Lucas 12:4 - O Novo Testamento na língua Kaingáng

⁴ “Ha mẽ, iso há ãjag nỹtĩ. Pã'i ag tỹ kejẽn ẽg tén sór mũ ra ag kamẽg tũg nĩ. Ag tỹ ẽg tén kar kỹ ag tóg, ẽg tỹ hẽ ri kenh ke tũ nĩ sir. Hã kỹ ag kamẽg tũg nĩ.

Lucas 12:4 Iomraidhean Croise

Mateus 10:28

Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.

João 15:13

Ũ tỹ ti mré ke ũ ag jagfy ter sór mũ ẽn vỹ ag to há ja nĩgtĩ. Ũ tỹ ẽg to há kãfór pẽ ẽn venh ke tũ ẽg tóg nĩ, ẽprã.

Han Kãme 20:24

Hã ra tóg inh mỹ tỹ nén ũ tũ nĩ, ag tỹ isén ke mũ ra. Sỹ inh rãnhrãj kãn há tóg tĩ, Jesus Cristo tỹ inh mỹ vẽnh rãnhrãj nĩm ja ẽn ti, hã vỹ: sỹ vẽnh kar mỹ Jesus kãme sér ẽn tó jé, he mũ,” he tóg.

Han Kãme 4:13

Kỹ tóg ag mỹ e tĩ. “Ẽg kamẽg tũ ag tóg nĩ mỹr,” he ag tóg, Pedro ag to. “Escola ki ge mág ja tũ ag nỹtĩ vẽ,” he ag tóg. To jykrén kỹ ag tóg: “Jesus mré ke ag vẽ,” he mũ.

Filipos 1:28

Ũ tỹ ẽg kato vãsãnsãn mũ ag kamẽg tũg nĩ. Hã tugnĩn ag tóg ag tỹ nũgme ki vár ke ki kanhró nỹtĩ. Hã tugnĩn ãjag tóg ãjag krenkren ke ẽn ki kanhró nỹtĩ gé sir. Topẽ vỹ ẽg tar han ke mũ, ẽg tỹ ag tỹ hẽn ri ke jé gé.

Tiago 2:23

Rán kỹ tóg nĩ gé, kỹ tóg: “Topẽ vĩ kri tóg fi, Abraão ti,” he mũ. Hã kỹ Topẽ tóg ti to: “ũ tỹ iso há nĩ ẽn,” he tĩ,” he tóg, Abraão to.

1 Pedro 3:14

Kejẽn ãjag tóg hã ra vẽjykre há tugrĩn vẽsỹrénh ke mũ, Topẽ vĩ tugrĩn. Kỹ mỹ sér nỹtĩm nĩ. Ẽprã ke ag kamẽg tũg nĩ. Ag vĩ jẽmẽ sór tũg nĩ, ag tỹ ãjag tỹ ti tovãnh han sór mũ ra.

Nén Venh Ke 2:10

Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.