Lucas 12:37 - O Novo Testamento na língua Kaingáng

³⁷ Hã ra tóg kejẽn jun mũ sir. Kỹ tóg sér tĩ, ti camarada ag tỹ ti jãvãnh nỹtĩn kỹ. Kỹ tóg ag mỹ vĩ há han ke mũ sir. Kỹ tóg vẽsóg fĩn kỹ ag mỹ: “nĩgnĩ ra ver, mesa to,” henh ke mũ sir. Kỹ tóg ti camarada ag mỹ vẽjẽn ven ke mũ, ag patrão ti. Ki hã sóg tó mũ,” he tóg.

Lucas 12:37 Iomraidhean Croise

Mateus 24:42

Vẽnh ki ẽmẽm nĩ, nũr ri ke han tũg nĩ. Inh kãtĩg ke óra ki kagtĩg ãjag tóg nỹtĩ. Ãjag Senhor vỹ tỹ inh nĩ,” he tóg.

Lucas 12:36

Kỹ ãjag tóg tỹ ũ camarada ri ke nỹtĩ. Kejẽn ag patrão vỹ hẽn kã tá tĩg mũ, ti prũ ke ki fénhta mág han jé. Kỹ ti camarada ag vỹ ti tỹ tá vỹn ke jãvãnh nỹtĩ. Ag tỹ ti jãvãnh há han kỹ tóg há tĩ, ag nũgnũr tũ nĩn kỹ. Kỹ ag tóg kãnhmar ti tỹ jãnkã tỹ tórón tórón ke mẽnh mũ.

Lucas 12:43

Ti tỹ ag ki rĩr há han kỹ ti patrão vỹ, ti mỹ vĩ há han ke mũ, ti kãtĩg mãn kỹ.

Lucas 17:8

Ti mỹ ãjag tóg: “inh mỹ vẽjẽn han, ijẽn jé, isỹ kron jé,” he tĩ. “Kar kỹ ã tóg jẽn ke mũ gé, kron ke mũ gé sir, ijẽn kar kỹ,” he ãjag tóg tĩ, ãjag camarada mỹ.

Lucas 21:36

Hã kỹ ãjag kanẽ nĩm nĩ, nũr sór tũg nĩ. Inh kãtĩg ke kã jatu to ken hã vẽ, hã vỹ: nũr, he mũ. Topẽ mré vĩ to krónh ke tũg nĩ, ãjag tỹ nén ũ jagy ẽn vég mũ ra tar nỹtĩ jé. Kỹ ãjag tóg ẽprã ke fi kósin rĩnja tá nỹtĩnh ke mũ sir. Mỹ'ãg ke tũ ãjag nĩn sir, isỹ vẽnh kar jykre tugnỹm ke kurã ẽn kã,” he tóg, Jesus ti.

Lucas 22:27

Kejẽn ẽg tóg mesa to nỹtĩ, kỹ ũ tóg mesa ki rĩr tĩgtĩ. Ũ tỹ hẽ nỹ hỹn mesa ki rĩr tĩ'? Ag patrão mỹ', ti camarada mỹ vó'? Ti camarada vỹ ki rĩr tĩgtĩ. Jo sóg ãjag ki rĩr tĩgtĩ, ãjag camarada ri ke.

João 12:26

Ãjag tỹ inh rãnhrãj han sór kỹ inh ri ke han nĩ, kỹ ãjag tóg tỹ inh mré ke nỹtĩnh mũ. Kỹ ãjag tóg inh mré kanhkã tá nỹtĩnh ke mũ gé. Kỹ inh panh vỹ ãjag tỹ ũn mág han ke mũ gé,” he tóg, Jesus ti.

1 Corinto 2:9

Hã ra tóg rán kỹ nĩ, Topẽ vĩ rán ki, hã vỹ: “Topẽ tóg ẽg mỹ nén ũ há han ja nĩ, ũ tỹ ti to há kar mỹ mỹr,” he mũ. “Ũ pijé tag ve ja nĩ ver'. Ũ pijé tag mẽ ja nĩ ver'. Ẽprã ke ag pijé to jykrén ja nĩ ver'. Topẽ hã ne to jykrén ja nĩgtĩ,” he ja tóg nĩgtĩ.

Filipos 1:21

Inh jykre hã vỹ tỹ Cristo ti nĩ, hã kỹ sóg iser kỹ ti venh tĩg ke mũ. Kỹ tóg inh mỹ sér tĩnh mũ.

Filipos 1:23

Inh kren ke mỹ inh mỹ hán tĩ vỹ, iser ke vó? he sóg tĩ. Iser kỹ sóg Cristo mré nĩnh mũ. Kỹ tóg inh mỹ hapẽ nĩ, isỹ ti venh há tĩn kỹ.

2 Pedro 1:11

Kanhkã ve jé ãjag tóg ke mũ, ha vem nĩ, ẽg Senhor tỹ Jesus Cristo tũ ti, ẽg krenkren han tĩ ẽn tũ ti. Tũ' henh ke tũ ti nĩ, ti tỹ tá tỹ ũn mág nĩ ti.

2 Pedro 3:14

Inh kanhkã', ãjag to sóg há tãvĩ nĩ. Topẽ kurã tag jãvãnh ãjag tóg nỹtĩ. Kỹ vãsãnsãn nĩ, ãjag tỹ kygnẽg tũ nĩ jé. Vãsãnsãn nĩ, ãjag tỹ Topẽ mỹ jãnhkri nỹtĩ jé, ãjag tỹ ti há ri ke nỹtĩ jé. Kỹ ãjag tóg ti kato vãsãnsãn ke tũ nĩ.

Nén Venh Ke 14:13

Kỹ sóg kanhkã tá vẽnh vĩ ũ mẽg mũ gé. Kỹ tóg: “tag rán nĩ, ha mẽ,” he mũ. “Ũ ag tóg ẽg Senhor ki ge kỹ nỹtĩ ki kãgter ja nĩ. Ẽn ag mỹ tóg sér tãvĩ tĩ ha,” he tóg. Kỹ Topẽ kuprĩg tóg: “hỹ,” he mũ gé. “Ag rãnhrãj kaja vég ag tóg mũgtĩ. Kỹ ag tóg ag rãnhrãj to vẽnhkán kỹ nỹtĩ ha,” he tóg.

Nén Venh Ke 16:15

“Ha vé, ãjag tỹ nén ũ péju tĩ ẽn kãtĩg ri ke ti nĩnh mũ, inh kãtĩg mãn ke ti. Ãjag nũgnũr tũ nĩn kỹ tóg há tĩ, ãjag kur kynkar kỹ nỹtĩn kỹ. Kỹ mỹ sér nỹtĩm nĩ. Kỹ ãjag tóg kator nỹtĩnh ke tũ nĩ. Mỹ'ãg'ãg ke tũ ãjag nĩ, ũ ag tỹ ãjag vég mũ ra,” he tóg, ẽg Senhor ti, ẽg mỹ.

Nén Venh Ke 3:21

Ũ tỹ isovãnh tũ ẽn mỹ sóg: “inh mré nĩ,” he sór mũ. Kỹ tóg inh ri ke tỹ ũn mág nĩnh ke mũ. Inh panh mré sóg tỹ ũn mág nĩ ha, isỹ ti tovãnh ja tũ nĩn kỹ. Kỹ tóg tá inh mré nĩnh ke mũ gé,” he tóg, hem nĩ, vẽnh rán ki,” he tóg, ũ tỹ tỹ ẽprã ke nĩ ve ẽn ti.

Nén Venh Ke 7:17

cordeiro tỹ ag ki rĩr kỹ, ũ tỹ nĩgja sĩnvĩ tá jẽ ẽn ti. Ag tatĩ tĩg jé tóg ke mũ, goj nĩhỹg ja ra. Goj tỹ ag rĩnrĩr han mũ ẽn ra tóg ag tatĩ tĩg ke mũ. Topẽ vỹ ag kygfỹ tỹ tũ' henh ke mũ,” he tóg inh mỹ, kófa ti, ũn e ẽn ag to.