Lucas 12:26 - O Novo Testamento na língua Kaingáng

²⁶ Ẽg pijé ẽg krĩ kufy tugrĩn, ẽg krĩ há tugrĩn mũnh ke tũ nĩ'. Mũ jé ẽg tóg ke mũ, ti tỹ ẽg jé prẽr kỹ. Hã kỹ nén ũ ũ to krĩ kufy han tũg nĩ.

Lucas 12:26 Iomraidhean Croise

Mateus 6:25

“Hã kỹ sóg ãjag mỹ tó mũ. Ãjag tỹ nén ve sór mũ to krĩ kufy han tũg nĩ. “Inh hỹn ũri ne konh mũ', inh hỹn ne tunh mũ'?” he tũg nĩ. Topẽ tỹ ẽg han ja vẽ mỹr, ẽg tỹ ga kri mũ jé. Hã kỹ tóg ẽg mỹ ẽg tỹ konh ke mũ ven tĩ gé sir, ẽg kur ti ke gé.

Lucas 12:25

Kỹ ẽg tóg Topẽ tỹ ẽg jé prẽr kỹ mũnh ke mũ gé. Ẽg pijé mũnh ke tũ nĩ'. Ẽg tỹ to krĩ kufy han mũ ra ẽg tóg tĩg mũ.

Lucas 12:27

Ka fej to jykrén nĩ gé. Jatun mỹ tóg mog tĩ. Rãnhrãj tũ tóg nĩgtĩ, kur han tũ tóg nĩgtĩ. Hã ra tóg sĩnvĩ nỹtĩgtĩ. Kỹ pã'i mág tỹ Salomão ẽn kur tóg ri ke tũ nỹtĩ ja nĩgtĩ, ti sĩnvĩ ja ra. Ki hã sóg tó mũ mỹr.

Lucas 12:29

“Inh hỹn ne konh mũ', ũri?” he tũg nĩ gé. To krĩ kufy han tũg nĩ.

1 Pedro 5:7

Ãjag krĩ kufy nĩn kỹ ti hã mỹ tóm nĩ. Kỹ tóg ãjag mỹ ãjag krĩ kuprãg ke mũ. Ti hã vỹ ẽg ki rĩr nĩgtĩ.