Lucas 12:19 - O Novo Testamento na língua Kaingáng

¹⁹ “Kỹ sóg jatun mỹ nĩnh mũ sir. Isũ vỹ prỹg tỹ hẽn ri ke pétẽm mũ. Kỹ sóg rãnhrãj mãn ke tũ nĩ ha. Jatun mỹ sóg jẽg nĩnh ke mũ, kron sóg nĩnh ke mũ gé, inh mỹ sér tĩn kỹ,” he tóg, to jykrén kỹ, ũn riko ti.

Lucas 12:19 Iomraidhean Croise

Lucas 12:18

“Inh pãjó kókén jé sóg ke mũ, sỹ ti jẽgja ki ũn mág han jé, kỹ sóg krẽm isũ kar vin mũ, inh jakré kanẽ kar ti,” he tóg mũ, to jykrén kỹ.

Lucas 16:19

Kỹ tóg ag mỹ: “kejẽn ũ tóg nĩgtĩ, ũn riko pẽ,” he mũ. “Kur kaja e tu ti tĩgtĩ, kur hapẽ. Kurã kar ki tóg vẽjẽn há ko tĩ. Fénhta ri ke han tóg tĩ, kurã kar ki.

Lucas 21:34

“Vẽnh ki ẽmẽ, ãjag tỹ fénhta tãvĩ to vẽnh kutãn tũ nĩ je, vẽnh kanhir e to ke gé. Kỹ vẽjẽn to krĩ kufy han tũg nĩ gé, kur to, tag ki nén ũ kar to. Ke tũ nĩ mũ ra inh kãtĩg mãn ke kurã ẽn vỹ ãjag vatánh tá jun ke mũ.

1 Corinto 15:32

Ẽmã tỹ Éfeso tá sóg mĩg mré rárá ri ke han. Ẽg tỹ rĩr mãn' he tũ nĩ ra tóg inh mỹ nén ũ há han ke tũ nĩ vẽ. Ũn kãgter mũ ag rĩnrĩr mãn ke tũ nĩ ra ẽg tóg jatun mỹ ẽg tỹ nén to én mũ han ke mũ vẽ, ẽg tỹ: “mũ nỹ, jẽn jé, kron jé, ẽg hỹn vaj kỹ ter ke mũ,” hen kỹ.

Filipos 3:19

Nũgme ki ag tóg vár ke mũ, inferno ki, ha mẽ. Jẽn há tãvĩ han sór ag tóg mũ. Tag hã tóg ag mỹ sér tĩ. Nén tỹ ẽg mỹ'a han tĩ tag hã tóg ag mỹ sér tĩ. Ẽg tỹ tag mĩ vég tĩ ẽn hã to ag tóg jykrén sór tĩ.

1 Timóteo 5:6

Fi tỹ hã ra ag to kanhir sór kỹ fi tóg vẽjykre pãno han mũ. Kỹ fi tóg tĩg kónãn ke mũ.

1 Timóteo 6:17

Ẽprã ũn riko ag mỹ tóm nĩ, ag tỹ vẽso: “tỹ inh ũn riko pẽ nĩ,” he tũ nĩ jé. Ag riko vỹ kãnhmar tũ' henh ke mũ. Ag jé Topẽ hã ki nén ũ kar ve sór. Ti hã vỹ ẽg mỹ nén ũ kar nĩm tĩ, ẽg fe tỹ mrin ken jé.

2 Timóteo 3:4

Ag régre ag vatánh tá ag tóg ag to vĩ kónãn ke mũ gé. Ũ tỹ ag jykre kórég to ag vóg kónãn ke tag kamẽg ke tũ ag nĩ. Vẽso ag tóg: “vẽnh kar kãfór vỹ tỹ inh nĩ,” henh ke mũ gé. Ag tỹ Topẽ to há nỹtĩnh ke vẽ vẽ. Hã ra ag tóg ag tỹ nén to én mũ ẽn hã han sór ke mũ.

Tiago 5:5

Ãjag tỹ nén ve sór mũ kar ve ãjag huri, vẽjẽn mág, kur sĩnvĩ, ãjag tỹ nén to én mũ kar ẽn ti. Tag tãvĩ to ãjag tóg jykrén tĩ, ãjag tỹ ga kri mũn kỹ. Tãg gy ãjag nỹtĩgtĩ, ẽg tỹ ẽg mẽg jẽn há han tĩ ẽn ri ke, ẽg tỹ ti tãnh jé.

1 Pedro 4:3

Vãsỹ ãjag tóg ũ tỹ Topẽ ki kagtĩg ag jykre han ja nĩgtĩ, prỹg tỹ hẽn ri ke ki, mỹr, ha mẽ. Ẽn kã ãjag tóg ãjag prũ tũ fag to én (ka)mẽ ja nỹtĩgtĩ, ãjag mén tũ ag to ke gé. Ãjag tỹ nén to én mũ ẽn han ja ãjag tóg nĩgtĩ. Kronkron mũ ja ãjag tóg nĩgtĩ. Vẽnh kãgrá mỹ fénhta kórég ẽn han ja ãjag tóg nĩgtĩ gé.

Nén Venh Ke 18:7

Sĩnvĩ ja ag nỹtĩ. Tỹ nén ũ mág ja ag nỹtĩ. Ag jagtar han nĩ. Ũ tỹ nén ũ mág tũ ag jagtar han nĩ gé, ag mré. “Ũn mág vỹ tỹ ẽg nỹtĩ,” he ag tóg mũ. “Ũ pijé ẽg jagtar han ke mũ',” he ag tóg mũ.