Lucas 12:39 - O Novo Testamento na língua Kaingáng

³⁹ “Kỹ tag to jykrén nĩ, ha mẽ. Inh kãtĩg mãn ke vỹ tỹ ũ tỹ nén ũ pigju tĩ kãtĩg ri ke nĩnh mũ. Ũ tỹ ti ĩn krẽm nĩ ẽn pijé ki kanhró nĩ', ti kãtĩg ke ki. Ti tỹ ki kanhró nĩ ra tóg ti tỹ nén ki rĩr ke mũ vẽ, ti tỹ ti tũ mãg tũ nĩ jé. Hã ra tóg ki kagtĩg nĩ.

Lucas 12:39 Iomraidhean Croise

Mateus 24:42

Vẽnh ki ẽmẽm nĩ, nũr ri ke han tũg nĩ. Inh kãtĩg ke óra ki kagtĩg ãjag tóg nỹtĩ. Ãjag Senhor vỹ tỹ inh nĩ,” he tóg.

Mateus 6:19

“Ga kri mũn kỹ rikon ke to vãsãn sór tũg nĩ. Ga vỹ ãjag tỹ nén kar konh ke mũ. Kỹ ãjag jãnkamy vỹ vẽso jãgfanh ke mũ gé sir. Kỹ ag tóg pigju kỹ ma mũnh ke mũ gé sir, ãjag tỹ nén ti, ti e nĩn kỹ.

2 Pedro 3:10

Hã ra tóg kãtĩg mãn ke mũ, ha vem nĩ. Vãhã tóg kãtĩg ke mũ, kỹ tóg ũ tỹ ẽg tũ péju tĩ tỹ ẽg vatánh tá kãtĩg ri ke nĩnh ke mũ. Ẽn kã kanhkã tóg tov kỹ kréj ke kỹ vár ke mũ. Kanhkã tá nén kar vỹ jonh ke kãn ke mũ gé, krĩg kar ag, pĩ ẽn tỹ ag tỹ kréj ken kỹ. Kỹ vãhã ga vỹ tũ' henh ke mũ, ga kri ke kar ag ke gé.

Nén Venh Ke 16:15

“Ha vé, ãjag tỹ nén ũ péju tĩ ẽn kãtĩg ri ke ti nĩnh mũ, inh kãtĩg mãn ke ti. Ãjag nũgnũr tũ nĩn kỹ tóg há tĩ, ãjag kur kynkar kỹ nỹtĩn kỹ. Kỹ mỹ sér nỹtĩm nĩ. Kỹ ãjag tóg kator nỹtĩnh ke tũ nĩ. Mỹ'ãg'ãg ke tũ ãjag nĩ, ũ ag tỹ ãjag vég mũ ra,” he tóg, ẽg Senhor ti, ẽg mỹ.

Nén Venh Ke 3:3

Vẽnh vĩ sér mẽ ãjag mỹr. Kỹ to jykrén há han nĩ. To tar nỹtĩm nĩ. To vãsãn nĩ. Ãjag nũgnũr kỹ sóg ãjag krĩg mỹ jun ke mũ. Ũ tỹ ẽg tỹ nén péju tĩ tỹ ẽg nũr krĩg mỹ jun ẽn ri ke han jé sóg ke mũ. Inh jun ke kurã ki kagtĩg ãjag tóg nỹtĩ mỹr.