Lucas 12:36 - O Novo Testamento na língua Kaingáng

³⁶ Kỹ ãjag tóg tỹ ũ camarada ri ke nỹtĩ. Kejẽn ag patrão vỹ hẽn kã tá tĩg mũ, ti prũ ke ki fénhta mág han jé. Kỹ ti camarada ag vỹ ti tỹ tá vỹn ke jãvãnh nỹtĩ. Ag tỹ ti jãvãnh há han kỹ tóg há tĩ, ag nũgnũr tũ nĩn kỹ. Kỹ ag tóg kãnhmar ti tỹ jãnkã tỹ tórón tórón ke mẽnh mũ.

Lucas 12:36 Iomraidhean Croise

Lucas 12:35

“Ẽg kur tỹ ẽg tóg vẽsógfĩg tĩ, ẽg tỹ rãnhrãj há han jé. Ẽg néj grug ẽg tóg tĩ, kuty kỹ, ẽg tỹ ve há han jé. Ẽn ri ke han nĩ, ãjag tỹ inh kãtĩg mãn ke jãvãnh kỹ, nén ũ tỹ ãjag kutãn tũ nĩ jé, ãjag tỹ inh mré mũnh ke to.

Lucas 12:37

Hã ra tóg kejẽn jun mũ sir. Kỹ tóg sér tĩ, ti camarada ag tỹ ti jãvãnh nỹtĩn kỹ. Kỹ tóg ag mỹ vĩ há han ke mũ sir. Kỹ tóg vẽsóg fĩn kỹ ag mỹ: “nĩgnĩ ra ver, mesa to,” henh ke mũ sir. Kỹ tóg ti camarada ag mỹ vẽjẽn ven ke mũ, ag patrão ti. Ki hã sóg tó mũ,” he tóg.

Nén Venh Ke 19:7

Kỹ tóg ẽg mỹ sér tãvĩ tĩ. Vĩ sér han jé ẽg tóg ke mũ ha. “Tỹ ti ũn mág pẽ jẽ,” he jé ẽg tóg ke mũ gé. “Cordeiro tỹ vãhã prũg ke nẽ ha. Ti prũnh ke fi vỹ vẽnh kãn huri.

Nén Venh Ke 3:20

Mẽ há han nĩ, sỹ ãjag mỹ nén tó mũ tag. Re tá inh jẽ nĩ, jãnkã tá, kỹ sóg tỹ tórón' tórón' ke mũ. Ũ tỹ inh vĩ mẽg mũ mỹ tóg há tĩ. Kỹ tóg inh mỹ nón ke mũ, jãnkã ti. Kỹ sóg ti ĩn kã ra rãnh ke mũ. Kỹ sóg ti mré jẽn ke mũ. Kỹ tóg inh mré jẽn ke mũ gé, ha mẽ.