Lucas 12:20 - O Novo Testamento na língua Kaingáng

²⁰ Hã ra Topẽ tóg ti mỹ: “krĩ tũ ã nĩ,” he mũ. “Kuty tag kã ã tóg ter ke mũ ha. Kỹ ã tũ mág tag vỹ tỹ, ũ tũ nĩnh ke mũ ha? Ma tĩg ke tũ ã tóg nĩ,” he tóg ti mỹ, Topẽ ti,” he tóg.

Lucas 12:20 Iomraidhean Croise

Lucas 11:40

Krĩ tũ pẽ ãjag nỹtĩ. Ũ tỹ ẽg ven ja han mũ vỹ ẽg jykre han mũ gé mỹr. Ẽg jykre há nĩn kỹ ẽg ven ja vỹ há nĩ gé.

1 Tessalônica 5:3

Ti to há tũ ag vỹ: “jatun mỹ ẽg nỹtĩ. Ũ vỹ ẽg vóg ke tũ nĩ,” henh ke mũ. Ag tỹ tag tó mũ ra tóg vãhã kãtĩg mũ. Kỹ ag tóg nũgme ki vár ke mũ sir. Ag tỹ to jykrén tũ hã ra ti kãtĩg kỹ ag tóg krenkren ke tũ pẽ nĩ, ha vem nĩ.

1 Timóteo 6:17

Ẽprã ũn riko ag mỹ tóm nĩ, ag tỹ vẽso: “tỹ inh ũn riko pẽ nĩ,” he tũ nĩ jé. Ag riko vỹ kãnhmar tũ' henh ke mũ. Ag jé Topẽ hã ki nén ũ kar ve sór. Ti hã vỹ ẽg mỹ nén ũ kar nĩm tĩ, ẽg fe tỹ mrin ken jé.

1 Timóteo 6:7

Ha vé, ẽg mur mũ kã ẽg tóg tỹ nén ũ tũ mur, kỹ ẽg tóg ẽg ter kỹ ẽg tỹ nén kar tovãnh kỹ tĩg mũ gé.

Tiago 4:14

Hã ra ãjag pijé ãjag tỹ nén venh ke mũ ki kanhró nỹtĩ', ha mẽ. Ẽg hỹn ne venh ke mũ, vaj kỹ? Ha'. Ki kagtĩg ẽg nỹtĩ. Ẽg mỹ vaj kỹ ter ke tũ nĩ vỹ? Ha'. Krũj ri ke ẽg nỹtĩ. Ve sĩ han ẽg tĩ. Ẽg tỹ ki ẽvãnh mãn mũ ra tóg tũ' he mũ sir. Ge ẽg nỹtĩ. Kãnhmar ẽg tóg tũ' he tĩ, ẽg ter kỹ.