Lucas 12:21 - O Novo Testamento na língua Kaingáng

²¹ “Ge tóg nĩ, ẽg tỹ ga kri nén ũ há ve sór kỹ. Ma mũnh ke tũ ẽg tóg nĩ, kanhkã ra. Ẽg tỹ kanhkã tá tũ mág nỹtĩnh ke tag hã ne há nĩ',” he tóg.

Lucas 12:21 Iomraidhean Croise

Lucas 12:33

Ãjag tỹ nén kar vin nĩ, ũn vẽsỹrénh mũ ag mỹ. Kỹ ãjag tóg kanhkã tỹ tỹ nén ũ mág nỹtĩnh mũ. Tá ãjag kuge tóg tũ' he mãn ke tũ nĩ. Tag ki ẽg tóg ẽg jãnkamy fón tĩ, nén ũ kar to. Tá tóg tũ' he jãvãnh nĩ, ẽg kuge ti. Tá ũ tóg péjunh kãtĩg ke tũ nĩ gé, tá ti ga tóg kagranh ke tũ nĩ gé.

Lucas 16:11

Ẽg tỹ ga kri nén vég mũ vỹ kãnhmar tũ' henh ke mũ. Ãjag tỹ hã ra ga kri ãjag tũ ki rĩr há han tũ nĩn kỹ ãjag tóg kanhkã tỹ tỹ nén ũ tũ nỹtĩnh mũ gé.

Lucas 6:24

“Hã ra Topẽ vỹ ãjag ve kónãn mũ, ãjag tỹ: “há ẽg tóg nỹtĩ,” hen kỹ. Ga kri mũn kỹ ãjag tóg nén ũ há vég tĩ, kỹ ãjag tóg kanhkã tá jun ke tũ nĩ,” he tóg.

Roma 2:5

Kutu ag nỹtĩ, vẽjykre pãno tovãnh jãvãnh ag nỹtĩ, hã kỹ Topẽ tỹ ag to jũ tóg komẽr hã mág rã nĩ. Kejẽn tóg ti tỹ vẽnh kar jykre venh ke kurã pétẽm ke mũ sir. Kỹ ag tóg, Topẽ tỹ ag vóg kónãn venh ke mũ, fag ke gé. Kỹ vẽnh kar vỹ ti jykre kuryj venh ke mũ, ti tỹ ẽg mỹ ki hã tó mũ ti.

2 Corinto 6:10

Inh fe kaj tóg tĩ. Ge ra tóg inh mỹ sér tĩ. Jagtar sóg tĩ. Hã ra sóg ũ tỹ hẽn ri ke ag jagãgtãn tĩ, ag mỹ Topẽ vĩ tón kỹ. Nén ũ tỹ isóg tũ tũ nĩ. Hã ra Topẽ tỹ ẽg mỹ nén nĩm mũ ẽn kar vỹ tỹ isũ nỹtĩ.

1 Timóteo 6:9

Ẽg tỹ riko nỹtĩ sór kỹ tóg inh mỹ ẽg tỹ Topẽ vĩ mranh ha mẽ tĩ. Kãnhmar ẽg tóg nén ũ to én', nén ũ to én' he tĩ, kỹ tóg inh mỹ tag tỹ ẽg kókén ha mẽ tĩ. Kỹ ẽg tag to nũgme ki vár ke mũ. Pijé há nĩ'.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

Nén Venh Ke 2:9

“Isugrĩn ag tóg ãjag to kórég nỹtĩ. Kỹ ãjag tóg jagtar nỹtĩ. Ki kanhró sóg nĩ. Ge ra ãjag tóg inhhã riko ri ke nỹtĩ. Ãjag to ag tóg vĩ kónãn tĩ, ũ tỹ ón kỹ: “Judeu vỹ tỹ ẽg nỹtĩ, Topẽ tũ vỹ tỹ ẽg nỹtĩ,” he mũ ag. Ag pijé tỹ Topẽ tũ nỹtĩ'. Satanás tũ vỹ tỹ ag nỹtĩ.