Lucas 12:32 - O Novo Testamento na língua Kaingáng

³² “Kamẽg tũg nĩ, ãjag pipir nỹtĩ ra. Ẽg jóg tỹ Topẽ vỹ ãjag to há nĩ, hã kỹ tóg ãjag mỹ kanhkã ti ven sór mũ, ha mẽ.

Lucas 12:32 Iomraidhean Croise

Mateus 14:27

Hã ra Jesus tóg ag mỹ: “inh kamẽg tũg nĩ, inh hã vẽ, jũrũn ke tũg nĩ,” he mũ.

Mateus 20:16

Hã kỹ ẽgno tá kãmũ mũ ag vỹ ũn kãmũ vén mũ ag ri ke nỹtĩnh mũ, tãpry kỹ, jãvo ũn kãmũ vén mũ ag vỹ ẽgno tá kãmũ mũ ag ri ke nỹtĩnh mũ gé,” he tóg, Jesus ti.

Mateus 25:34

Tỹ sóg vẽnh kar kri pã'i mág nĩnh mũ, kurã ẽn kã. Kỹ sóg inh pẽgja tá nỹtĩnh ke mũ ag mỹ: inh panh vỹ ãjag mỹ vĩ há han ke mũ. Topẽ tỹ ga tãg mré kanhkã tãg venh kãmũ jẽg. Ti tỹ ga si han kurã ẽn kã tóg ãjag hã kuprẽg ja nĩ.

Mateus 7:15

“Ón kỹ Topẽ vĩ tó tĩ ẽn ag vĩ kri nĩm tũg nĩ. Há nỹtĩ ve ag tóg nĩ, hã ra ag tóg, ãjag kókén sór nỹtĩ. Ãjag kókén sór to ag tóg, mĩg jũ ẽn ri ke nỹtĩ, mỹr, ha mẽ.

Lucas 10:21

Kỹ tóg ti mỹ sér tĩ, óra ẽn kã. Topẽ kuprĩg tỹ ti krĩn kỹ tóg: “jóg',” he mũ. “Tỹ ã tóg kanhkã tãn ag kãfór kar nĩ, kar ã tóg tỹ ẽprã ke ag kãfór nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: “ki kanhró mág inh nĩ,” he mũ ag mỹ ã tóg ã jykre ven ja tũ nĩ. Ũ tỹ ki kagtĩg ag hã mỹ ã tóg ã jykre nĩm ja nĩ. Kỹ tóg há tãvĩ nĩ, jóg',” he tóg.

João 18:36

Kỹ Jesus tóg: “inh pijé tỹ ga tag kri pã'i mág nĩ',” he mũ. “Isỹ tỹ tag ki ũn mág nĩ ra inh krẽm ke ag tóg Judeu ag mré jagnẽ génh ke mũ vẽ, kỹ ag tóg isenh ke tũ nĩ vẽ. Isỹ tỹ ũn mág nĩ vỹ tỹ vyr mỹ ke nĩ,” he tóg.

Han Kãme 20:28

Vẽnh ki rĩrm nĩ, vẽso jykrén kỹ. Kỹ Jesus ki ge mũ kar ag ki rĩrm nĩ gé. Topẽ kuprĩg vỹ ãjag tỹ ag to pã'i hynhan, kỹ ag ki rĩr há han nĩ. Ti kyvénh tỹ tóg ãjag kygjãm mỹr, Jesus ti. Ti mỹ ãjag tóg tỹ ti mẽg ri ke nỹtĩ. Kỹ ti mẽg ẽn jẽn nĩ.

Han Kãme 20:29

Isĩg kỹ ũ ag tóg ãjag ki junjun ke mũ, kỹ ag tóg mĩg ri ke nỹtĩ, ti mẽg mãn sór kỹ, hã vỹ: Jesus ki ge kỹ nỹtĩ ag kókén sór mũ, he mũ.

Roma 6:23

Topẽ vĩ mranh tugrĩn ẽg nũgme ki vár ke mũ vẽ. Topẽ tỹ ẽg vóg kónãn hã vẽ. Hã ra tóg ẽg jagãgtãn mũ. Kỹ tóg ẽg mỹ rĩr krỹg ja tũ ven ke mũ. Ti tỹ ẽg mỹ presente han hã vẽ, hã vỹ: ẽg tỹ ẽg rĩr krỹg ja tũ venh ke, he mũ, ẽg Senhor tỹ Jesus Cristo tugnĩn.

1 Corinto 1:21

Topẽ tỹ nén to jykrén mũ vỹ ge nĩ, ha mẽ. Ẽg tỹ vẽsóg ki Topẽ to jykrén sór mũ ra ẽg tóg ti ki kanhrãn ja tũ nĩgtĩ, ẽg tỹ ga kri mũn kỹ. Hã kỹ Topẽ tóg ẽg tỹ ti vĩ mẽ kỹ kri fi kỹ ẽg kren han mũ. Hã kỹ Topẽ tóg ag mỹ krĩ tũ nĩ ve nĩ, ũ tỹ ki kagtĩg ag mỹ.

Filipos 2:13

Ti hã ne tóg ãjag krĩn há han tĩ', ti jykre tỹ ãjag mỹ sér tĩn jé, ãjag tỹ hã mĩ hã mũn jé.

2 Tessalônica 1:11

Hã jé sóg ãjag to Topẽ mré vĩ tĩ, kurã kar ki. Ti mỹ sóg: “ag tar han nĩ,” he tĩ. “Ã jykre han sór ag tóg mũ. Kỹ ag tar han nĩ, ag tỹ kygnẽg tũ nĩ jé. Ag kuprẽg ã tóg, ag tỹ kurã ẽn ve jé,” he sóg tĩ mỹr, Topẽ mỹ.

2 Tessalônica 1:5

Hã tugrĩn ẽg tóg Topẽ jykre kuryj ki kanhró nỹtĩ, ãjag tỹ ti tovãnh tũ nĩn kỹ. Jagtar ãjag tóg mũ, hã ra ãjag tóg ti tovãnh tũ nĩgtĩ. Ti tỹ tỹ ẽg pã'i nĩ ve jé ãjag tóg ke mũ, ha vem nĩ.

Hebreu 12:28

Kỹ tóg há tĩ, ẽg tỹ Topẽ mỹ: “há ti nĩ, ã tỹ ẽg mỹ nén han mũ ti,” hen kỹ. Ẽg jamã tãg vỹ inhhã ragra kenh ke tũ pẽ nĩ. Kỹ tóg há nĩnh mũ gé, ẽg tỹ Topẽ rãnhrãj han há han kỹ, ti tỹ ti mỹ sér tĩ jé.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

2 Pedro 1:11

Kanhkã ve jé ãjag tóg ke mũ, ha vem nĩ, ẽg Senhor tỹ Jesus Cristo tũ ti, ẽg krenkren han tĩ ẽn tũ ti. Tũ' henh ke tũ ti nĩ, ti tỹ tá tỹ ũn mág nĩ ti.

Nén Venh Ke 1:6

Kỹ tóg ẽg tỹ pã'i han ke mũ gé, ti krẽm. Topẽ tũ ki rĩr jé ẽg tóg ke mũ gé, ti jóg tũ ki. Ti hã ne ti pir mỹ tỹ ũn mág nĩ', Jesus ti. Ti hã ne ti pir mỹ tar nĩ', ũri. Kỹ tóg tũ' henh ke tũ nĩ, ti tar nĩn kỹ. Hã vẽ.

Nén Venh Ke 22:5

Tá tóg kutyg vãnh nĩgtĩ. Hã kỹ ag tóg tá néj grug ke tũ nĩ. Rã vỹ tá tũ nĩ gé. Topẽ vỹ ag mỹ jẽngrẽ han tĩgtĩ, ẽg pã'i ti. Kỹ tá nỹtĩ ag tóg tỹ pã'i nỹtĩnh ke mũ gé. Ag tỹ tỹ pã'i nỹtĩnh ke tag vỹ tũ' henh ke tũ pẽ nĩ.