Lucas 12:46 - O Novo Testamento na língua Kaingáng

⁴⁶ Kỹ ti patrão vỹ ti kãnhmỹ jun ke mũ, ha vem nĩ, ti tỹ ti jun ke kurã ki kagtĩg nĩn kỹ. Kỹ tóg ti vóg kónãn ke mũ gé sir. Kỹ tóg ti fón ke mũ, Topẽ vĩ mranh tĩ ag mré,” he tóg.

Lucas 12:46 Iomraidhean Croise

Mateus 24:50

Hã ra ũn jykre kórég ẽn patrão vỹ, ti kãnhmỹ kãtĩg ke mũ sir, ha vem nĩ.

Mateus 24:51

Ti kãtĩg kỹ tóg ti kapãn mũ sir, kỹ tóg ti fón ke mũ gé, ũn jykre régre ag mré. Tá ag tóg jagtar ke mũ, ag jã tỹ ag tóg gyngyn kenh mũ, jũ kỹ, ũn jykre kórég ẽn ag,” he tóg, Jesus ti. Ti tỹ ũ tỹ ti rãnhrãj han kónãn mũ kãmén hã vẽ.

Lucas 12:40

Ge ti nĩ, inh kãtĩg mãn ke ti. Ha vẽnh ki rĩr. Ẽprã ke fi kósin vỹ kãtĩg ke mũ, ãjag tỹ ti kãtĩg ke to jykrén tũ hã ra,” he tóg.

Lucas 12:45

Ti camarada ẽn jykre kórég nĩn kỹ tóg vẽnh mỹ nĩ jãvo, ha mẽ. To jykrén kỹ tóg: ẽg patrão vỹ kãtĩg vãnh han mũ, he mũ. Kỹ tóg ti mré ke ag vóg kónãn mũ. Ag mrãnmrãn tóg mũ sir, fag ke gé. Kỹ tóg jatun mỹ jẽn mág han mũ. Ũn kronkron tĩ ag mré tóg kron kỹ pépév tĩ nĩ sir.

Lucas 12:47

“Ti camarada ũ vỹ ti patrão kãtĩg ke jo ki rĩr há han tũ nĩgtĩ, ti patrão tỹ ti mỹ tó mũ ra. Ti vĩ ki tóg króm tũ nĩgtĩ. Kỹ tóg ti mrãnmrãn mág ke mũ.

Nén Venh Ke 16:15

“Ha vé, ãjag tỹ nén ũ péju tĩ ẽn kãtĩg ri ke ti nĩnh mũ, inh kãtĩg mãn ke ti. Ãjag nũgnũr tũ nĩn kỹ tóg há tĩ, ãjag kur kynkar kỹ nỹtĩn kỹ. Kỹ mỹ sér nỹtĩm nĩ. Kỹ ãjag tóg kator nỹtĩnh ke tũ nĩ. Mỹ'ãg'ãg ke tũ ãjag nĩ, ũ ag tỹ ãjag vég mũ ra,” he tóg, ẽg Senhor ti, ẽg mỹ.