Lucas 12:35 - O Novo Testamento na língua Kaingáng

³⁵ “Ẽg kur tỹ ẽg tóg vẽsógfĩg tĩ, ẽg tỹ rãnhrãj há han jé. Ẽg néj grug ẽg tóg tĩ, kuty kỹ, ẽg tỹ ve há han jé. Ẽn ri ke han nĩ, ãjag tỹ inh kãtĩg mãn ke jãvãnh kỹ, nén ũ tỹ ãjag kutãn tũ nĩ jé, ãjag tỹ inh mré mũnh ke to.

Lucas 12:35 Iomraidhean Croise

Mateus 25:1

Kỹ Jesus tóg ag mỹ ti kãtĩg mãn ke ẽn kãmén mãn mũ. “Tytãg fag ri ke ti nĩnh mũ,” he tóg. “Tytãg tỹ 10 (ke) fag vỹ nỹtĩ. Vẽnh kyprũg ve jé fag tóg, lampião vyn kỹ mũ mũ, ũn prũg mũ ẽn kato.

Mateus 5:16

Gem nĩ, néj gru ri ke nỹtĩm nĩ. Topẽ jykre han nĩ, vẽnh kar tỹ ãjag jykre há ve jé. Kỹ ag tóg, Topẽ mỹ vĩ há han ke mũ, ẽg jóg tỹ kanhkã tá nĩ ẽn mỹ,” he tóg, Jesus ti.

Lucas 12:36

Kỹ ãjag tóg tỹ ũ camarada ri ke nỹtĩ. Kejẽn ag patrão vỹ hẽn kã tá tĩg mũ, ti prũ ke ki fénhta mág han jé. Kỹ ti camarada ag vỹ ti tỹ tá vỹn ke jãvãnh nỹtĩ. Ag tỹ ti jãvãnh há han kỹ tóg há tĩ, ag nũgnũr tũ nĩn kỹ. Kỹ ag tóg kãnhmar ti tỹ jãnkã tỹ tórón tórón ke mẽnh mũ.

Éfeso 6:14

Hã kỹ tar nỹtĩm nĩ. Ẽg Senhor vỹ ón vãnh nĩ. Ti ón vãnh vỹ vẽsóg fĩn ja mág ri ke nĩ. Tỹ vẽsóg fĩn ri ke han nĩ. Kỹ vẽjykre kuryj vỹ tỹ soldado tỹ camisa tỹ ferro ri ke nĩ. Ẽn tu ri ke han nĩ. Vẽjykre kuryj han to ken hã vẽ.

Filipos 2:15

Hã tugnĩn ũ tóg ãjag to jykrén kónãn ke tũ nĩ, ãjag tỹ kygnẽg tũ nĩn kỹ. Kỹ ãjag tóg tỹ Topẽ krẽ nỹtĩ gé, ãjag tỹ ti jykre há han kỹ. Ẽprã ke kar vỹ jykre pãno nỹtĩ, Topẽ vĩ mranh kỹ. Kỹ ãjag tóg ag mỹ jẽngrẽ ri ke nỹtĩ, ãjag tỹ ag mỹ Topẽ vĩ kãmén kỹ.

1 Pedro 1:13

Hã kỹ Topẽ tỹ ẽg mỹ nén tó mũ hã han sórm nĩ. Vẽnh ki ẽmẽm nĩ. Ti tỹ ẽg mỹ nén nĩm ke mũ ẽn hã mĩ ẽkrén nĩ. Jesus tỹ vẽnh ven ke kurã ẽn kã ẽg tóg venh ke mũ sir, ti tỹ ẽg mỹ nén nĩm ke mũ ẽn ti.