Lucas 12:47 - O Novo Testamento na língua Kaingáng

⁴⁷ “Ti camarada ũ vỹ ti patrão kãtĩg ke jo ki rĩr há han tũ nĩgtĩ, ti patrão tỹ ti mỹ tó mũ ra. Ti vĩ ki tóg króm tũ nĩgtĩ. Kỹ tóg ti mrãnmrãn mág ke mũ.

Lucas 12:47 Iomraidhean Croise

Lucas 12:41

Kỹ Pedro vỹ ti mỹ: “Senhor',” he mũ. “Ã tỹ ũ mỹ ke nẽ? Ã tỹ ũ tỹ ã ki ge tũ ag mỹ ke mỹ, ẽg mỹ ke mỹ vó?” he tóg.

Lucas 12:46

Kỹ ti patrão vỹ ti kãnhmỹ jun ke mũ, ha vem nĩ, ti tỹ ti jun ke kurã ki kagtĩg nĩn kỹ. Kỹ tóg ti vóg kónãn ke mũ gé sir. Kỹ tóg ti fón ke mũ, Topẽ vĩ mranh tĩ ag mré,” he tóg.

João 12:48

Ãjag tỹ iso é he kỹ, ãjag tỹ inh vĩ to é he kỹ ãjag jykre kórég ẽn tóg vẽnh ven mũ, ha vem nĩ. Isỹ ãjag mỹ inh vĩ tó mũ ra ãjag tóg inh vĩ kri fi jãvãnh nỹtĩ. Hã tugrĩn tóg vẽnh ven ke mũ, ãjag jykre kórég ti, kurã tỹ ẽgno kã hã.

João 19:11

Hã ra Jesus tóg: “Topẽ tỹ ã tỹ pã'i han tũ nĩ ra ã tóg tag han ki kagtĩg nĩnh mũ vẽ,” he mũ. “Hã kỹ ũ tỹ ã mỹ inh fẽg mũ ẽn vỹ ã tỹ Topẽ vĩ mranh mũ tag kãfór nĩ ha,” he tóg.

João 9:41

Kỹ Jesus tóg: “Hỹ,” he mũ. “Ãjag tỹ: kyvó ẽg nỹtĩ, ki kagtĩg ẽg nỹtĩ, hen kỹ Topẽ tóg ãjag to jũnh ke tũ nĩ vẽ. Hã ra ãjag tóg: ẽvãnh há ẽg nỹtĩ, ki kanhró ẽg nỹtĩ, he tĩ. Hã kỹ Topẽ tóg ãjag to jũnh ke mũ. Vẽnh pãte fón ke tũ ti nĩ, ãjag tỹ ti vĩ mranh ja ti,” he tóg.

Han Kãme 17:30

“Hã ra tóg ẽg to fen mág mũ, ẽg tỹ ti ki kagtĩg nỹtĩn kỹ. Hã kỹ tóg vãhã vẽnh kar mỹ vẽnh vĩ jẽnẽg mũ, ẽg tỹ ẽg jykre pãno tovãnh jé.

Tiago 4:17

Kỹ tag tóg vẽnhmỹ nỹ gé, sỹ tónh ke mũ tag, ha mẽ. Kejẽn ẽg tóg nén ũ há to jykrén tĩ, ẽg tỹ han jé. Hã ra ẽg tóg han tũ nĩgtĩ. Kỹ ẽg tỹ Topẽ vĩ mranh ũ vẽ gé sir, ẽg tỹ nén ũ há han sór mũ ra han tũ nĩn kỹ.