnẽn kỹ. Kỹ ti tỹ jẽgnẽ jafã ag vỹ inh mré kãmũnh mũ gé, Topẽ tũ ag,” he tóg.

2 Timóteo 2:12

Ẽg tỹ ti tugrĩn nén ũ jagy kar to tar nỹtĩn kỹ ẽg tóg ti mré tỹ ũn mág nỹtĩnh ke mũ gé. Ẽg tỹ ti tovãnh kỹ tóg ẽg tovãnh ke mũ gé.

1 João 2:23

Ũ tỹ Jesus to: “ti pijé tỹ Topẽ kósin nĩ',” hen kỹ tóg ẽg jóg mág ki kagtĩg nĩ gé. Kỹ ũ tỹ ti to: “Topẽ kósin vỹ tỹ ti nĩ,” hen kỹ tóg ẽg jóg mág ti ki kanhró nĩ gé.

1 João 2:28

Inh krẽ', ti ki ge kỹ nỹtĩm nĩ. Kỹ tóg há tĩ. Kãnhmar ti kãtĩg ke mũ. Kãnhmar ti vẽnh ven ke mũ. Kỹ ẽg tóg mỹ'ãg ke tũ nĩ, ti kãtĩg kỹ, ẽg tỹ ti ki ge kỹ nỹtĩn kỹ. Ẽg mỹ'ãg kỹ ẽg tóg ti kãtĩg kỹ vẽnh pigju sór ke mũ. Hã kỹ ke tũg nĩ.

Nén Venh Ke 3:8

“Ãjag tỹ nén han mũ ki kanhró sóg nĩ. Tỹ nén mág tũ ãjag nỹtĩ. Hã ra ãjag tóg isỹ ãjag mỹ nén tó mũ ẽn ki króm kỹ nỹtĩgtĩ. Isovãnh ja tũ ãjag tóg nĩgtĩ. Ãjag mỹ sóg ẽg tỹ jãnkã nón ẽn ri ke han. Kỹ ũ tỹ ãjag jo nĩfénh ke tóg tũ tĩ.